प्रेरित 19:29 - Sunuwar Bible

²⁹ मिनु मोदेंशो पा सहर नेल्‍ल ठेयब रेय‍के दुम्‍माक्‍त। मुरपुकी दोरशा जाक्‍शा, सहर ङा दिंममी खुम्‍समा बाक्‍त। मासीडोनीया रे जाक्‍शो पावल नु काथा गाक्‍ब गायस नु अरीस्‍तारकस आस कली ग्‍याइश्‍शा, मेको दिंममी चाक्‍ग्‍मे बाक्‍त। प्रेरित २०:४

प्रेरित 19:29 ပူးပေါင်းရင်းမြစ်များ

प्रेरित 13:5

मिनु सलामीस सहर जाक्‍दीश्‍शा, यहूदी आन ग्रुम्‍तीक खिं लशा, परमप्रभु यावे आ लोव़ शेंदसे बाक्‍त। एन्‍टीओक रे काथा गाक्‍शा, यूहन्‍ना मर्कूसमी मेको आस कली वारच पस ङा पस बाक्‍माक्‍त। प्रेरित १२:१२,२५

प्रेरित 16:12

मेकेर जाक्‍दीश्‍शा जहाज रे तोंइ‍साक्‍क। मिनु गाक्‍शा फिलिप्‍पी सहरमी जाक्‍दीत्‍तक। फिलिप्‍पी मासीडोनीया रागी ङा ठेयब सहर का बाक्‍ब। मेको रागी रोमी आन गुइमी बाक्‍माक्‍त। गोपुकी फिलिप्‍पी सहरमी इच्‍का नाक्‍ती बाक्‍तक।

प्रेरित 16:9

मिनु त्रोआस सहरमी बाक्‍मानु, काबु नाक्‍दो प्रभुमी पावल कली कोंइतीक कोंइदा बाक्‍त। मार कोंइदा बाक्‍त देंशा हना, मासीडोनीया रागी ङा मुर का पावल आ ङोंइती राप्‍शा “आंइ मासीडोनीया रागी पिशा, आंइ कली वारच पाइक्‍चा नकी, हजुर” दे पुंइशो तवा बाक्‍त।

प्रेरित 17:8

मेको लोव़ नेंशा ठेयब मुर नु अरु नेल्‍ल आन थुं ग्‍याल्‍मा बाक्‍त।

प्रेरित 19:21

मेको नोले पावलमी “गो मासीडोनीया नु आकाया लां पा यरूसलेममी जाक्‍दीत्‍नुङ। मेकेर काबु निक्‍बु बाक्‍शा, रोम सहर मजाक्‍दीत्‍थु मप्रोंइनुङ” दे थुं पवा बाक्‍त। प्रेरित २३:११

प्रेरित 19:22

मोदेंशो थुं पशा, तिमोथी नु इरास्‍तस आस कली मासीडोनीया सोइक्‍तीम्‍सी बाक्‍त। आं चहिं एसीया उइ बाक्‍माक्‍त। २तिमोथी ४:२०

प्रेरित 19:32

दिंममी देल्‍शोपुकीमी कामी लोव़ का, अर्कोमी अर्को लोव़ पा रेयके ला पामे बाक्‍त। तन्‍न मारदे देल्‍शो, मारदे रेयके पशो, मेको लोव़ हुलपुकीमी मारेइ मतुइक्‍तमे बाक्‍त।

प्रेरित 20:34

गो आंम आं गुइमी गेय पना पन जाता। गो नु काथा गाक्‍ब आन कली यो गोन थुल्‍तामी। प्रेरित १८:३; १कोरिन्‍थी ४:१२; १थिस्‍सलोनिकी २:९

प्रेरित 20:4

पावल नु काथा गाक्‍ब सु सु बाक्‍मा बाक्‍त देंशा हना, बेरोइया ङा पुरोस आ तौ सोपाटेर, थिस्‍सलोनीकी सहर ङा अरीस्‍तारकस नु सेकुन्‍दस, डेरबे ङा गायस, तिमोथी, एसीया ङा तिखीकस नु त्रोफीमस बाक्‍मा बाक्‍त। प्रेरित १७:१०; प्रेरित १९:२०; प्रेरित १६:३; एफिसी ६:२१; प्रेरित २१:२९

प्रेरित 21:30

पावल कली दोस गेशो लोव़ सहर नेल्‍ल ब्रीमाक्‍त। मिनु सहर ङा मुरपुकी दोरशा जाक्‍शा, शुश रेयके पामे बाक्‍त। पावल कली ग्‍याइश्‍शा कीशा परमप्रभु यावे आ खिं रे ग्रुंइशा लदमे बाक्‍त। मिनु परमप्रभु यावे आ खिं ङा खाल पाइबपुकीमी ठेयब लाप्‍चो नेल्‍ल ग्रु ग्रा चोक्ग‍मे बाक्‍त।

प्रेरित 21:38

इजीप्‍त रागी ङा ४ हजार खुइ आन कली गोरशो रागीमी लां कोंइब मुर दा मनवे” देंमाक्‍त।

प्रेरित 27:2

सिजरिया रे लशा, अद्रामीत्‍तीयम जाक्‍दीश्‍शा, एसीया लाइब जहाज ङोइश्‍शा लाइतक। मासीडोनीया ङा थिस्‍सलोनीकी रे जाक्‍शो अरीस्‍तारकस पावल आ वारच का यो गोपुकी नु लत। प्रेरित २०:४

रोमी 16:23

गोम चिठी ब्रेक्‍पदुनु, गायस आं खिंमी बाक्‍तक। मिनु गायस नु आ खिंमी देल्‍ब थमा सुइक्‍बपुकीमी यो इन कली “रिम्‍शो बाक्‍कीन” दे माइक्‍चा देंतेक्‍म। इरास्‍तस माइश्‍शो सरकार आ गेय पाइबमी यो इन कली “रिम्‍शो बाक्‍कीन” देंत। थमा सुइक्‍ब इं लोक्‍ब क्‍वारटसमी यो इन कली “रिम्‍शो बाक्‍कीन” देंत। १कोरिन्‍थी १:१४

१ कोरिन्‍थी 1:14

गो परमप्रभु कली “गे रिम्‍शो पाइब ननी” देंनुङ। मारदे हना गो क्रिस्‍पस नु गायस ङा लाक्‍शा सुइ कली ब्‍वाक्‍कुम ख्रुम्‍शा मग्रुंइदुमी। प्रेरित १८:८; रोमी १६:२३

१ कोरिन्‍थी 4:9

परमप्रभु यावेमी आ सोइश्‍शो, आंइ कली मुर नेल्‍ल आन क्‍येङा आइक्‍च सेल्‍शा साइक्‍चा पुंइसीचा कली वोइक्‍तु, दे मिम्‍नुङ। मारदे हना रागी रागी ङा मुर नेल्‍ल नु परमप्रभु यावे आ स्‍वर्ग ङा गेय पाइबम आंइ कली कोव़ना कोव़न बाक्‍नीमी। रोमी ८:३६; हिब्रू १०:३३

२ कोरिन्‍थी 8:19

आ नें चलेशो ला ममाइ। थमा सुइक्‍बपुकी गारशा मेको कली गो नु क्य‍ेट पोक्‍शा गाक्‍चा कली योव़तेक्‍म। मेको गोपुकी नु शिशी पतीक गेय पाइब। गो मेको वारच पतीके प्रभु कली ठेयब सेल्‍चा कली पाइनीकी। गलाती २:१०

कलस्‍सी 4:10

गो नु ग्‍याइक्‍चा पुंइसीब वारच अरीस्‍तारकसमी इन कली “रिम्‍शो बाक्‍कीन” दे आं कली ब्रेक्‍पाइक्‍ती। बारनाबास आ लोक्‍ब मर्कूसमी यो इन कली “रिम्‍शो बाक्‍कीन” देंत। मेको जाक्‍मेनु, रिम्‍शो पा बाक्‍चा गेने। मेको आ पर्बम इन कली ङोंइती तुइक्‍पाइक्‍तन्‍नी। प्रेरित १९:२९; प्रेरित २७:२; प्रेरित १२:१२,२५

फिलेमोन 1:24

गो नु काथा गाक्‍ब येसु आ लोव़ शेंब मर्कूस, अरीस्‍तारकस, डेमास नु लूकामी यो इन कली “रिम्‍शो बाक्‍कीन” देंतेक्‍म।

३ यूहन्‍ना 1:1

गो येसु ख्रीस्‍त कली थमा सुइक्‍ब आन शेंब खाल्‍पामी, आं थमा पा दाक्‍शो गायस इ कली एको चिठी ब्रेक्‍ताक्‍ङ। २यूहन्‍ना :१