प्रेरित 16:28 - Sunuwar Bible

²⁸ मिनु पावलमी क्‍योरसीचशो तशा “ए मपावो, मपावो, सुइ मप्रोक्‍क। नेल्‍ल बाक्‍तक” दे ब्रेम्‍माक्‍त।

प्रेरित 16:28 ပူးပေါင်းရင်းမြစ်များ

भजन संग्रह 35:14

आं वारच नु आं लोक्‍ब आन पर्बम खोदेंशो पा, मेको आन पर्बम रोंका पाता। आं ममा आ पर्बम खोदेंशो पा आं पिया खुक्‍शा, रोंका पाता। रोमी १२:१५

भजन संग्रह 7:4

गो गे नु दुशा बाक्‍ब आन कली श्‍येत गेता हना, आं कली बित्‍चीम श्‍येत गेमेनु, गो क्‍येक्‍क लेत्‍ताक्‍ङमी हना,

प्रस्‍थान 20:13

मुर मसतीन। प्रस्‍थान २१:१२; उत्‍पत्ती ९:५-६; याकूब २:१०-११

हितोपदेस 8:36

आं कली मथिप्‍बपुकी चहिं आंम कली खतम सेल्‍नीम। आं कली काइ मदाक्‍ब नेल्‍ले बेक्‍चा दाक्‍नीम” देंत।

उपदेसक 7:17

गे परमप्रभु आ अरेशो मटीब नु शुश मूर्ख यो मदुमो। गे मारदे बेक्‍ची मजाक्‍थु बेक्‍चा दाक्‍नेवे?

लेवी 19:18

गे इन मुर आन कली क्‍येक्‍क मलेत्‍तीन। ईख मकुरीन। तन्‍न इन नेक्‍था ङा मुर कली आंम कली खोदेंशो पा दाक्‍तीन। गो परमप्रभु यावे नङ। २राजा ६:२२; २इतिहास २९:९-१५; मत्ती ५:४३-४८; मत्ती २२:३९; लूका १०:२५-३७; यूहन्‍ना १३:३४; रोमी १३:९; गलाती ५:१४; याकूब २:८

मत्ती 5:44

गोमी इन कली मार देंनुङ देंशा हना, जोरी सत्रु आन कली दाक्‍तीने। इन कली हेला पा खेदा पाइब आन पर्बम परमप्रभु यावे कली पुनीने। प्रस्‍थान २३:४-५; लूका ६:२७-२८; रोमी १२:१४,२०; लूका २३:३४; प्रेरित ७:५९; लूका ६:२७-२८

लूका 22:51

येसुमी मेको ख्रोइश्‍शो तशा “दुम्‍त मपने” दे नोफा सेस सेला बाक्‍त।

लूका 23:34

मिनु क्‍यद‍मेनु, येसुमी “आं आफ, एको आन कली माफ गेने। मारदे हना एकोपुकीम मारेइ मतुइश्‍शो बाक्‍नीम” दे पुना बाक्‍त। सिपाइपुकीमी फेन्‍टे ग्‍यारशा, आ वा योक्‍समा बाक्‍त। यसैया ५३:१२; प्रेरित ७:१६; प्रेरित ३:१७; भजन संग्रह २२:१९

प्रेरित 16:27

मो दुम्‍मेनु, जेल्‍खान ङा ठेयब मुर ग्री‍चोक पा सेंसीशा छुल बोक्‍माक्‍त। मिनु लाप्‍चो नेल्‍ल रोक्‍सीशो तशा “आमाइ, चोक्‍शो नेल्‍ल प्रोक्‍शा गाक्‍मा बाक्‍त। मार पङा” दे आ तरवार ग्रि शोइश्‍शा, क्‍योरसीशा बेक्‍नुङ, दे क्‍योरसीचा मला बाक्‍त।

प्रेरित 16:29

मिनु बत्ती दाशा गेयीनी देंशा, चोक्‍शो आन बाक्‍तीके पावल नु सिलास आस ङोंइती लशा, ख्रिंख्रि पा बाम्‍माक्‍त।

१ थिस्‍सलोनिकी 5:15

मुरुमी इन कली मरिम्‍शो पाम्‍तेक्‍म हना, गेपुकी मेको आन कली मरिम्‍शो मपने। रिम्‍शो पमुचा माल्‍नीनी। अरु आन कली यो रिम्‍शो पने। हितोपदेस २०:२२; रोमी १२:१७,२१; १पत्रुस ३:९