प्रेरित 17:26 - Sunuwar Bible

²⁶ ङोंइती मुर का सेल्‍शा, मेको मुर रे पा नेल्‍ल रागी ङा मुर सेल्‍तीमी। दोशो ब्रोंइचा, ते बाक्‍चा, मेको नेल्‍ल परमप्रभुमी पने थुम्‍शो बाक्‍ब। ब्‍यवस्‍था ३२:८

प्रेरित 17:26 ပူးပေါင်းရင်းမြစ်များ

उत्पत्ती 3:20

मिनु आदममी आ मीश कली हव्‍वा नें वोदा बाक्‍त। मारदे हना मेको ब्रोंइब मुर नेल्‍ल आन ममा दुम्‍माक्‍त।

उत्पत्ती 9:19

मेको सांफा नोआह आ तौ बाक्‍मा बाक्‍त। मेको रे रागी नेल्‍ल ब्रीमा बाक्‍त।

अय्‍युब 12:23

रागी रागी आन कली हिक्‍सीशो सेल्‍ब। नोले मेको आन कली खतम सेल्‍ब। रागी रागी आन कली ठेयब सेल्‍शा, मेकेर ङा मुर आन कली एर ओंथ ब्रपाइक्‍ब।

अय्‍युब 14:5

मुर आ ब्रोंइतीक नाक्‍ती हिक्‍शा वोइश्‍शो बाक्‍नीम। मिनु मेको गिश महिना ब्रोंइ‍शो बाक्‍नीमी, मेको तुइक्‍नीनी। इन देंशो नाक्‍त लाक्‍ने मचाप्‍नीम। भजन संग्रह ३१:१६; भजन संग्रह ३९:५

भजन संग्रह 31:15

आं ब्रोंइतीक नाक्‍ती इन गुइमीन बाक्‍ब। आं जोरी सत्रु नु आं कली खेदा पाइबपुकी रे प्रोंइयीनी। भजन संग्रह १३९:१६; उपदेसक ३:१-८

भजन संग्रह 74:17

गे रागी रागी आन सांद वोइक्‍तीनी। गे हिंउद नु बर्खा सेल्‍तीनी।

यसैया 14:31

सहर ङा ठेयब लाप्‍चोपुकी, ङाक्‍कीन। सहर नु पलिस्‍ती नेल्‍ल हिंशा ख्रिंख्रि पने। मारदे हना उत्तर रे कुन कु‍शा, ठेयब हुल, नेल्‍ल काथा जाक्‍नीम।

यसैया 34:17

परमप्रभुमी मेको आन कली मेको रागी पुक्‍शा योक्‍शा, गेशो बाक्‍ब। मेको रागी गेना हना यो मेको आन के दुम्‍शा, पाला पाला सम्‍म मेकेर बाक्‍नीम।

यसैया 45:21

इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्‍पदा? मेको नोले दुम्‍ब लोव़ सुम पवा? गो, परमप्रभु यावे मनङा ङा? आं ङा लाक्‍शा, अरु सुइ परमप्रभु मबाक्‍ब। गो ठीक पाइब नु श्‍येत रे प्रोंइब परमप्रभु यावे नङ। आं ङा लाक्‍शा, अरु सुइ परमप्रभु मबाक्‍ब।

येरमीया 27:5

एको रागी, एको रागीम बाक्‍ब मुरपुकी, बस्‍तु भाव नु जन्‍तु नेल्‍ल आन कली आं ठेयब सक्ति नु आं बोलम सेल्‍शो नङ। मिनु गो सु कली गेचा दाक्‍नुङ, मेको कली गेनुङ। येरमीया १२:१७

दानीएल 11:27

मेको पिप निक्‍शी मरिम्‍शो थुं पाइश्‍शो बाक्‍नीस। काथा जाम्‍ताक्‍स हना यो, जोल पमुइनीस। तन्‍न मेको रे मारेइ रिम्‍शो मदुम्‍ब। मारदे हना नोले ङा नाक्‍त मजाक्‍शो बाक्‍ब।

दानीएल 11:35

मिनु मुरुम जोक्‍ब तुइक्‍ब आन कली मोदेंशो खेदा पतीके रागीम नोले ङा नाक्‍ती सम्‍म मेको आन कली सुन खोदेंशो पा यपाइक्‍चा, नाक्‍चा नु रिम्‍शो दुम्‍पाइक्‍चा कली बाक्‍ब। मेको मुल सम्‍म मजाक्‍शो बाक्‍ब।

मलाकी 2:10

मार, गो नेल्‍ल इं आफ कान ममाइ ङा? मार, परमप्रभु कामीन इं कली मसेला ङा? मारदे गोपुकीमी कामी अर्को कली थमा मसुइक्‍थु, इं किकी पिपी आन कली गेशो कबल ख्रोइक्‍नया? मलाकी १:६; अय्‍युब ३१:१५; एफिसी ४:६

प्रेरित 14:17

आन दला दाक्‍स पा बाक्‍तेक्‍म हना यो, परमप्रभुमी मेको आन कली तुइक्‍पांइसीन सीन बाक्‍त। दोपा तुइक्‍पांइसीन सीन बाक्‍त देंशा हना, रेउ यिपा मार मार वापा इन कली जाक्‍दीत्‍चा ङा पा जचा नु फेक्‍चा गेशा, ग्‍येरशा बाक्‍चा गेशो बाक्‍त” देंसा बाक्‍त।

प्रेरित 15:18

साइ रे गो मोदेंशो लोव़ तुइक्‍पाइक्‍ना पाइक्‍न पिती’ दे ब्रेक्‍शो बाक्‍ब। आमोस ९:११-१२

१ कोरिन्‍थी 15:22

दोपा आदम रे नेल्‍ल बेक्‍ब दुम्‍मा, मोपा ख्रीस्‍त रे पा नेल्‍ल ब्रोंइब दुम्‍तेक्‍म।

१ कोरिन्‍थी 15:47

ङोंइती ङा मुर रागी ङा खप के सेल्‍शो बाक्‍त। नोले ङा मुर स्‍वर्ग रे बाक्‍ब।

हिब्रू 2:3

पाप आ सजाइ रे ब्रोंइतीक ठेयब गेय कली ममिम्‍ताक्‍य हना, दोपा सजाइ रे ब्रोंइने चाप्‍नया ङा? मेको ठेयब गेय ङोंइती प्रभुमी तुइक्‍पाइश्‍शो बाक्‍त। मिनु आ लोव़ नेंबपुकीमी “थमा बाक्‍ब” दे तुइक्‍पाइश्‍शो बाक्‍तेक्‍म। हिब्रू १०:२९; हिब्रू १२:२५