प्रेरित 18:23 - Sunuwar Bible

²³ मिनु इच्‍का नाक्‍त एन्‍टीओकमी बाक्‍शा, मेकेर रे लशा, गलातीया नु फ्रिगीया रागीमी जाक्‍दीश्‍शा, तेइ तेइ हिरशा, थमा सुइक्‍ब आन कली ग्रुम्‍शा, आन थुं बारपाइक्‍तीक लोव़ पना पन गाक्‍माक्‍त।

प्रेरित 18:23 ပူးပေါင်းရင်းမြစ်များ

एज्रा 1:6

मिनु मेको आन नेक्‍था बाक्‍ब नेल्‍लेमी आन ङोंइती गेशो प्रोंइशा, चांदी के बोस, सुन के थोव़क, अरु थोव़क, बी ब्‍यफ नु शुश क्‍येट लाइब मार मार थोव़क शुश तेम्‍शा गेशा, मेको आन कली वारच पाम्‍तेक्‍म।

दानीएल 11:1

गो दारा मादी ङा पिप दुम्‍शो ङोंइती ङा बर्समी मिकाएल कली वारच पाइक्‍चा नु अरु रे पा प्रोंइचा कली बाक्‍ती” देंत।

लूका 1:3

गोमी ताइब तुइक्‍ब आन देंशो नेंशा, ब्रेक्‍ब आन ब्रेक्‍शो पढेशा “थमान बाक्‍माक्‍त” देंती। मिनु गो यो ब्रेक्‍तु देंशा, एको लोव़ का का पा इन कली ब्रेक्‍ताक्‍न्‍नी। प्रेरित १:१; कलस्‍सी ४:१४

लूका 22:32

गो चहिं इ पर्बम परमप्रभु यावे कली ‘पत्रुस कली थमा सुइक्‍चा प्रोंइपाइक्‍चा मगेने’ दे पुंइता। गे नोले थमा पा इ थुं परमप्रभु यावे गे लेश्‍शा थमा सुइक्‍नेवे। मिनु थमा सुइक्‍ब आन कली ‘थमा सुइक्‍चा मप्रोनीन’ दे आन थुं बारपतो” दे अर्ती गेवा बाक्‍त। यूहन्‍ना १७:११,१५

लूका 22:43

मिनु परमप्रभु यावे आ स्‍वर्ग ङा गेय पाइब का ग्रूशा, येसु कली बोल गेवा बाक्‍त।

प्रेरित 14:22

मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३

प्रेरित 15:32

यहूदा नु सिलास परमप्रभु यावे आ लोव़ पाइब यो बाक्‍सा बाक्‍त। मिनु मेको निक्‍शीमी शुश लोव़ पा लोक्‍ब आन थुं बारपदसे बाक्‍त। प्रेरित ११:२७; प्रेरित १३:१

प्रेरित 15:41

मिनु मेकेर रे लशा, सिरीया नु सिलीसीया रागीमी जाक्‍दीश्‍शा, थमा सुइक्‍ब आन थुं बारपदसे बाक्‍त।

प्रेरित 16:40

मिनु जेल्‍खान रे ग्रूशा, लिडीया आ खिं जाक्‍ताक्‍स। मिनु पावल नु आ वारचपुकीमी थमा सुइक्‍ब आन कली ग्रुम्‍शा, आन थुं बारपाइश्‍शा वोइश्‍शा गाक्‍तेक्‍म।

प्रेरित 16:6

मिनु परमप्रभु यावे आ सोक्‍तीमी पावल नु आ वारच आस कली एसीयामी शेंचा मगेतीके फ्रिगीया नु गलातीया रागी लमा बाक्‍त। प्रेरित १८:२३

प्रेरित 19:1

आपोल्‍लोस मोपा शेंना शेंन गाक्‍शा, कोरिन्‍थ सहरमी जाक्‍दीम्‍माक्‍त। पावल चहिं एफिससमी जाक्‍दीम्‍माक्‍त। मिनु प्रभु आ लां खोइक्‍ब आन कली ग्रुमा बाक्‍त।

प्रेरित 2:10

फ्रिगीया, पाम्‍फीलीया, इजीप्‍त, लिबीया नु साइरेनी एर ओंथ, रोम, क्रेट नु अरब रागी रे जाक्‍शो यहूदी नु यहूदी दुम्‍शोपुकी बाक्‍मा बाक्‍त।

१ कोरिन्‍थी 16:1

क्‍येट पोक्‍चा आ पर्बम गलातीया रागी ङा थमा सुइक्‍ब आन कली शेंशो इन कली यो शेंनन्‍नी। २कोरिन्‍थी ८:९; गलाती २:१०

गलाती 1:2

गो नु काथा बाक्‍ब थमा सुइक्‍ब लोक्‍बपुकीमी गलातीया रागीम बाक्‍ब येसु ख्रीस्‍त आ नेंमी देल्‍ब इन कली एको चिठी सोइक्‍ताक्‍क।

गलाती 1:9

गो इन कली “सु सुमी अर्को ग्‍येरपाइक्‍ब लोव़ शेंनीमी, मेको सराप रमल” दे लेंशा देंनुङ। १तिमोथी ६:३

गलाती 4:14

आं कली मोदेंशो रोइ पशो तशा ग्रांग्रा मदित्‍तीनी। मरिम्‍शो लोव़ यो मपाइय्‍यीनी। श्‍येत पा वारच पाइतीनी। परमप्रभु यावे आ स्‍वर्ग ङा गेय पाइब कली ब्रशो खोदेंशो पा मान पाइतीनी। ख्रीस्‍त येसु कली ब्रशो खोदेंशो पा ब्रतीनी।

ब्‍यवस्‍था 3:28

मिनु गे यहोसु कली अरेशा, लोव़ पा ठेयब थुं पाइश्‍शो सेलो। मारदे हना मेकोमी मुर आन ङोंइती शोक्‍शा, इ तशो रागी मेको आन के दुम्‍चा कली योव़ब” दे परमप्रभुम आं कली देंत। ब्‍यवस्‍था ३१:३,७;

१ थिस्‍सलोनिकी 3:2

गो निक्‍शीमी आंस लोक्‍ब, गो नु परमप्रभु यावे आ गेय पाइब, ख्रीस्‍त आ ग्‍येरपाइक्‍ब लोव़ शेंब, तिमोथी कली इन थमा सुइक्‍तीक बारपाइक्‍चा नु इन कली अरेचा कली सोइक्‍ताक्‍स्‍कु। प्रेरित १६:१-३

१ थिस्‍सलोनिकी 4:18

मोपतीके मेको लोव़ पा थुं बारपाइक्‍‍मुने।

१ थिस्‍सलोनिकी 5:14

आंइ लोक्‍बपुकी, गेय मपाइब आन कली अरेपने। हिंब मुर आन थुं बारपतीन। मचाप्‍‍ब आन कली वारच पने। नेल्‍ल आन कली फाल्‍शा बाक्‍कीन। २थिस्‍सलोनिकी ३:१५