प्रेरित 17:31 - Sunuwar Bible

³¹ मारदे हना काबु नेल्‍ल आन कली ठीक पा निसाफ पाइब। मेको निसाफ पची नाक्‍त परमप्रभुमी योव़शा वोइश्‍शो बाक्‍ब। निसाफ पाइब यो योव़शा वोइश्‍शो बाक्‍ब। मेको निसाफ पाइब कली ‘आं योव़शो बाक्‍ब’ दे कोंइचा कली बेक्‍शो रे सेंताक्‍व” दे पावलमी शेंदीमी बाक्‍त। प्रेरित १०:४२; मत्ती २५:३१-३३

प्रेरित 17:31 ပူးပေါင်းရင်းမြစ်များ

भजन संग्रह 9:8

मिनु रागी रागी ङा मुर आन कली आ ठीक पतीकेमी निसाफ पाइब। जात जात ङा मुर आन कली आन कुल मकोव़थु, निसाफ पाइब।

भजन संग्रह 96:13

परमप्रभु यावे आ ङोंइती कुम्‍सो पाइनीम। मारदे हना परमप्रभु यावे जाक्‍ब। मेको रागी कली निसाफ पथ जाक्‍ब। मेकोमी रागी नेल्‍ल कली ठीक पतीकेमी निसाफ पाइब। मिनु जात जात ङा मुर आन कली थमा पा आन कुल मकोव़थु निसाफ पाइब। भजन संग्रह ८२:८; प्रेरित १७:३

भजन संग्रह 98:9

मारदे हना परमप्रभु यावे रागी कली निसाफ पथ जाक्‍ब। मेकोमी ठीक पा जात जात ङा मुर आन कुल मकोव़थु निसाफ पाइब।

मत्ती 10:15

नोफा दाइश्‍शा नेनीने, निसाफ पची नाक्‍त सोदोम नु गोमोररा सहर निक्‍शीमी बाक्‍ब मुर आन क्‍येङा इन लोव़ मनेंब मटीबपुकीमी शुश सजाइ ताइनीम। उत्‍पत्ती १९:१-२९

मत्ती 24:14

परमप्रभु यावे आ राज्‍य आ पर्बम चहिं नेल्‍ल रागी ङा मुर आन कली तुइक्‍पांइसीब। मारदे हना नेल्‍लेमी तुइक्‍चा माल्‍नीम। मिनु नोले रागी नुप्‍ची जाक्‍ब।

लूका 22:22

रागीम जरमेशो कली साइ मोदेंशो दुम्‍चा माल्‍ब देंशो लोव़ नेल्‍ल थमा दुम्‍चा माल्‍त हना यो, ग्‍याइक्‍ब आन कली वारच पाइब कली शुश मरिम्‍शो दुम्‍ब” देंमाक्‍त।

यूहन्‍ना 12:48

सुम आं कली मब्रथु, आं देंशो लोव़ मपाइबा, मेको कली निसाफ पाइब का बाक्‍ब। मेको निसाफ पाइब सु बाक्‍ब देंशा हना, आं देंशो लोव़ बाक्‍ब। एको लोव़मी मेको कली नोले ङा नाक्‍ती निसाफ पाइब।

यूहन्‍ना 16:10

परमप्रभु यावे आ ङोंइती ठीक दुम्‍शा बाक्‍चा आ पर्बम मार शेंब देंशा हना, गो आं आफ आ बाक्‍तीक लाइनुङ। मो दुम्‍तीके गेपुकीमी आं कली मताइनीनी, दे शेंब। प्रेरित ५:३१; रोमी ४:२५

यूहन्‍ना 5:27

मिनु आ तौ कली निसाफ पतीक अधिकार गेप्‍तु। मारदे हना आ तौ रागीमी जरमेसीशो बाक्‍ब। दानीएल ७:१३-१४

प्रेरित 17:18

मोपा मुर आन कली ग्रुमानु, इपीक्‍युरीपुकी, स्‍तोइकीपुकी नु यो ग्रुम्‍शा लोव़ पवा बाक्‍त। मेकोपुकीमी पावल आ शेंशो नेंशा का निक्‍शीमी “एकोमी मार हेंथे फश लोव़ पना पन गाक्‍बाक्‍मे” देंमा बाक्‍त। का निक्‍शीमी चहिं “फश लोव़ ममाइ। मुल सम्‍म इं मतुइश्‍शो देवता आ पर्बम शेंबाक्‍त” देंमा बाक्‍त। देवता आ पर्बम शेंबाक्‍त, दे मारदे देंमा बाक्‍त देंशा हना, पावलमी “येसु आ ग्‍येरपाइक्‍ब लोव़ नु बेक्‍शो रे सेंसीशा ब्रोंइत” दे शेंबाक्‍माक्‍त। १कोरिन्‍थी ४:१२

प्रेरित 17:32

मिनु बेक्‍शो रे सेंचा पुंइसाक्‍व, मुर नेल्‍ल बेक्‍शो रे सेंचा पुंइसीनीम, दे शेंशो नेंशा, का निक्‍शीमी “एको फश लोव़ पाइक्‍बाक्‍त, है” दे रिस्‍समा बाक्‍त। का निक्‍शीमी चहिं “इन शेंशो रिम्‍शो लाक्‍तक, लेंशा नेंनीकी” दे गाक्‍मा बाक्‍त।

प्रेरित 17:6

तन्‍न पावल नु सिलास मेको खिंमी मबाक्‍शो बाक्‍सा बाक्‍त। मिनु मेको आस कली मथित्‍थु, यासोन नु थमा सुइक्‍ब आन कली ग्‍याइश्‍शा कीशा लाइश्‍शा, ठेयब मुर आन ङोंइती चाक्‍दीत्‍मे बाक्‍त। मेकोपुकीमी “नेल्‍ल रागी ङा मुर आन कली आन थुं ग्‍याल्‍पाइश्‍शा, दूली पपाइक्‍बपुकी इं सहरमी यो जाक्‍तेक्‍म। प्रेरित १६:२०

प्रेरित 2:32

परमप्रभु यावेमी येसु कली बेक्‍शो रे सेंताक्‍व। मेको गो आंइ मिक्‍चीमी ताइतक।

प्रेरित 4:10

गे ला ममाइ, तन्‍न इं इस्राएल ङा मुर नेल्‍लेमी रुप्‍चा माल्‍नीम। मेको खोइल मदुक्‍ब मुर नासरथ ङा येसु ख्रीस्‍त आ नें ब्रशा साशा गाक्‍ने चाप्‍ब दुम्‍माक्‍त, दे रुपीने। मेको नासरथ ङा येसु ख्रीस्‍त कली गेपुकीमी शीमी केप्‍शा कांटी थोक्‍शा क्‍याइक्‍पाइश्‍शा साइक्‍पाइक्‍तीनी। तन्‍न परमप्रभु यावेमी मेको कली बेक्‍शो रे सेंताक्‍व। प्रेरित ३:६,१३-१६

रोमी 2:16

मिनु परमप्रभु यावे आ निसाफ पची नाक्‍त मुर आन ख्रुइश्‍शा पशो कली निसाफ पाइ‍ब। आं शेंशो ग्‍येरपाइक्‍तीक लोव़ परमप्रभु यावेमी येसु ख्रीस्‍त आ पतीकेमी निसाफ पाइब। लूका ८:१७

रोमी 2:5

इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

२ कोरिन्‍थी 5:10

मारदे हना गो नेल्‍ल ख्रीस्‍त आ ङोंइती निसाफ पची ना जाक्‍चा माल्‍नीकी। रांम बाक्‍यानु, इं रांम पशो रिम्‍शो नु मरिम्‍शो नेल्‍ल ताइनीकी। प्रेरित १७:३१; रोमी २:१६; रोमी १४:१०; यूहन्‍ना ५:२९; एफिसी ६:८

२ तिमोथी 4:1

गो इ कली ख्रीस्‍त येसु नु परमप्रभु यावे आस ङोंइती मार देंनुङ देंशा हना, येसु ख्रीस्‍त आ राज्‍य जाची ना बेक्‍शो नु ब्रोंइशो मुर आन कली निसाफ पाइब बाक्‍ब। मेको आ जाक्‍चा नु राज्‍य पचा मिम्‍शा १पत्रुस ४:५

हिब्रू 6:2

मार मार चिक्‍चा शेंतीके, मुर आन तारी गुइ वोइक्‍चा, बेक्‍शो रे सेंसीशा ब्रोंइचा नु गेना हना यो निसाफ पचा आ पर्बम लोव़ बाक्‍ब।

२ पत्रुस 3:7

मुल सम्‍म बाक्‍ब सरीङ नु रागी कली “बाक्‍ल” दे परमप्रभु यावेमी खाल का ङा लोव़ पशा, वोदा बाक्‍त। परमप्रभु यावेमी रागी नु मटीब मुर नेल्‍ल आन कली मीम क्रोइक्‍चा, दे निसाफ पची नाक्‍त सम्‍म कली वोइश्‍शो बाक्‍त।