प्रेरित 17:28 - Sunuwar Bible

²⁸ मारदे हना परमप्रभु नु काथा बाक्‍शा ब्रोंइनय, दे तुइक्‍नय। गेपुकी नु बाक्‍ब ब्रेक्‍ब मुर कामी ‘गो नेल्‍ल परमप्रभु आ तमी तौ नय’ दे ब्रेक्‍शो बाक्‍त।

प्रेरित 17:28 ပူးပေါင်းရင်းမြစ်များ

अय्‍युब 12:10

ब्रोंइशा बाक्‍ब नेल्‍ल आन ब्रोंइतीक नु मुर नेल्‍ल आन ब्रोंइतीक सोक्‍त मेको आ गुइमी बाक्‍ब। गन्‍ती १६:२२; प्रेरित १७:२८

भजन संग्रह 36:9

मारदे हना गे नु ब्रोंइतीके बाक्‍ब। मिनु गो इन छेङछेङमी हाम्‍सो ताइनीकी। येरमीया २:१३; यूहन्‍ना ४:१४

भजन संग्रह 66:9

मेकोमी आंइ कली बेक्‍चा रे प्रोंइतु। आंइ कली ग्रेक्‍चा मगेव।

येरमीया 38:16

मिनु पिप सिदकीयाहम सुइ आन मतुइक्‍चा ङा पा, येरमीया नु कसम जशा “परमप्रभु यावे ब्रोंइशा बाक्‍शो खोदेंशो पा, गो इं कली सोक्‍त गेप्‍तु। गो मेको आ नेंमी कसम जशा देंनुङ। गो इ कली मसाइक्‍नुङ। गो इ कली साइक्‍चा माल्‍ब मुर आन गुइम मगेनन” देंत। येरमीया ३८:४-५

दानीएल 5:23

‘गो स्‍वर्ग ङा परमप्रभु क्‍येङा ठेयब नङ’ दे आंम कली ठेयब सेल्‍तीनी। मिनु गे परमप्रभु आ खिं ङा बोसपुकी चाक्‍पाइश्‍शा, गे नु इन राज्‍यम अधिकार ताइब, इन ग्‍युंबे पशो मीशपुकी नु इन अरु चाक्‍शो मीशपुकीमी मेको बोसम अङगुर शांबु तूतीनी। मिनु सुन, चांदी, कांसा, फलाम, शी नु फुल्‍लु के सेल्‍शो मिक्‍च मताइब, मनेंब, मरुप्‍ब देवी देवता आन कली सेउ पाइतीनी। तन्‍न इन कली ब्रोंइतीक सोक्‍त गेब नु इन लां कोंइब परमप्रभु कली मान मपनी।

लूका 20:38

परमप्रभु यावे बेक्‍शो मुर आन परमप्रभु ममाइ। ब्रोंइशो आन परमप्रभु यावे बाक्‍ब। मारदे हना परमप्रभु यावे आ ङोंइती नेल्‍ल ब्रोंइशो बाक्‍नीम” देंमाक्‍त। रोमी १४:८

लूका 3:38

केनान एनोश आ तौ बाक्‍माक्‍त। एनोश सेथ आ तौ बाक्‍माक्‍त। सेथ आदम आ तौ बाक्‍माक्‍त। आदम चहिं परमप्रभु यावे आ सेल्‍शो बाक्‍माक्‍त।

यूहन्‍ना 11:25

मिनु येसुमी “गो सेंपाइक्‍ब नु ब्रोंइपाइक्‍ब नङ। आं कली थमा सुइक्‍ब बेक्‍तेक्‍म हना यो, सेंसीनीम।

यूहन्‍ना 5:26

परमप्रभु यावे नु ब्रोंइतीक सोक्‍त बाक्‍ब। मिनु आ तौ कली यो मोदेंशो ब्रोंइतीक सोक्‍ती गेशो बाक्‍त। यूहन्‍ना १:१-४

ब्‍यवस्‍था 30:20

परमप्रभु यावे, इन परमप्रभु कली दाक्‍तीन। आ देंशो टिने। मेको कली मप्रोंइथु बाक्‍कीन। मारदे हना मेकोम इन कली ब्रोंइचा नु शुश नाक्‍ती बाक्‍चा गेब। मिनु गेपुकी परमप्रभु यावेमी इन किकी पिपी अब्राहाम, इसहाक नु याकूब आन कली कसम जशा गेशो रागीम बाक्‍ने चाप्‍नीनी।

कलस्‍सी 1:17

मोपा मेको नेल्‍ल आन क्‍येङा ङोंइती ङा बाक्‍ब। मिनु नेल्‍ल आन कली बाक्‍चा गेब यो बाक्‍ब।

तीतस 1:12

क्रेट टापु ङा शुश जोक्‍ब मुरुमी आंम मुर आन पर्बम मार लोव़ पवा बाक्‍त देंशा हना, मेकोमी “क्रेट ङा मुरपुकी गेना हना यो जोल पाइब, मरिम्‍शो पाइब जन्‍तु, शुश जाइब ब्‍वाइब नु अल्‍सी अल्‍से बाक्‍नीमी” दे लोव़ पवा बाक्‍त।

हिब्रू 1:3

आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।

हिब्रू 12:9

एको रागी ङा इं आफोमी इं कली तुप्‍तेक्‍म हना यो, मेको आन कली मान पा आन लोव़ टीतय। मिनु गेना हना यो आ नु काथा बाक्‍चा कली स्‍वर्ग ङा आफ आ देंशो टिचा ममाल्‍नया ङा?

हिब्रू 2:11

पाप रे प्रोंइब नु पाप रे ब्रोंइब नेल्‍ल खिं का ङा मुर दुम्‍तेक्‍म। मोपतीके पाप रे प्रोंइबमी पाप रे ब्रोंइब आन कली आ लोक्‍बपुकी देंचा मुने मपाइब। यूहन्‍ना १७:१९; मर्कूस ३:३४-३५; यूहन्‍ना २०:१७

१ सामुएल 25:29

सुइ मुरुम इन कली खेदा पा साइक्‍चा माल्‍तु हना, परमप्रभु यावे, इन परमप्रभुमी इन कली कोव़ब। तन्‍न इन जोरी सत्रु आन कली चहिं हुरदम वोइश्‍शा ताइश्‍शो फुल्‍लु खोदेंशो पा ताइक्‍ब। भजन संग्रह ६९:२९