प्रेरित 17:11 - Sunuwar Bible

¹¹ बेरोइया सहर ङा यहूदीपुकीमी थिस्‍सलोनीकी ङा मुर आन पशो खोदेंशो मपामे बाक्‍त। तन्‍न नोफा दाइश्‍शा पावल नु सिलास आस लोव़ नेंशा परमप्रभुमी ब्रेक्‍पाइश्‍शो लोव़ नु मेको आस शेंशो लोव़ गारबा देय मगारबा कोव़चा कली नाक्‍त किंत किंत जाक्‍मा बाक्‍त। यूहन्‍ना ५:३९

प्रेरित 17:11 ပူးပေါင်းရင်းမြစ်များ

अय्‍युब 23:12

गो मेको आ शेंशो पाता। मेको आ लोव़ नाक्‍त किंत किंत ङा आं जचा थोव़क क्‍येङा यो शुश मिम्‍ताक्‍ङ।

भजन संग्रह 119:100

गो खाल्‍पा आन क्‍येङा यो जोक्‍ब तुइक्‍ब दुम्‍‍ती। मारदे हना इन ब्रेक्‍शा अरेशो लोव़ टिना टिन बाक्‍नुङ।

भजन संग्रह 119:148

गो इन थोक्‍शा पशो लोव़ मिम्‍चा कली नाक्‍दो सेंना सेंन बाक्‍ती।

भजन संग्रह 119:97

गो इन अरेशो लोव़ शुश दाक्‍नुङ। गो नाक्‍त किंत किंत मेको आ पर्बम मिम्‍नुङ। भजन संग्रह १:२

हितोपदेस 1:5

जोक्‍ब तुइक्‍ब नेल्‍लेमी एको लोव़ रिम्‍शो पा नेंबमी तेम्‍शा शुश रुप्‍ब दुम्‍नीम। निप्‍स पाइश्‍शो मुर जोक्‍ब दुम्‍शा,

हितोपदेस 8:10

चांदी आ पा ङा आं अर्ती खुप्‍तीन। क्‍येख सुन आ पा ङा जोक्‍ब थुं मालीन। हितोपदेस ३:१४

हितोपदेस 9:9

जोक्‍ब तुइक्‍ब आन कली अर्ती गेशोनु, ङोंइती क्‍येङा जोक्‍ब तुइक्‍ब दुम्‍नीम। ठीक पाइब आन कली शेंशोनु, मेको क्‍येङा ठीक पचा शेंसीनीम।

यसैया 34:16

परमप्रभु यावे आ किताबम माल्‍शा पढेने। मेकेर नेल्‍ल ब्रेक्‍शो बाक्‍ब। मेको नेल्‍ल निक्‍शी निक्‍शी बाक्‍नीमी। मारदे हना परमप्रभु यावेमी लोव़ पा मेको आन कली अरेप्‍तु। आ सोक्‍तीमी मोदेंशो दुम्‍पाइश्‍शो बाक्‍ब। प्रस्‍थान ३२:३२

यसैया 8:20

गे शेंतीक नु अरेशो लोव़ आ पर्बम परमप्रभु कली हिल्‍लो पचा माल्‍नीनी। अरु लोव़ पाइब मुर काइ मरुप्‍ब बाक्‍नीम।

येरमीया 2:21

गो इ कली नेल्‍ल क्‍येङा रिम्‍शो अङगुर बोट ख्रुम्‍ता। गे दोपा मरिम्‍शो दुम्‍शा ब्‍वाकी ङा अङगुर बोट खोदेंशो दुमे? भजन संग्रह ८०:९; यसैया ५:१-४

मत्ती 13:23

सुमी नेंशा रुप्‍बा, मेको चहिं रिम्‍शो खपीम जुक्‍शो वांचेर खोदेंशो शुश ग्रेल्‍शा, गेडा का के सहे का, ६०, ३० सम्‍म सिप्‍ब” दे शेंताक्‍मी।

लूका 1:2

ङोंइती रे मेको ताइब नु तुइक्‍बपुकीमी मेको आन तशो, तुइश्‍शो लोव़ तेइ तेइ नेंपाइश्‍शो बाक्‍मा बाक्‍त। १यूहन्‍ना १:१-४

लूका 11:3

नाक्‍त किंत किंत ङा आंइ जचा थोव़क गेकी।

लूका 16:29

मिनु अब्राहाममी ‘परमप्रभु यावेमी मोसा कली ब्रेक्‍पाइश्‍शो लोव़ नु परमप्रभु यावे आ लोव़ पाइब आन ब्रेक्‍पाइश्‍शो लोव़ मेकोपुकी नु बाक्‍नीम। मेको पढेशा नेन्‍मेक्‍ल’ देंमेनु, २तिमोथी ३:१६

लूका 24:44

मिनु येसुमी आ शेंसीब आन कली “गो गे नु बाक्‍ची ना आ देंशो मोसा आ अरेशो लोव़, परमप्रभु यावे आ लोव़ पाइब आन ब्रेक्‍शो नु भजन संग्रह आं पर्बम ब्रेक्‍शो लोव़ नेल्‍ल गाप्‍चा माल्‍ब, दे इन कली लोव़ पाता” देंमाक्‍त। लूका १८:३१-३३; लूका २४:२६-२७; लूका १८:३१

यूहन्‍ना 3:21

सुमी चहिं थमा पा रिम्‍शो गेय पाइबा, मेको छेङछेङमी लाइब। मारदे हना आ रिम्‍शो गेय परमप्रभु यावे कली टिशो नेल्‍ल तांइसेक्‍ल, दे छेङछेङमी लाइब। १यूहन्‍ना १:६-७

यूहन्‍ना 5:39

गे परमप्रभु यावे आ लोव़ शेंसीन सीन बाक्‍नीनी। मारदे हना मो पशोनु, ब्रोंइशा बाक्‍चा तांइसीब, दे मिम्‍नीनी। मिनु परमप्रभु यावे आ लोव़मी आं पर्बम ब्रेक्‍शो बाक्‍त। लूका २४:२७,४४; २तिमोथी ३:१५-१७

प्रेरित 10:33

मोपतीके ब्रथ सोइक्‍ताक्न्‍‍नी। गे बिश्‍शा गिरिक‍कै जाक्‍शा, आंइ कली रिम्‍शो पाइतीनी। परमप्रभु गे नु बाक्‍ब। मिनु परमप्रभु यावेमी इन कली मार शेंपाइक्‍बा, मेको लोव़ नेल्‍ले नेंचा कली खुम्‍सीशा बाक्‍तक” देंमाक्‍त।

प्रेरित 11:1

मिनु यरूसलेममी बाक्‍ब सोइश्‍शोपुकी नु यहूदीया रागी तेइ तेइ बाक्‍ब थमा सुइक्‍ब लोक्‍बपुकीमी “अर्को रागी ङा मुरपुकीमी यो परमप्रभु यावे आ लोव़ नेंशा, थमा सुइक्‍ब दुम्‍मा बाक्‍त” देंशो नेन्‍मे बाक्‍त।

प्रेरित 17:1

मिनु मेकेर रे लशा, अम्‍फी-पोलीस नु आपोल्‍लोनीया सहरमी हिरशा, थिस्‍सलोनीकी सहरमी जाक्‍दीम्‍मा बाक्‍त। मेकेर यहूदी आन ग्रुम्‍तीक खिं का बाक्‍माक्‍त। १थिस्‍सलोनिकी २:२

प्रेरित 2:41

मिनु शुश मुरुमी पत्रुस आ देंशो बिश्‍शा, ख्रीस्‍त कली थमा सुइश्‍शा, ब्‍वाक्‍कुम ख्रुम्‍शा ग्रुंइचा पुंइसमा बाक्‍त। मोपा ब्‍वाक्‍कुम ख्रुम्‍शा ग्रुंइचा पुंइसीबपुकी हजार सां खोइ दुम्‍मा बाक्‍त। मोपा थमा सुइक्‍ब नु तेम्‍समा बाक्‍त।

ब्‍यवस्‍था 29:29

मिनु मारेइ मारेइ ख्रुइश्‍‍शो परमप्रभु यावे, इं परमप्रभु के बाक्‍ब। तन्‍न मेको अरेशो लोव़ नेल्‍ल टिचा नु मेको तुइक्‍तीके आंइ के नु आंइ तमी तौ के बाक्‍ब” देंत। ब्‍यवस्‍था ३२:३४

१ थिस्‍सलोनिकी 1:6

गेपुकी आंइ खोदेंशो नु प्रभु खोदेंशो पाइब दुम्‍तीनी। मारदे हना गेपुकी शुश श्‍येत जशा, परमप्रभु यावे आ लोव़ नेंतीनी। मिनु परमप्रभु यावे आ सोक्‍तीमी इन थुं ग्‍येरपाइक्‍तु। २थिस्‍सलोनिकी ३:७

१ थिस्‍सलोनिकी 2:13

गेपुकीमी आंइ शेंशो परमप्रभु यावे आ लोव़ नेंशा, मुर आ लोव़ ममाइ, थमा पा परमप्रभु यावे आ लोव़ बाक्‍ब, दे तुइक्‍ताक्‍नी। थमा सुइश्‍शा मेको लोव़मी इन थुंमी गेय पना पन बाक्‍ब। मो दुम्‍मेनु, गोपुकीमी परमप्रभु यावे कली “गे थिस्‍सलोनिकी ङा मुर आन कली रिम्‍शो पाइतीनी” देंना देंन बाक्‍नीकी। गलाती १:११-१२

२ थिस्‍सलोनिकी 2:10

जाम्‍शा लाइब आन कली जोल शेंब। मारदे हना मेकोपुकीमी थमा शेंतीक नेंचा मदाक्‍तेम। मिनु पाप रे ब्रोंइतीक ताक्‍चा मदाक्‍तेम।

याकूब 1:21

मोपतीके ग्रांग्रा दिचा ङा गेय नु काइ मरिम्‍शो पतीके नेल्‍ल प्रोनीन। गे ठेयब मलेत्‍थु, इन थुंमी वोइश्‍शो परमप्रभु यावे आ अरेशो लोव़ टिने। मोपा गेपुकी परमप्रभु यावे आ अरेशो लोव़ टिनीनु, मेको लोव़मी इन कली नरक रे प्रोंइने चाप्‍ब। १पत्रुस २:१

१ पत्रुस 2:2

नक थिशो आलम दूध तूचा माल्‍शो खोदेंशो पा, गे यो परमप्रभु यावे आ लोव़ तुइक्‍चा मालीन। गे मोदेंशो पाइतीनी हना, इन पाप रे ब्रोंइशो थुं बारना बारन लाइब। हिब्रू ५:१२-१३; मत्ती १८:३