प्रेरित 19:28 - Sunuwar Bible

²⁸ मिनु मेकोपुकीमी “इं एफिसस ङा आरतेमीस देवी नेल्‍ल क्‍येङा ठेयब देवी बाक्‍ब” दे शुश रेयके पचा गोव़मे बाक्‍त।

प्रेरित 19:28 ပူးပေါင်းရင်းမြစ်များ

भजन संग्रह 2:2

मारदे रागी ङा पिपपुकी ठेयब मुरपुकी नु गारशा, परमप्रभु यावे नु आ तेल लुक्‍शा सोइश्‍शो आस पर्बम

येरमीया 50:38

मेको आ ब्‍वाक्‍कु सोव़चा कली काइ रेउ मयी। मारदे हना मेको शुश मूर्ति आन रागी बाक्‍ब। मिनु मेको आ देवी देवता आन पर्बम निप्‍स ग्राइश्‍शो खोदेंशो दुम्‍‍ब।

मत्ती 2:16

पिप हेरोदमी मार पवा बाक्‍त देंशा हना “मेको सोरुल कोव़शा जोक्‍ब तुइक्‍बपुकीमी जोल पाइयीमी बाक्‍त” दे तुइश्‍शा चुरमाक्‍त। मिनु आन देंशो लोव़मी “पिप मेना जरमेसीब” दे मिम्‍शा, मेको पिप दुम्‍ब आल कली थिन्‍ने मचाप्‍तीके बेथलेहेम सहर एर ओंथ गाउं ङा बर्स निक्‍शी मलाक्‍शो वोंइश आल नेल्‍ल आन कली माल्‍ना माल्‍न साइक्‍पाइक्‍मी बाक्‍त।

प्रेरित 18:19

मिनु एफिसस सहरमी जाक्‍दीश्‍शा, प्रिस्‍कीला नु अक्‍वीला आस कली “लो, गे एके बाक्‍कीसे” दे प्रोंइशा वोइक्‍सी बाक्‍त। मिनु पावल चहिं ग्रुम्‍तीक खिं लशा, यहूदीपुकी नु लोव़सी पचा गोवा बाक्‍त।

प्रेरित 19:24

मारदे हना देमेत्रीयस माइश्‍शो सुन चांदी चेम्‍ब मुर कामी सुन के आरतेमीस देवी आ मूर्ति सेल्‍शा लेयशा, शुश क्‍येट चेम्‍‍बाक्‍माक्‍त। मूर्ति चेम्‍ब शुश बाक्‍मा बाक्‍त। मेकोमी शुश मुर आन कली गेय गेशो बाक्‍माक्‍त। आरतेमीस लतीन लोव़मी दिआना बाक्‍‍ब।

प्रेरित 7:54

स्‍तीफानसमी मोदें हुइक्‍तीमीनु, नेल्‍ल गाइश्‍शा, लल गोंगों जिशा, ख्रुइ शेप्‍शा प्रेक्‍मा बाक्‍त।

प्रकाश 12:12

मोपतीके स्‍वर्ग नु स्‍वर्गमी बाक्‍ब नेल्‍ल ग्‍येरसीन। तन्‍न रागी नु समुन्‍द्रम श्‍येत दुम्‍चाप्‍तु। मारदे हना सैतान थाम्‍पा गाइश्‍शा, रागी नु समुन्‍द्रम यित। मारदे गाइक्‍ताक्‍व देंशा हना, मुल आ गेय पचा शुश नाक्‍त मली, दे तुइक्‍ताक्‍व” देंशो नेंता।

प्रकाश 13:4

ठेयब बुस्‍सुमी मेको जन्‍तु कली आ अधिकार गेतीके मुर नेल्‍लेमी ठेयब बुस्‍स कली खुम्‍की पा सेउ पाम्‍तेक्‍म। मिनु मेको जन्‍तु कली यो खुम्‍की पा “एको जन्‍तु खोदेंशो ठेयब सु बाक्‍मे? सु एको नु जिशा ग्राने चाप्‍बा?” दे सेउ पाम्‍तेक्‍म।

प्रकाश 17:13

मेको १० जना पिप थुं का दुम्‍शा, आन सक्ति नु अधिकार ठेयब जन्‍तु कली गेनीम।