प्रेरित 17:10 - Sunuwar Bible

¹⁰ मिनु थमा सुइक्‍बपुकीमी पावल, सिलास नु तिमोथी आन कली में नाक्‍दोन छुल छाल पोक्‍शा, बेरोइया सहर गे सोइक्‍तमे बाक्‍त। मिनु बेरोइया सहरमी जाक्‍दीश्‍शा, यहूदी आन ग्रुम्‍तीक खिं लशा, शेंचा गोव़मे बाक्‍त।

प्रेरित 17:10 ပူးပေါင်းရင်းမြစ်များ

प्रेरित 1:15

मिनु काबु नाक्‍त पत्रुस थमा सुइक्‍ब सहे का २० जना मुर आन दातेमी बाक्‍मा बाक्‍त। यूहन्‍ना २१:१५-१९

प्रेरित 15:22

मिनु याकूब आ लोव़ नेंशा, नेल्‍ल थुं का दुम्‍शा, आ देंशो बिस्‍समा बाक्‍त। मिनु चिठी ब्रेक्‍शा, मेको चिठी चोव़थ मुर योव़शा, पावल नु बारनाबास, नु काथा एन्‍टीओक सोइक्‍चा, दे सल्‍ला पामे बाक्‍त। मेको योव़शो का यहूदा नु का सिलास बाक्‍सा बाक्‍त। यहूदा आ याइनी नें बारसाबास बाक्‍माक्‍त। यहूदा नु सिलास थमा सुइक्‍ब आन कली शेंब खाल्‍पा बाक्‍सा बाक्‍त।

प्रेरित 17:1

मिनु मेकेर रे लशा, अम्‍फी-पोलीस नु आपोल्‍लोनीया सहरमी हिरशा, थिस्‍सलोनीकी सहरमी जाक्‍दीम्‍मा बाक्‍त। मेकेर यहूदी आन ग्रुम्‍तीक खिं का बाक्‍माक्‍त। १थिस्‍सलोनिकी २:२

प्रेरित 17:2

पावल हिरशा गाक्‍मेनु, सहर सहर ङा यहूदी आन ग्रुम्‍तीक खिं खिं ओव़शा शेंबाक्‍माक्‍त। मोपा थिस्‍सलोनीकी सहरमी यो ग्रुम्‍तीक खिं लशा, शेंचा गोवा बाक्‍त।

प्रेरित 17:4

पावल आ लोव़ नेंशा “आ देंशो थमा बाक्‍माक्‍त” दे यहूदी का निक्‍शी थमा सुइक्‍ब दुम्‍शा, पावल नु सिलास नु गारमा बाक्‍त। परमप्रभु यावे कली मान पाइब ग्रीकपुकी नु ठेयब नें चलेशो मीश मुरपुकी शुशेमी यो पावल आ शेंशो नेंशा थमा सुदमे बाक्‍त। १थिस्‍सलोनिकी १:१; २थिस्‍सलोनिकी १:१

प्रेरित 17:6

तन्‍न पावल नु सिलास मेको खिंमी मबाक्‍शो बाक्‍सा बाक्‍त। मिनु मेको आस कली मथित्‍थु, यासोन नु थमा सुइक्‍ब आन कली ग्‍याइश्‍शा कीशा लाइश्‍शा, ठेयब मुर आन ङोंइती चाक्‍दीत्‍मे बाक्‍त। मेकोपुकीमी “नेल्‍ल रागी ङा मुर आन कली आन थुं ग्‍याल्‍पाइश्‍शा, दूली पपाइक्‍बपुकी इं सहरमी यो जाक्‍तेक्‍म। प्रेरित १६:२०

प्रेरित 20:4

पावल नु काथा गाक्‍ब सु सु बाक्‍मा बाक्‍त देंशा हना, बेरोइया ङा पुरोस आ तौ सोपाटेर, थिस्‍सलोनीकी सहर ङा अरीस्‍तारकस नु सेकुन्‍दस, डेरबे ङा गायस, तिमोथी, एसीया ङा तिखीकस नु त्रोफीमस बाक्‍मा बाक्‍त। प्रेरित १७:१०; प्रेरित १९:२०; प्रेरित १६:३; एफिसी ६:२१; प्रेरित २१:२९

प्रेरित 9:20

मिनु सावल ग्रुम्‍तीक खिं खिं लशा “येसु परमप्रभु यावे आ तौ बाक्‍ब” दे शेंना शेंन यहूदी आन कली येसु आ पर्बम शुश लोव़ तुइक्‍पाइक्‍मी बाक्‍त।

प्रेरित 9:25

मोपतीके काबु नाक्‍दो थमा सुइक्‍बपुकीमी सावल कली डोकोमी कुर पशा, डोरीमी क्‍युक्‍शा, सहर ङा गारो आ ची लुक्‍च तोइक्‍पा प्रोक्‍पदमे बाक्‍त। २कोरिन्‍थी ११:२२-२३

१ थिस्‍सलोनिकी 2:2

गोपुकी ङोंइती फिलिप्‍पी सहरमी श्‍येत जशा, मुरपुकीमी आंइ कली शुक्‍शी पाम्‍तेक्‍म, दे तुइक्‍नीनी। शुश शुक्‍शी पाम्‍तेक्‍म हना यो, परमप्रभु यावेमी आंइ कली वारच पाइब, दे थमा सुइश्‍शा, परमप्रभु यावे आ ग्‍येरपाइक्‍ब लोव़ इन कली शेंताक्‍क। प्रेरित १६:२०-२४; प्रेरित १७:१-५

१ सामुएल 20:42

मिनु योनाथनम दाऊद कली “रिम्‍शो पा लावो। गे नु गो परमप्रभु यावे आ नेंमी कसम जशा, परमप्रभु यावे गे नु गो इस दातेमी बाक्‍ल। मेको इ चच युइ नु आं चच युइ आन दातेमी गेना हना यो बाक्‍ल” देंमाक्‍त। मिनु दाऊद बोक्‍शा लमाक्‍त। योनाथन चहिं सहर लेम्‍माक्‍त।