प्रेरित 2:20 - Sunuwar Bible

²⁰ नां छिङछिङ दुम्‍ब। तास्‍ला हुश खोदेंशो लल दुम्‍शो तांइसीब। मेको प्रभु आ ठेयब नाक्‍त आ क्‍येङा ङोंइती मोदेंशो दुम्‍ब।

प्रेरित 2:20 ပူးပေါင်းရင်းမြစ်များ

यसैया 13:10

सरीङ ङा सोरुलपुकीम आन छेङछेङ साम्‍नीम। नां दाप्‍ना दाप्‍न छिङछिङ दुम्‍ब। तास्‍लाम छेङछेङ मगेब।

यसैया 13:15

खेदा पा थित्‍चा पुंइसीशोपुकी तूशा साइक्‍चा पुंइसीनीम। मिनु ग्‍याइक्‍चा पुंइसीशोपुकी तरवारम क्‍योरचा पुंइसीनीम।

यसैया 13:9

नेनीन, परमप्रभु यावे आ नाक्‍ती हिंचा ङा श्‍येतम जाक्‍ब। आ गाइश्‍शो चुरशोमी रागी नेल्‍ल मुर मबाक्‍तीके सेल्‍ब। मिनु पाप पाइब आन कली क्‍याम्‍ब।

यसैया 24:23

मेना तास्‍ला लल जीब, नां आ छेङछेङ जाम्‍ब। मारदे हना मुर नेल्‍ल आन परमप्रभु यावेमी सियोन डांडा नु यरूसलेमम सासन पाइब। खाल्‍पा आन ङोंइती आ छेङछेङ कोंइब।

यसैया 34:8

काबु परमप्रभु यावे आ क्‍येक्‍क लेत्‍तीक नाक्‍त बाक्‍ब। सियोन आ पर्बम ठीक सेल्‍चा कली क्‍येक्‍क लेत्‍तीक बर्स का बाक्‍ब। यसैया ६३:४

येरमीया 4:23

मिनु “गो रागी कली कोव़ता। मेको मारेइ मबा। मिनु मेकेर नेल्‍ल श्‍येत्‍थ बाक्‍त। मिनु सरीङ गे कोव़ङुनु, मेकेर मारेइ छेङछेङ मबाक्‍म। उत्‍पत्ती १:२

योएल 2:1

सियोनमी तुराही ताप्‍पीन। आं डांडामी शुश ग्रीब ताप्‍तीक ग्रोव़ ताप्‍पीन। रागीम बाक्‍ब मुर नेल्‍ल गिक गिक पा ख्रिंख्रि पामेक्‍ल। मारदे हना परमप्रभु यावे आ जाक्‍‍शो नाक्‍त नेक्‍था जाक्‍शो बाक्‍ब। मेको जाक्‍चा चिक्‍शो बाक्‍ब। योएल १:१५

योएल 2:31

परमप्रभु यावे आ ठेयब हिंचा ङा नाक्‍त जाक्‍चा क्‍येङा ङोंइती नां छिङछिङ दुम्‍ब। मिनु तास्‍ला हुश दुम्‍ब” देंशो बाक्‍ब। योएल २:२,१०,११; मत्ती २४:२९; प्रकाश ६:१२

योएल 3:14

मिनु निसाफ पतीक दिंममी शुश मुर जाक्‍स ङा जाक्‍स बाक्‍नीम। मारदे हना मेको दिंममी परमप्रभु यावे आ निसाफ पतीक नाक्‍ती जाक्‍चा चिक्‍शो बाक्‍ब।

आमोस 8:9

गो मेको नाक्‍ती नां कली नाक्‍ती उइक्‍थ दुम्‍मेनु, लाक्‍पाइक्‍नुङ। मिनु नाक्‍त बाक्‍ना बाक्‍न नां रिक्‍पाइक्‍नुङ। येरमीया १५:९

मलाकी 4:5

नेनीन, आं ठेयब नु हिंचा ङा नाक्‍त जाक्‍चा क्‍येङा ङोंइती आं लोव़ पाइब एलीया कली इन बाक्‍तीकेम सोइक्‍नुङ। मत्ती ११:१४; १७:११-१३; योएल ३:४

मत्ती 24:29

रागीम मोदेंशो श्‍येत दुम्‍ने नुम चोटी, सरीङमी चिन्‍ड तांइसीनीम। नां आ छेङछेङ जाम्‍शा, जिक रिक्‍शो तांइसीब। तास्‍ला आ हाम्‍सो यो जाम्‍ब, सोरुल खपीम दोक्‍नीम। सरीङ ङा सक्ति हिम्‍सीनीम। यसैया १३:१०; प्रेरित ६:१२-१३; २पत्रुस ३:१०

मत्ती 27:45

मिनु नाक्‍ती १२ बजे रे ३ बजे सम्‍म नेल्‍ल रागीमी नां रिक्‍शो खोदेंशो पा छिङछिङ दुम्‍त।

मर्कूस 13:24

रागीमी मोदेंशो ठेयब श्‍येत नुम्‍मेनु, सरीङमी चिन्‍ड तांइसीनीम। नां आ छेङछेङ जाम्‍शा, जिक रिक्‍शो दुम्‍ब। तास्‍ला आ हाम्‍सो यो जाम्‍ब।

लूका 21:25

मिनु सरीङ नु रागीमी चिन्‍ड तांइसीनीम। सरीङमी नां, तास्‍ला नु सोरुल मार मार तांइसीब। रागीम समुन्‍द्रमी ठेयब ब्‍वाक्‍कु ब्रुइश्‍शा, मुर नेल्‍ल आन कली हिंपाइक्‍ब। प्रकाश ६:१२-१३

प्रेरित 2:19

मेको ठेयब नाक्‍त जाक्‍चा क्‍येङा ङोंइती गो सरीङ नु रागीमी चिन्‍ड नु छक लाक्‍चा ङा गेय कोंइनुङ। हुश यिपाइक्‍नुङ, मी ब्रपाइक्‍नुङ नु ठेयब कुन ग्रूशो तपाइक्‍नुङ।

प्रेरित 2:21

मिनु सु सुमी प्रभु आ नें थिशा प्रोंइयीकी, दे ब्रेम्‍मा, मेकोपुकी पाप रे प्रोंइचा पुंइसीनीम’ दे परमप्रभु यावेम देंशो बाक्‍ब। योएल २:२७-३२

१ कोरिन्‍थी 5:5

मेको मुर कली सैतान आ गुइम गेचा माल्‍नीनी। मेको आ रां खतम दुम्‍त हना यो, प्रभु आ निसाफ नाक्‍तीमी ब्रोंइचा तवल। १तिमोथी १:२०

१ थिस्‍सलोनिकी 5:2

मारदे हना गेपुकी प्रभु आ नाक्‍त खुइ खोदेंशो पा जाक्‍ब, दे तुइक्‍नीनी। मत्ती २४:४२-४४; २पत्रुस ३:१०; प्रकाश ३:३; प्रकाश १६:१५

२ पत्रुस 3:10

प्रभु जाक्‍मेनु, खुइ जाक्‍शो खोदेंशो पा जाक्‍ब। मेना सरीङ ठेयब रेयके पा जाम्‍ब। मारेइ मारेइ ग्रोइश्‍शा नुप्‍नीम। रागी नु रागीम बाक्‍शो मारेइ मारेइ मीम खतम दुम्‍नीम। १थिस्‍सलोनिकी ५:२-३; मत्ती २४:२९; प्रकाश २०:११; यसैया २४:१९

२ पत्रुस 3:7

मुल सम्‍म बाक्‍ब सरीङ नु रागी कली “बाक्‍ल” दे परमप्रभु यावेमी खाल का ङा लोव़ पशा, वोदा बाक्‍त। परमप्रभु यावेमी रागी नु मटीब मुर नेल्‍ल आन कली मीम क्रोइक्‍चा, दे निसाफ पची नाक्‍त सम्‍म कली वोइश्‍शो बाक्‍त।

प्रकाश 16:8

मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का नां तार मोइक्‍तु। मिनु मेकोमी मोदानु, नांमी मुर आन कली मीम खोदेंशो पा क्रोइक्‍चा गोप्‍तु।

प्रकाश 6:12

मिनु पाठामी मेको लीशो छाप निक्‍शी रे का प्राक्‍गानु, ठेयब ख्रिनु कुत। मिनु नां कुंखी खोदेंशो क्‍येर दुम्‍त। तास्‍ला चहिं हुश खोदेंशो लल दुम्‍त। यसैया २४:२१-२३; योएल ३:३-४; मत्ती २४:२९