प्रेरित 18:21 - Sunuwar Bible

²¹ परमप्रभु यावेमी लेश्‍शा सोइक्‍ताक्‍यी हना, लेश्‍शा जाक्‍शा शेंनन्‍नी” दे एफिसस रे लशा जहाज ङोंइसे बाक्‍त। याकूब ४:१५

प्रेरित 18:21 ပူးပေါင်းရင်းမြစ်များ

मत्ती 26:39

मिनु इच्‍का ङोंइती लशा, खुम्‍की पा खपीम बाप्‍शा “आं आफ, दुम्‍ब हना, एको कचौरा आं कली मतूपाइक्‍थु सोइक्‍तीने। तन्‍न आं दाक्‍शो मदुम्‍ल, इन दाक्‍शोन दुम्‍ल” दे प्रार्थना पशा, लेश्‍शा जाक्‍माक्‍त। यूहन्‍ना १८:११; यूहन्‍ना ६:३८; हिब्रू ५:८

मर्कूस 6:46

मिनु नोले प्रार्थना पथ डांडा ङोंइ‍से बाक्‍त।

लूका 9:61

अर्को मुरुमी “प्रभु, गो इन नोले खोइक्‍चा दुम्‍ती, तन्‍न ङोंइती आं खिं ङा मुर आन कली तुइक्‍पाइक्‍थ लचा गेयीनी” देंमेनु, १राजा १९:२०

प्रेरित 15:29

मेको लोव़ मार बाक्‍ब देंशा हना ‘मूर्ति कली चढ़ेशो मजचा, हुश मब्‍वचा, हुश मचुइक्‍थु साइश्‍शो श्‍ये मब्‍वचा, तेल्‍लेम मपचा’ एको लोव़ टीतीनी हना, गे रिम्‍शो दुम्‍नीनी। आंइ लोव़ ओशोन बाक्‍ब” दे ब्रेक्‍शो बाक्‍माक्‍त।

प्रेरित 18:19

मिनु एफिसस सहरमी जाक्‍दीश्‍शा, प्रिस्‍कीला नु अक्‍वीला आस कली “लो, गे एके बाक्‍कीसे” दे प्रोंइशा वोइक्‍सी बाक्‍त। मिनु पावल चहिं ग्रुम्‍तीक खिं लशा, यहूदीपुकी नु लोव़सी पचा गोवा बाक्‍त।

प्रेरित 18:20

मिनु यहूदीपुकीमी “इच्‍का नाक्‍त बाक्‍शा शेंदीकी” देंमानु “गो बाक्‍ने मचाप्‍नुङ।

प्रेरित 18:24

मिनु एफिसस सहरमी मार दुम्‍माक्‍त देंशा हना, अलेकजेन्‍द्रीया रागीमी जरमेशो आपोल्‍लोस माइश्‍शो यहूदी मुर का जाक्‍माक्‍त। मेको शुश पढेशा, परमप्रभु यावे आ लोव़ रुप्‍शा, अरु आन कली यो रुप्‍पाइक्‍ने चाप्‍ब बाक्‍माक्‍त। १कोरिन्थी ३:५-६

प्रेरित 19:1

आपोल्‍लोस मोपा शेंना शेंन गाक्‍शा, कोरिन्‍थ सहरमी जाक्‍दीम्‍माक्‍त। पावल चहिं एफिससमी जाक्‍दीम्‍माक्‍त। मिनु प्रभु आ लां खोइक्‍ब आन कली ग्रुमा बाक्‍त।

प्रेरित 19:17

मेको लोव़ तेइ तेइ ब्रशा, एफिससमी बाक्‍ब यहूदी नु ग्रीक नेल्‍लेमी नेन्‍मे बाक्‍त। मिनु “येसु आ नेंमी हेंथे मब्‍वाक्‍चा बाक्‍माक्‍त” दे रुप्‍शा हिंशा, प्रभु येसु आ नें कली मान पा ठेयब सेल्‍मे बाक्‍त।

प्रेरित 19:21

मेको नोले पावलमी “गो मासीडोनीया नु आकाया लां पा यरूसलेममी जाक्‍दीत्‍नुङ। मेकेर काबु निक्‍बु बाक्‍शा, रोम सहर मजाक्‍दीत्‍थु मप्रोंइनुङ” दे थुं पवा बाक्‍त। प्रेरित २३:११

प्रेरित 20:16

पावलमी “पेन्तीकोस चाड मानेचा कली यरूसलेम जाक्‍दीत्‍चा माल्‍ब। मोपतीके लांमी मग्‍योल्‍चा, एसीयामी मनाइक्‍चा। एफिससमी यो मनाइक्‍चा” देंतीके मनाइक्‍थु गाक्‍तक। प्रेरित १८:२१

प्रेरित 21:14

मिनु मलथु मप्रोंइबाक्‍माक्‍त, दे रुप्‍शा, गोपुकीमी “लो, मो हना प्रभु आ दाक्‍शो दुम्‍ल” देंतक। लूका २२:४२

प्रेरित 21:29

परमप्रभु यावे आ खिं ग्रांग्रा दिशो सेल्‍‍शो बाक्‍माक्‍त, दे मारदे देंमा देंशा हना, एफिसस सहर ङा त्रोफीमस कली सहरमी पावल नु काथा गाक्‍शो तशा, परमप्रभु यावे आ खिं लाइश्‍शा, ओंइने थुमा बाक्‍त, दे मिम्‍शो बाक्‍मा बाक्‍त। प्रेरित २०:४; २तिमोथी ४:२०

रोमी 1:10

मिनु परमप्रभु यावे आ दाक्‍तीकेमी “गो रोम सहरम बाक्‍ब थमा सुइक्‍ब आन कली रीब पा ग्रुम्‍पाइय्‍यीनी” दे यो पुंइना पुंइन बाक्‍नुङ। रोमी १५:२३,३२; प्रेरित १९:२१

रोमी 15:32

परमप्रभु यावे आ दाक्‍शो पा ग्‍येरसीशा यरूसलेम रे पिशा, आंइ कली ग्रुम्‍पतीने। इन नेंमी थुं का दुम्‍शा, ग्‍येरपाइक्‍मुशा बाक्‍चा तकल” दे पुनीन। १थिस्‍सलोनिकी २:१५

१ कोरिन्‍थी 15:32

एफिसस सहरम शेंना शेंन बाक्‍ङानु, मेकेर ङा मुरपुकीमी जोइ वां खोदेंशो पा खेदा पतीमी। मुर बेक्‍शो रे मसेंसीनीम हना, जय तू्‍य मारदे हना दीसा बेक्‍नय। यसैया २२:१३

१ कोरिन्‍थी 16:7

मुल ग्रुम्‍थ जाक्‍ती हना, काबु निक्‍बु ला बाक्‍चा ताइनुङ। तन्‍न प्रभुमी गेपुकी नु शुश बाक्‍चा गेयील दे आस पा बाक्‍ती। प्रेरित २०:२

१ कोरिन्‍थी 16:8

पेन्‍तीकोस नाक्‍त सम्‍म गो एफिसस सहरमी बाक्‍नुङ। प्रेरित १९:१,१०

१ कोरिन्‍थी 4:19

तन्‍न प्रभुम इन कली ग्रुम्‍चा गेती हना, गो रीब पा जाक्‍नुङ। मेको ठेयब लेश्‍शो मजाक्‍ब देंब आन लोव़ ममाइ, मेको आन सक्ति बाक्‍म कों मबाक्‍म दे ला कोव़नुङ।

२ कोरिन्‍थी 13:11

आं लोक्‍बपुकी, मुल रिम्‍शो बाक्‍कीन। रिम्‍शो पने। आं लोव़ नेंशा टीब दुमीने। इन दातेमी गारमुने। थुं नाइश्‍शा बाक्‍कीने। दाक्‍तीक नु थुं नाइक्‍तीक गेब परमप्रभु यावे गेपुकी नु बाक्‍ल। फिलिप्‍पी ४:४; रोमी १५:३३

एफिसी 1:1

गो पावल नङ। ख्रीस्‍त येसुम आं कली सोइक्‍ताक्‍यी। मेको परमप्रभु यावे आ दाक्‍शो बाक्‍त। मिनु गो एको चिठी एफिसस सहरम बाक्‍ब येसु ख्रीस्‍त कली थमा सुइक्‍ब, परमप्रभु यावे आ मुर इन कली ब्रेक्‍ताक्‍न्‍नी।

ब्‍यवस्‍था 16:1

मिनु मोसामी “गेपुकीमी आबीब महिनाम परमप्रभु यावे, इन परमप्रभु आ पास्‍सा चाड मानेचा माल्‍नीनी। मारदे हना परमप्रभु यावे, इन परमप्रभुमी आबीब महिना ङा नाक्‍दो इन कली इजीप्‍त रे ग्रुंइताक्‍व। प्रस्‍थान १२:-

हिब्रू 6:3

परमप्रभु यावेमी आंइ कली मोदेंशो शेंचा गेप्‍तु हना, गो शेंनीकी।

याकूब 4:15

गे मार देंचा माल्‍शो ननी देंशा हना “गोपुकी ब्रोंइतय हना, प्रभुम आंइ मिम्‍शो दाक्‍ताक्‍व हना, गो आंइ मिम्‍शो गेय पाइनय” दे लोव़ पचा माल्‍नीनी। प्रेरित १८:२१; १कोरिन्‍थी ४:१९

१ पत्रुस 3:17

मरिम्‍शो पशा श्‍येत जचा क्‍येङा ठीक पशा, श्‍येत जचा परमप्रभु यावे आ दाक्‍शो बाक्‍ब।

प्रकाश 1:11

मेको सेंदामी आं कली “मार मार ताइनेवे, मेको नेल्‍ल कागजम ब्रेक्‍तो। मिनु ब्रेक्‍शा ङा मिन, एसीया ङा ७ ओटा सहर ङा येसु ख्रीस्‍त कली थमा सुइक्‍ब आन ग्रुम्‍तीके ङा मुर आन कली सोइक्‍तो। मेको ७ ओटा सहर चहिं एफिसस, स्‍मिरना पेरगामोम, थिआटीरा, सारडीस, फिलाडेल्‍फीया नु लाओडीसीया नम” देंत।

प्रकाश 2:1

मिनु येसु ख्रीस्‍तमी आं कली एफिसस सहर ङा थमा सुइक्‍ब आन शेंब कली ब्रेक्‍पाइक्‍ती। एको आ ग्‍युरा गुइमी ७ ओटा सोरुल नु ७ ओटा सुन के दियारी आन दातेमी हिरब आ लोव़ बाक्‍ब। प्रेरित १८:१९