प्रेरित 19:9 - Sunuwar Bible

⁹ मिनु आ लोव़ नेंबपुकीमी थमा मसुइक्‍थु, नक लां आ पर्बम ग्रुम्‍तीक खिंमी शुक्‍शी लोव़ पतीके मेको मेकेर शेंचा प्रोना बाक्‍त। मिनु शेंसीचा दाक्‍ब आन कली चहिं काथा लाइश्‍शा, टिरान्‍नस आ इस्‍कुलमी नेंचा दाक्‍ब आन कली खुप्‍शा, नाक्‍त किंत किंत शेंना शेंन बाक्‍माक्‍त।

प्रेरित 19:9 ပူးပေါင်းရင်းမြစ်များ

२ राजा 17:14

तन्‍न मेकोपुकीम आन थमा मसुइक्‍ब किकी पिपी खोदेंशो पा परमप्रभु यावे आ लोव़ मनेंथु, काइ मटीमे बाक्‍त।

२ इतिहास 30:8

गेपुकी इन किकी पिपी खोदेंशो पा काइ मटीब मदुमीन। तन्‍न परमप्रभु यावे कली आ अरेशो टिशा, आ बाक्‍तीकेम जाक्‍कीन। मिनु ‘मेको गेना हना यो आं बाक्‍तीकेम बाक्‍ब’ देंशो बाक्‍ब। गे परमप्रभु यावे कली गेय पने। मोपा इन पर्बम आ गाइश्‍शो बेक्‍बा, कों?

२ इतिहास 36:16

तन्‍न परमप्रभु आ लोव़ पाइब आन कली शुक्‍शी पामे बाक्‍त। आ लोव़ मटिथु, आ लोव़ पाइब आन कली तोक्‍शा लोव़ पामे बाक्‍त। मोपतीके परमप्रभु यावे आ गाइश्‍शो मबेक्‍माक्‍त। लूका २०:१०-१२; प्रेरित ७:५२

नेहेम्‍याह 9:29

मिनु मेको आन कली इन अरेशो लोव़ गे लेत्‍चा कली, मेको आन कली टिचा शेंदीनी बाक्‍त। तन्‍न मेकोपुकी ठेयब लेश्‍शा, इन शेंतीके काइ मटिथु, इन पतीक लोव़ मपामे बाक्‍त। मुरपुकीमी इन पतीक लोव़ पशो नम हना, ब्रोंइचा ताम वा। तन्‍न मेकोपुकीम इन लोव़ मनेंथु, मटिथु, इन गे आन ची हिरदमे बाक्‍त। लेवी १८:५

भजन संग्रह 95:8

गेपुकी मेरीबाम पशो खोदेंशो पा इन थुं खकटा मसेलीन। गेपुकी गोरशो रागी मास्‍साह माइश्‍शोमी बाक्‍ची ना पशो खोदेंशो मपने। हिब्रू ३:७-८; हिब्रू ४:७

हितोपदेस 8:34

सुम आं लोव़ नेंबा, मेको ग्‍येरसीशो मुर दुम्‍ब। मेको मुरुम नाक्‍त किंत किंत आं लाप्‍चो कोव़शा आं कली रिम्‍ब।

यसैया 8:14

परमप्रभु इन कली नेल्‍ल क्‍येङा ङोंइती ङा मिम्‍तीके दुम्‍ल। तन्‍न इस्राएल आ खिं निक्‍शी ङा मुर आन कली दाइल पाइक्‍तीके नु लां तेक्‍तीके फुल्‍लु दुम्‍ब। मेको यरूसलेम ङा मुर आन कली रेप्‍पाइक्‍ब ब्‍वारद दुम्‍ब। रोमी ९:३३

येरमीया 19:15

मुर नेल्‍ल आन परमप्रभु यावे, इस्राएली आन परमप्रभुमी मार देंत देंशा हना “गो एको सहर नु आ नेक्‍था ङा सहर ङा मुर नेल्‍ल आन कली आं ङोंइती देंशो ठेयब श्‍येत जपाइक्‍नुङमी। मारदे हना मेको आन थुं खकटा बाक्‍ब। मिनु आं लोव़ नेंचा मदाक्‍नीम” दे माइक्‍तीमी।

येरमीया 7:26

तन्‍न मेकोपुकीमी आं लोव़ मनेनेम। आं लोव़मी आन नोफा मदाइक्‍तेम। मटीब ला दुम्‍तेक्‍म। मिनु मेकोपुकीमी आन किकी पिपी आन क्‍येङा यो शुश मरिम्‍शो पाम्‍‍तेक्‍म। येरमीया १६:१२

मत्ती 15:14

मेकोपुकीमी मारेइ पामेक्‍ल। मिक्‍च मताइब लां कोंइब नम। मिक्‍च मताइबमी मिक्‍च मताइब कली कीशा लां कोंइताक्‍व हना, निम्‍फा खाल्‍टाम बिक्‍नीस” देंत। मत्ती २३:२४; लूका ६:३९; रोमी २:१९

मत्ती 16:4

मरिम्‍शो पाइब नु देवी देवता नु परमप्रभु यावे खाल्‍ब पालाम चिन्‍ड कोव़कोव़ दाक्‍नीम। मेको आन कली योना आ चिन्‍ड ङा लाक्‍शा मारेइ चिन्‍ड मकोंइनुङमी” देंशा, मेको आन कली प्रोंइशा गाक्‍त। मत्ती १२:३९-४०

मत्ती 26:55

मिनु येसुमी हुल आन कली “तरवार कोक्‍के कुरशा, खुइ पाइब कली ग्‍याइक्‍थ जाक्‍शो खोदेंब पा आं कली ग्‍याइक्‍थ जाक्‍नी? नाक्‍त किंत किंत परमप्रभु यावे आ खिंमी मुर आन दातेमी शेंना शेंन बाक्‍ङानु, मग्‍याइक्‍तीनी।

यूहन्‍ना 12:40

मिनु यसैयामी “परमप्रभु यावेमी मेको आन कली मिक्‍च मताइब सेल्‍तीमी। मोपा परमप्रभु यावे कली मतुइक्‍नीम। मेको आन कली मटीब सेल्‍तीमी। मोपा मेकोपुकीमी परमप्रभु यावे आ लोव़ रुम्‍ने मचबेम। मिनु परमप्रभु यावे कली ‘आं कली सापतीन’ दे मपुंइनीम” दे यो यसैयामी ब्रेक्‍शो बाक्‍त। मत्ती १३:१४-१५

प्रेरित 11:26

मिनु थिश्‍शा एन्‍टीओकम जाक्‍शा बाक्‍सा बाक्‍त। मिनु बर्स का सम्‍म थमा सुइक्‍बपुकी नु काथा बाक्‍शा, शुश मुर आन कली प्रभु आ लोव़ शेंना शेंन बाक्‍सा बाक्‍त। एन्‍टीओक सहरमीन येसु आ लां खोइक्‍ब नेल्‍ल क्‍येङा ङोंइती “ख्रीस्‍तीयन” दे नें वोइक्‍चा पुंइसमा बाक्‍त। मेना रे मेको नें लीमाक्‍त। गलाती २:११

प्रेरित 14:4

आस लोव़ नेंशा, चिन्‍ड नु छक लाक्‍चा ङा गेय पशो तशा, सहर ङा मुरपुकी ब्राशा, का निक्‍शी थमा मसुइक्‍ब यहूदीपुकी नु गारमा बाक्‍त, का निक्‍शी ख्रीस्‍त आ सोइश्‍शो नु गारमा बाक्‍त।

प्रेरित 17:4

पावल आ लोव़ नेंशा “आ देंशो थमा बाक्‍माक्‍त” दे यहूदी का निक्‍शी थमा सुइक्‍ब दुम्‍शा, पावल नु सिलास नु गारमा बाक्‍त। परमप्रभु यावे कली मान पाइब ग्रीकपुकी नु ठेयब नें चलेशो मीश मुरपुकी शुशेमी यो पावल आ शेंशो नेंशा थमा सुदमे बाक्‍त। १थिस्‍सलोनिकी १:१; २थिस्‍सलोनिकी १:१

प्रेरित 19:23

एफिससमी बाक्‍मेनु, मार दुम्‍माक्‍त देंशा हना, प्रभु आ नक लां खोइक्‍चा आ पर्बम राम्‍शी पोक्‍चा गोव़मे बाक्‍त। २कोरिन्‍थी १:८-९

प्रेरित 19:30

मिनु पावलमी मोदेंशो दुम्‍शो तशा, गो यो देल्‍तीकेमी लाइनुङ देंमेनु, थमा सुइक्‍बपुकीमी लचा मगेमे बाक्‍त।

प्रेरित 20:31

मोपतीके होस पांइसीने। बर्स सां सम्‍म श्‍येत पा ङाक्‍थ्री दुम्‍शा, गोमी इन कली शेंशो, वारच पशो काइ मप्रेंदीने।

प्रेरित 22:4

मोपा बाक्‍ङानु, ख्रीस्‍त आ लां खोइक्‍ब आन कली साइक्‍चा सम्‍म ङा श्‍येत गेतामी। मीश मुर वोंइश मुर आन कली खेदा पा ग्‍याइक्‍पाइश्‍शा, जेल्‍खानमी चोक्‍पाइक्‍तामी। प्रेरित ८:३

प्रेरित 24:21

आं देंशो लोव़ का आ पर्बम दोस गेतीमी, दे तुइक्‍नुङ। मेको आं देंशो लोव़ मार बाक्‍ब देंशा हना ‘मुर बेक्‍शो रे सेंसीनीम’ दे थमा सुइक्‍नुङ। मेको आ पर्बम आं कली मुददा कोप्‍ताक्‍यीमी। मिनु इन ङोंइती राप्‍पाइय्‍यीनी, दे माइक्‍तामी। मिनु मुल इन ङोंइती राप्‍पाइक्‍तीमी” दे पावलमी देंमाक्‍त। प्रेरित २३:६

प्रेरित 28:22

गोपुकीमी एको नक थमा सुइक्‍तीके आ पर्बम चहिं लोव़ नेंतक। मेको लोव़ तेक तेक ब्रामे, मेक मेक जिचा पोक्‍ग्‍मे बाक्‍त, दे तुइश्‍शो नकी। मोदेंशो दुम्‍त हना यो, गो इ मिम्‍शो तुइक्‍चा दाक्‍नीकी, लेंशा ग्रुम्‍चा” दे लोव़सी थुम्‍शा गाक्‍तेक्‍म। प्रेरित २४:१४; लूका २:३४

प्रेरित 7:51

“ए, गे परमप्रभु यावे आ लोव़ मनेंथु मटीब फुल्‍लु खोदेंशो थुं पाइश्‍शोपुकी, गे परमप्रभु यावे कली मतुइक्‍ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्‍त आ देंशो मटिथु दूली पाइनीनी। प्रस्‍थान १२:९; लेवी २६:४; रोमी २:२८-२९

प्रेरित 9:2

मिनु काबु यरूसलेममी बाक्‍ब ठेयब चढ़ेब आन कली ग्रुम्‍शा, दमस्‍कस सहर ङा ग्रुम्‍तीक खिं खिं ङा ठेयब मुर आन कली कागज ब्रेक्‍शा गेचा नङ देंशा पुना बाक्‍त। सावल आ पुंइशो लोव़ मार बाक्‍त देंशा हना “दमस्‍कसमी बाक्‍ब येसु आ लां खोइक्‍ब मीश मुर वोंइश मुर सु सु थिदुमी, मेको नेल्‍ल आन कली ग्‍याइश्‍शा फ्रेंशा, यरूसलेम चाक्‍नुङमी” दे पुंइशो बाक्‍माक्‍त।

रोमी 11:7

मिनु मार देंचा ङा? इस्राएलम माल्‍शा यो आ माल्‍शो मथित्‍थु, परमप्रभु यावे आ योव़शो का निक्‍शी ला ठीक दुम्‍तेक्‍म। अरु नेल्‍ल परमप्रभु यावे आ लोव़ मटीब दुम्‍तेक्‍म। रोमी ९:३१

रोमी 9:18

मोपतीके परमप्रभु यावेमी सु कली शिशी पचा दाक्‍ता, मेको कली शिशी पाइब। सु कली आ लोव़ मटिपाइक्‍चा दाक्‍ता, मेको कली मटिपाइक्‍ब। प्रस्‍थान ४:२१; १पत्रुस २:८

१ कोरिन्‍थी 16:9

मारदे हना शुश मुर आन कली ख्रीस्‍त आ पर्बम शेंचा नु नेंपाइक्‍चा ताइनुङमी। आं शेंशो लोव़ मदाक्‍बपुकी यो शुश बाक्‍नीम। २कोरिन्‍थी २:१२; कलस्‍सी ४:३

१ तिमोथी 6:5

मेकोपुकीमी मुर आन दातेमी जिचा पोक्‍नीम। आन थुं गशो खोदेंशो दुम्‍शा, थमा लोव़ रुप्‍‍ने मचाप्‍नीम। परमप्रभु यावे कली मिम्‍चा, दाक्‍चा क्‍येट चेम्‍तीके बाक्‍ब, दे मिम्‍नीम।

२ तिमोथी 1:15

नेल्‍ल एसीया ङा मुरपुकीमी आं कली प्रोंइतीमी दे तुइक्‍नेवे। मेको आन दातेमी फीगेलस नु हेरमोगेनेस बाक्‍नीसी। २तिमोथी ४:१६

२ तिमोथी 3:5

मोदेंशो मुरुमी परमप्रभु यावे कली मिम्‍शा दाक्‍चा देंखु पाइनीम। तन्‍न आन आगामी सक्ति मबाक्‍तीके कोंइनीम। मेकोपुकी नु ङोन बाक्‍को। मत्ती ७:१५-२१; तीतस १:१६

२ तिमोथी 4:2

“परमप्रभु यावे आ लोव़ पावो। नेंचा दाक्‍ताक्‍म हना यो, मदाक्‍ताक्‍म हना यो, शेंदीमी। मरिम्‍शो पाइब आन कली लोव़ पावो। मुर आन कली ‘ठीक पचा’ दे शेंदो। आन थुं बारपतो। नेल्‍ल आन कली फाल्‍शा, रिम्‍शो शेंदो। प्रेरित २०:२०,३१

हिब्रू 3:13

पापम इं थुं क्‍याल्‍शा मटीब मदुम्‍यल, दे मुलाक्‍त रेन नाक्‍त किंत किंत अर्ती गेमुने। १थिस्‍सलोनिकी ५:११

२ पत्रुस 2:12

मेको दूली शेंब ममिम्‍ब ग्‍याइक्‍चा नु साइक्‍चा पुंइसीचा कली जरमेशो बस्‍तु भाव खोदेंशो पा, आन तुइश्‍शो ला पाइनीम। मेकोपुकीम काइ मरुप्‍नीम। तन्‍न शुक्‍शी पाइनीम। मिनु बस्‍तु भाव खोदेंशो पा खतम दुम्‍नीम।

२ पत्रुस 2:2

शुशेमी आन शेंशो नेंशा, हेंथे पा दला दाक्‍स यो पाइनीम। मुरपुकीमी मेको आन कली तशा थमा लां कली शुक्‍शी लोव़ पाइनीम।

यहूदा 1:10

मेको मुरपुकी चहिं आन मतुइश्‍शो नेल्‍ल आन पर्बम शुक्‍शी पाइनीम। मिनु मिम्‍तीक मपाइश्‍शो बस्‍तु भाव आन तुइश्‍शोमी खोदेंशो पाइनीम। मिनु मेको पशा, खतम सेल्‍चा पुंइसीनीम।