प्रेरित 17:25 - Sunuwar Bible

²⁵ मुरपुकीमी परमप्रभु कली मारेइ गेचा ममाल्‍नीमी। आं कका रागीमी बाक्‍ब नेल्‍ल आन कली ब्रोंइतीक सोक्‍त नु आन माल्‍शो नेल्‍ल गेशो बाक्‍ब। भजन संग्रह ५०:९-१२

प्रेरित 17:25 ပူးပေါင်းရင်းမြစ်များ

उत्पत्ती 2:7

मिनु नोले परमप्रभु यावेमी रू ङा खप के मुर का सेला बाक्‍त। मिनु मुर आ नेंमी ब्रोंइतीक सोक्‍त मुइक्‍ता बाक्‍त। मिनु मुर सोक्‍त पाइश्‍शो दुम्‍माक्‍त। उत्‍पत्ती ३:१९; अय्‍युब १०:९; अय्‍युब ३३:४; भजन संग्रह १०४:२९-३०; १कोरिन्‍थी १५:४५,४७

अय्‍युब 12:10

ब्रोंइशा बाक्‍ब नेल्‍ल आन ब्रोंइतीक नु मुर नेल्‍ल आन ब्रोंइतीक सोक्‍त मेको आ गुइमी बाक्‍ब। गन्‍ती १६:२२; प्रेरित १७:२८

अय्‍युब 22:2

“बेक्‍शा लाइब मुरुम परमप्रभु कली मार पने चाप्‍बा ङा? शुश जोक्‍ब तुइक्‍ब मुरुम यो मेको कली मार गेय पने चाप्‍बा ङा?

अय्‍युब 27:3

गो आं रांम सोक्‍त बाक्‍म सम्‍म, परमप्रभु आ सोक्‍त आं नेंम बाक्‍म सम्‍म,

अय्‍युब 33:4

परमप्रभु आ सोक्‍तीम आं कली सेल्‍ती। मिनु नेल्‍ल क्‍येङा ठेयब सक्ति पाइश्‍शोमी आ ब्रोंइतीक सोक्‍त गेती

अय्‍युब 34:14

मेकोमी ब्रोंइचा गेब सोक्‍त नु आ सास लेश्‍शा लाइक्‍चा मिम्‍ताक्‍व हना,

भजन संग्रह 16:2

गो परमप्रभु यावे कली ‘गे आं परमप्रभु बाक्‍नीनी। गो इन क्‍येङा अर्को मारेइ रिम्‍शो मतुइक्‍नुङ’ देंती। भजन संग्रह ७३:२५

यसैया 42:5

मेको परमप्रभु, परमप्रभु यावे आ लोव़ बाक्‍ब। मेकोमी सरीङ कली सेल्‍शा प्राक्‍तु। मिनु रागी खप फ्राशा, मेकेर मार मार वापाइक्‍तु। मेकोमी मेकेर बाक्‍शो मुर आन कली आ ब्रोंइतीक गेब। मेकेर बाक्‍ब आन कली यो आ सोक्‍त गेब। उत्‍पत्ती १:-

यसैया 57:16

मिनु गो गेना हना यो दोस मगेनुङ। गाइक्‍स ङा गाइक्‍स मबाक्‍नुङ। मोपा बाक्‍ती हना, आंम आं सेल्‍शो मुर आन थुं थाइब। भजन संग्रह १०३:९

येरमीया 38:16

मिनु पिप सिदकीयाहम सुइ आन मतुइक्‍चा ङा पा, येरमीया नु कसम जशा “परमप्रभु यावे ब्रोंइशा बाक्‍शो खोदेंशो पा, गो इं कली सोक्‍त गेप्‍तु। गो मेको आ नेंमी कसम जशा देंनुङ। गो इ कली मसाइक्‍नुङ। गो इ कली साइक्‍चा माल्‍ब मुर आन गुइम मगेनन” देंत। येरमीया ३८:४-५

जकरिया 12:1

परमप्रभु यावेमी इस्राएल आ पर्बम पशो लोव़ एको बाक्‍ब। सरीङ नु रागी सेल्‍ब नु मुर आन कली सोक्‍त गेब परमप्रभु यावेमी मार देंत देंशा हना

गन्‍ती 16:22

मिनु मोसा नु हारूनमी खुम्‍की पा “परमप्रभु मुर नेल्‍ल आन कली ब्रोंइचा गेब परमप्रभु, मुर कामी पाप पतीके गे मुर नेल्‍ल नु गाइक्‍नीनी?” देंताक्‍स। अय्‍युब १०:१२; अय्‍युब १२:१०; २सामुएल २४:१७; गन्‍ती २७:१६

गन्‍ती 27:16

“परमप्रभु यावे, मुर नेल्‍ल आन ब्रोंइचा गेब परमप्रभु, एको मुर आन कली लां कोंइब मुर का वोतीन। गन्‍ती १६:२२

मत्ती 5:45

मो पाइतीनी हना, इन स्‍वर्ग ङा आफ आ तमी तौ नकी, दे कोंइनीनी। स्‍वर्गम बाक्‍ब आफोमी रिम्‍शो मरिम्‍शो पाइब नेल्‍ल आन कली नां दाप्‍पाइक्‍ब। नेल्‍ल आन कली रेउ यिपाइक्‍ब। एफिसी ५:१

मत्ती 9:13

चढ़ेतीक ममाइ, तन्‍न शिशी पशो तचा दाक्‍नुङ, दे देंशो आ अर्थ मार बाक्‍म, दे शेंसीने। ठीक पाइब आन कली ब्रेत्‍थ जाक्‍शो मनङ। पापी आन कली ब्रेत्‍थ जाक्‍शो नङ” दे माइक्‍तीमी। होसे ६:६; मत्ती १२:७; १सामुएल १५:२२; मत्ती १८:११

प्रेरित 14:17

आन दला दाक्‍स पा बाक्‍तेक्‍म हना यो, परमप्रभुमी मेको आन कली तुइक्‍पांइसीन सीन बाक्‍त। दोपा तुइक्‍पांइसीन सीन बाक्‍त देंशा हना, रेउ यिपा मार मार वापा इन कली जाक्‍दीत्‍चा ङा पा जचा नु फेक्‍चा गेशा, ग्‍येरशा बाक्‍चा गेशो बाक्‍त” देंसा बाक्‍त।

प्रेरित 17:28

मारदे हना परमप्रभु नु काथा बाक्‍शा ब्रोंइनय, दे तुइक्‍नय। गेपुकी नु बाक्‍ब ब्रेक्‍ब मुर कामी ‘गो नेल्‍ल परमप्रभु आ तमी तौ नय’ दे ब्रेक्‍शो बाक्‍त।

रोमी 11:35

“सुमी परमप्रभु यावे कली मार मार गेशा, परमप्रभु यावेमी मार मार गेचा माल्‍ब, देंने चाप्‍बा ङा?” दे ब्रेक्‍शो बाक्‍ब। अय्‍युब ४१:३

ब्‍यवस्‍था 30:20

परमप्रभु यावे, इन परमप्रभु कली दाक्‍तीन। आ देंशो टिने। मेको कली मप्रोंइथु बाक्‍कीन। मारदे हना मेकोम इन कली ब्रोंइचा नु शुश नाक्‍ती बाक्‍चा गेब। मिनु गेपुकी परमप्रभु यावेमी इन किकी पिपी अब्राहाम, इसहाक नु याकूब आन कली कसम जशा गेशो रागीम बाक्‍ने चाप्‍नीनी।

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१