प्रेरित 18:15 - Sunuwar Bible

¹⁵ तन्‍न लोव़, नें नु इन परमप्रभु यावे आ अरेशो लोव़ आ पर्बम बाक्‍त हना, गो मेको निसाफ पचा मदाक्‍नुङ। गे आंमा गारीने” दे हुइश्‍शा सोइक्‍तीमी बाक्‍त। यूहन्‍ना १८:३१

प्रेरित 18:15 ပူးပေါင်းရင်းမြစ်များ

मत्ती 27:24

मुरपुकीमी मोदेंशो रेयके पा प्रेक्‍शो तशा “मुल येसु कली प्रोंइने मचबु” दे मिम्‍शा “एको सुइ कली मरिम्‍शो मपाइब आ हुश इन गुइमी ला लुम्‍सेक्‍ल, आं गुइमी मलुम्‍सेक्‍ल” देंशा, नेल्‍ल आन कुल आ गुइ चिक्‍शा कोंइदीमी बाक्‍त। ब्‍यवस्‍था २१:६

मत्ती 27:4

“रिम्‍शो मुर कली ग्‍याइक्‍पाइक्‍चा वारच पा पाप पाता” देंमेनु “गोपुकीमी मार पाइनीकी? गे आंमा तुइक्‍तो” देंमा बाक्‍त।

यूहन्‍ना 18:31

मिनु पिलातसमी “एको कली लतीन। मिनु इन ऐन कानुनमी ब्रेक्‍शो कोव़शा, निसाफ पने” दे माइक्‍तीमी। मिनु मेको यहूदीपुकीमी पिलातस कली “गो आंइ कली सुइ मुर साइक्‍चा मगारब” देंतेक्‍म। यूहन्‍ना १९:६-७

प्रेरित 18:13

मिनु मेकोपुकीमी “एको मुरुम ‘परमप्रभु यावे आ अरेशो लोव़ मगारचा ङा पा परमप्रभु कली ठेयब सेल्‍चा माल्‍ब’ दे मुर आन कली शेंब” दे दोस गेमे बाक्‍त।

प्रेरित 23:29

हिल्‍लो हिक्‍सी पामेनु, यहूदी आन अरेतीक लोव़ आ पर्बम दोस गेमे बाक्‍त। जेल्‍खानमी चोक्‍चा, साइक्‍चा पुंइसीचा ङा गेय मारेइ मपशो बाक्‍त, दे रुप्‍ता।

प्रेरित 25:11

गो दू्ली पाइब दुम्‍शा, साइक्‍चा पुंइसीचा ङा बाक्‍ती हना, सजाइ जाइनुङ। बेक्‍चा यो महिंनुङ। आं कली दोस गेबपुकीमी दोस ग्रुंइने मचाप्‍तेक्‍म हना, आन गुइमी दोपा गेचा पुंइसीनुङा? सिजर पिपी कली आं मुददा कोव़चा गेने, देंनुङ” दे मदा बाक्‍त। प्रेरित २३:११; प्रेरित २८:१९

प्रेरित 25:19

आन जिमुशो दा आन धर्म आ पर्बम कका बाक्‍माक्‍त। लोव़ का दोपा परमप्रभु कली मान पचा आ पर्बम, लोव़ का येसु माइश्‍शो मुर आ पर्बम बाक्‍माक्‍त। यहूदीपुकीमी मेको मुर बेक्‍त देंबाक्‍तेक्‍म। तन्‍न पावलमी चहिं बेक्‍शो रे सेंसीशा ब्रोंइशो बाक्‍ब देंबाक्‍त।

प्रेरित 26:3

मारदे हना यहूदी आन पतीके नु गारचा ङा मगारचा ङा लोव़ नेल्‍ल हजुरमी, रिम्‍शो पा तुइश्‍शो बाक्‍नीनी। लोव़ शुश बाक्‍ब। मोपतीके मब्रीथु, हजुरमी, नेंशा गेचा नङ।

१ तिमोथी 1:4

मेकोपुकीमी मुरुमी सेल्‍शो लाइश्‍शो कथा नु किकी पिपी आन पर्बम शेंना शेंन बाक्‍नीम। मोदेंशो शेंतीके काम मलाप्‍चा ङा बाक्‍शा, परमप्रभु यावे आ शेंशो थमा सुइक्‍तीके मबारपाइक्‍ब। १तिमोथी ४:७

१ तिमोथी 6:4

मेको अरु लोव़ शेंब ठेयब लेश्‍शो मारेइ मजोक्‍ब बाक्‍नीम। आन लोव़ ला आ तार पशा, जिचा पोक्‍चा माल्‍नीम। मेकोपुकीमी गेहे पाइब, जीब, मरिम्‍शो लोव़ पाइब नु मरिम्‍शो मिम्‍ब सेल्‍नीम। २तिमोथी २:१४; तीतस ३:१०-११

२ तिमोथी 2:23

हिक्‍सी मङाम्‍शो लोव़ पाइब नु काम मलाप्‍चा ङा लोव़ पा जितीके रे ङोन बाक्‍को। मेको जिचा पोक्‍ब ला बाक्‍नीम दे तुइक्‍नेवे। १तिमोथी ४:७

तीतस 3:9

मिनु गे मूर्ख खोदेंशो पा हिल्‍लो पतीके, यहूदी आन बङसावली ङा शेंतीके नु अरेतीक लोव़ रे सेल्‍शो पतीके आ पर्बम गाइक्‍पाइक्‍ब नु जिचा पोक्‍ब रे ङोन बाक्‍को। मारदे हना मेको शोर गाक्‍शो नु जाम्‍शा लाइब बाक्‍नीम। १तिमोथी १:४; १तिमोथी ४:७; २तिमोथी २:१४