प्रेरित 17:18 - Sunuwar Bible

¹⁸ मोपा मुर आन कली ग्रुमानु, इपीक्‍युरीपुकी, स्‍तोइकीपुकी नु यो ग्रुम्‍शा लोव़ पवा बाक्‍त। मेकोपुकीमी पावल आ शेंशो नेंशा का निक्‍शीमी “एकोमी मार हेंथे फश लोव़ पना पन गाक्‍बाक्‍मे” देंमा बाक्‍त। का निक्‍शीमी चहिं “फश लोव़ ममाइ। मुल सम्‍म इं मतुइश्‍शो देवता आ पर्बम शेंबाक्‍त” देंमा बाक्‍त। देवता आ पर्बम शेंबाक्‍त, दे मारदे देंमा बाक्‍त देंशा हना, पावलमी “येसु आ ग्‍येरपाइक्‍ब लोव़ नु बेक्‍शो रे सेंसीशा ब्रोंइत” दे शेंबाक्‍माक्‍त। १कोरिन्‍थी ४:१२

प्रेरित 17:18 ပူးပေါင်းရင်းမြစ်များ

हितोपदेस 23:9

मूर्ख आ ङोंइती लोव़ मपावो। मारदे हना इ जोक्‍ब तुइक्‍ब लोव़ नेंशा, शुक्‍शी ला पाइब।

हितोपदेस 26:12

आंम कली “जोक्‍ब तुइक्‍ब मुर नङ” दे मिम्‍ब मुर क्‍येङा मूर्खन रिम्‍शो बाक्‍ब। हितोपदेस ३:७

मर्कूस 9:14

मिनु अरु शेंसीब आन बाक्‍तीकेमी लेश्‍शा जाक्‍शा, शुश मुर देल्‍शो नु सास्‍त्रीपुकीमी लीशो शेंसीब आन कली लोव़ हिल्‍लो पशो तामे बाक्‍त।

लूका 11:53

मिनु येसु फरिसी आ खिं रे गाक्‍चवानु, सास्‍त्री नु फरिसीपुकी गाइश्‍शा, शुश लोव़ हिल्‍लो पा आ थुं थाम्‍मे बाक्‍त।

प्रेरित 26:23

मेकोपुकीमी ‘ख्रीस्‍तम श्‍येत जचा माल्‍ब’ दे ब्रेक्‍शो बाक्‍शो बाक्‍तेक्‍म। मिनु बेक्‍शो रे सेंसीशा ब्रोंइशा बाक्‍ब। बेक्‍शो रे सेंचा पुंइसीबपुकीमी नेल्‍ल आन क्‍येङा ङोंइती मेको येसु ख्रीस्‍त बेक्‍शो रे सेंसाक्‍व। मिनु मोपा यहूदी नु अर्को रागी ङा मुर नेल्‍ल आन कली छेङछेङ दुम्‍शो खोदेंशो पा आन लां कोंइब दुम्‍त” दे पावलमी सांकछी गेशा शेंदीमी बाक्‍त। १कोरिन्‍थी १५:२०

प्रेरित 4:2

मिनु “येसु बेक्‍शो रे सेंसाक्‍व। मिनु मुर नेल्‍ले यो बेक्‍शो रे सेंसीनीम” दे शेंशो नेंशा, थुं मनुमा बाक्‍त। प्रेरित २३:८

प्रेरित 5:42

मिनु नाक्‍त किंत किंत परमप्रभु यावे आ खिंमी, आंम आन खिं खिंमी खुम्‍सीशा “येसु परमप्रभु यावे आ सोइश्‍शो ख्रीस्‍त बाक्‍ब” दे शेंना शेंन बाक्‍बाक्‍मा बाक्‍त।

प्रेरित 6:9

मिनु लिबेरती माइश्‍शो ग्रुम्‍तीक खिं नु साइरेनी, अलेकजेन्‍द्रीया, सिलीसीया नु एसीया रे जाक्‍शो शेंबपुकीमी स्‍तीफानस नु जिशो बाक्‍तेक्‍म।

रोमी 1:22

मजोक्‍थु यो ठेयब लेश्‍शा बोरशा “गो शुश जोक्‍ब ठेयब नकी” देंतेक्‍म। मोपा मूर्ख दुम्‍तेक्‍म। १कोरिन्‍थी १:२०

१ कोरिन्‍थी 3:18

सुइमी आंम कली जोल मपांइसेक्‍ल। इन दातेमी सुइमी आंम कली जोक्‍ब तुइक्‍ब मिम्‍साक्‍व हना, मेको मूर्ख दुम्‍ल। मोपा ला जोक्‍ब तुइक्‍ब दुम्‍ने चाप्‍ब। प्रकाश ३:१७-१८

१ कोरिन्‍थी 4:10

गो ख्रीस्‍त आ पर्बम मूर्ख दुम्‍तक। तन्‍न गे ख्रीस्‍त आ पतीकेमी जोक्‍ब तुइक्‍ब बाक्‍नीनी। गोपुकी मचाप्‍ब दुम्‍तक। गेपुकी चहिं बोल्‍यो बाक्‍नीनी। मुरपुकीमी इन कली मान पा ठेयब सेल्‍नीम। आंइ कली चहिं महिक्‍नीम। १कोरिन्‍थी ३:१८

कलस्‍सी 2:8

मिनु गेपुकी दूली लोव़ शेंब आन नोले मखोतीन। मेकोपुकीमी इन कली मुर आन मिम्‍तीके नु फश लोव़ पशा, मुर आन रिती थिती ला शेंनीमी। मेको रागी रागी ङा मुर आन थुं ङा बाक्‍ब, ख्रीस्‍त के ममाइ।