प्रेरित 16:39 - Sunuwar Bible

³⁹ मिनु हिंशा “लो, प्रोंइथ लचा माल्‍ब” देंशा जेल्‍खानमी जाक्‍मा बाक्‍त। मिनु पावल नु सिलास आस कली “गो इस कली मतुइक्‍थु चोक्‍पाइश्‍शो, मगाइक्‍तीसे, आंइ सहर प्रोंइशा, रिम्‍शो पा लसे” दे मिलो शिलो पा ग्रुंइशा सोइक्‍तमे बाक्‍त।

प्रेरित 16:39 ပူးပေါင်းရင်းမြစ်များ

प्रस्‍थान 11:8

मिनु नोले इन गेय पाइब नेल्‍लेमी आं ङोंइती खुम्‍की पा बाप्‍शा, आं कली ‘गे नु इन नोले खोइक्‍ब मुरपुकी एक रे लने’ देंनीम। मिनु गो लाइनुङ” दे मोसामी फाराओ कली देंत। मिनु मोसा फाराओ आ बाक्‍तीके रे शुश गाइश्‍शा चुरशा गाक्‍त।

यसैया 45:14

मिनु परमप्रभु यावेमी “इजीप्‍त ङा शोंप, एथीयोपीया ङा मारेइ मारेइ नु साबा रागी ङा लाइश्‍शो मुरपुकी इ के दुम्‍नीम। मेको इ नोले खोइक्‍नीम। मेकोपुकी फ्रेंशो दुम्‍शा, इ गे जाक्‍शा, इ ङोंइती बाप्‍शा ‘थमा पा परमप्रभु गे नु बाक्‍ब। मेको ङा लाक्‍शा अरु सुइ परमप्रभु मबाक्‍ब’ दे पुंइनीम” देंत।

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

यसैया 60:14

इ कली दिप्‍ब आन चच युइ इ बाक्‍तीकेम जाक्‍‍शा बाप्‍‍नीम। इ कली ग्रांग्रा दीब नेल्‍ल इ खोइलीम बाप्‍नीम। मिनु मेकोपुकीमी इ कली ‘परमप्रभु यावे आ सहर नु इस्राएली आन का ला बाक्‍शो परमप्रभु आ सियोन’ देंनीम। यसैया १४:२

दानीएल 6:16

मिनु नोले पिपमी “दानीएल कली चाक्‍कीन। मिनु गुप्‍स आन कली वोइक्‍तीकेमी तोक्‍कीन” दे हुकुम पाप्‍तु। मिनु मेकोपुकीम दानीएल कली गुप्‍स आन बाक्‍तीकेम तोक्‍तेक्‍म। मिनु पिपमी दानीएल कली “इ मप्रोंइथु, ठेयब सेल्‍शो परमप्रभुमी इ कली प्रोनल” देंत। दानीएल ३:१५

दानीएल 6:23

मिनु पिप थाम्‍पा ग्‍येरसीशा “दानीएल कली गुप्‍स वोइक्‍तीके रे ग्रुंइदीन” दे हुकुम पाप्‍तु। मिनु दानीएल कली कीशा ग्रुंइताक्‍म। मिनु मेको मारेइ मदुम्‍शो बाक्‍त। मारदे हना मेकोमी आ परमप्रभु कली थमा सुइश्‍शो बाक्‍त।

मत्ती 8:34

मिनु सहर ङा मुर नेल्‍ल येसु कली कोव़थ जाक्‍मा बाक्‍त। मिनु “आंइ रागी रे लने” दे पुन्‍मे बाक्‍त।

मर्कूस 5:17

मिनु मुरपुकीमी येसु कली “आंइ रागी रे ग्रूशा लने” देंमा बाक्‍त।

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४