प्रेरित 16:25 - Sunuwar Bible

²⁵ नाक्‍दो पावल नु सिलासमी प्रार्थना पा कुम्‍सो पा परमप्रभु यावे कली ठेयब सेल्‍से बाक्‍त। आस प्रार्थना नु कुम्‍सो पशो जेल्‍खानमी चोक्‍सीशो नेल्‍लेमी नेन्‍मे बाक्‍त।

प्रेरित 16:25 ပူးပေါင်းရင်းမြစ်များ

अय्‍युब 35:10

तन्‍न सुइमी ‘आं कली सेल्‍ब परमप्रभु ते बाक्‍बा? नाक्‍दो आं कली ठेयब सेल्‍तीक कुम्‍सो गेब, परमप्रभु ते बाक्‍बा? प्रेरित १६:२५

भजन संग्रह 119:55

परमप्रभु यावे, गो नाक्‍दो इन कली मिम्‍शा, इन अरेशो लोव़ पाइनुङ।

भजन संग्रह 119:62

गो नाक्‍दो बोक्‍शा, इन निसाफ पतीक लोव़ आ पर्बम इन कली ठेयब सेल्‍नुङ। भजन संग्रह ४२:९

भजन संग्रह 22:2

आं परमप्रभु, गो इन कली नाक्‍त ब्रेङङानु, गे लोव़ मलेत्‍तीनी। गो नाक्‍दो ब्रेङङानु यो, आं थुं नाइक्‍चा मतङ।

भजन संग्रह 34:1

गो परमप्रभु यावे कली गेना हना यो ठेयब सेल्‍नुङ। मेको कली ठेयब सेल्‍तीक लोव़ गेना हना यो आं शोव़म बाक्‍ब।

भजन संग्रह 42:8

मिनु गो नाक्‍ती परमप्रभु यावे आ गेना हना यो दाक्‍तीके तुइक्‍नुङ। मिनु नाक्‍दो आ कुम्‍सो आं थुंमी बाक्‍ब। मेको आं कली ब्रोंइचा गेब परमप्रभु नु लोव़ पतीके बाक्‍ब।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 71:7

शुश मुरपुकीमी आं कली तशा “परमप्रभुमी मेको कली ताइक्‍ताक्‍व” दे मिम्‍नीम। तन्‍न गे आं ख्रुइश्‍शा बाक्‍तीक बाक्‍नीनी।

भजन संग्रह 77:2

गो श्‍येत जङानु, परमप्रभु कली माल्‍ता। गो नाक्‍दो यो मदथु, परमप्रभु कली पुंइता। आं थुं खाइक्‍स ङा खाइक्‍स बाक्‍त।

भजन संग्रह 77:6

गो नाक्‍दो आं थुंमी रिम्‍शो बाक्‍बा देय मरिम्‍शो बाक्‍बा” दे मिम्‍स ङा मिम्‍स बाक्‍ती।

भजन संग्रह 91:15

मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। भजन संग्रह ५०:१५

यसैया 30:29

गेपुकी चाड मानेतीक नाक्‍दोम कुम्‍सो पशो खोदेंशो पा ग्‍येरसीनीनी। गेपुकी बांसुरी ताप्‍बपुकी नु परमप्रभु यावे, इस्राएली आन सेरथे फुल्‍लु आ डांडा लाइब खोदेंशो पा ग्‍येरसीशो मुर बाक्‍नीनी। ब्‍यवस्‍था १६:१४

जकरिया 3:8

यहोसु, नेल्‍ल क्‍येङा ठेयब चढ़ेब नु इ नेक्‍था बाक्‍ब इ खोदेंशो गेय पाइबपुकी नोफा दाइश्‍शा नेनीन। गो नोले आं गेय पाइब, राशी माइश्‍शो चाक्‍नुङ, मेकोपुकी मेको आ पर्बम चिन्‍ड बाक्‍नीम। यसैया ८:१८; जकरिया ६:१२; येरमीया २३:५; येरमीया ३३:१५

लूका 22:44

मिनु लेंशा आ थुं खाइश्‍शा पुना बाक्‍त। आ थुं खाइश्‍शा पुनानु, आ पस्‍ना हुश खोदेंशो दुम्‍शा खपीम दोक्‍माक्‍त।

प्रेरित 15:22

मिनु याकूब आ लोव़ नेंशा, नेल्‍ल थुं का दुम्‍शा, आ देंशो बिस्‍समा बाक्‍त। मिनु चिठी ब्रेक्‍शा, मेको चिठी चोव़थ मुर योव़शा, पावल नु बारनाबास, नु काथा एन्‍टीओक सोइक्‍चा, दे सल्‍ला पामे बाक्‍त। मेको योव़शो का यहूदा नु का सिलास बाक्‍सा बाक्‍त। यहूदा आ याइनी नें बारसाबास बाक्‍माक्‍त। यहूदा नु सिलास थमा सुइक्‍ब आन कली शेंब खाल्‍पा बाक्‍सा बाक्‍त।

प्रेरित 16:19

मिनु वोल ग्रूशा, लम ङा मेरे नोले दुम्‍ब लोव़ तुइक्‍तीक सक्ति जाम्‍त। मिनु आ होव़पपुकीमी क्‍येट का यो मतामे। मिनु चुरशा, पावल नु सिलास आस कली ग्‍याइश्‍शा कीशा, सहर ङा दिंम कामी चाक्‍शा, ठेयब मुर निसाफ पाइब आन ङोंइती राप्‍पाइक्‍तेक्‍म।

प्रेरित 16:33

मिनु ठेयब मुर नु आ खिं ङा मुर नेल्‍लेमी थमा सुइश्‍शा ब्‍वाक्‍कुमी ख्रुम्‍शा ग्रुंइचा पुंइसमा बाक्‍त। पावल नु सिलास आस तुप्‍शो गार नेल्‍ल चिक्‍तमे बाक्‍त।

प्रेरित 5:41

मिनु सोइश्‍शोपुकी ग्‍येरसीशा, मेकेर रे लमा बाक्‍त। मारदे हना “येसु आ नेंमी श्‍येत जचा रिम्‍शो दुम्‍ब” देंमा बाक्‍त। मत्ती ५:१०-१२; १पत्रुस ४:१३

रोमी 12:12

आस पा ग्‍येरसीशा बाक्‍कीन। श्‍येत जनीनु, फाल्‍शा बाक्‍कीन। प्रार्थना पना पन बाक्‍कीन। लूका १८:१-८; कलस्‍सी ४:२; १थिस्‍सलोनिकी ५:१७

रोमी 5:3

मेको ला ममाइ। श्‍येत जयानु, ग्‍येरनय। मारदे हना श्‍येत जशोमी फाल्‍तीक सक्ति बारपाइक्‍ब। याकूब १:२-३

२ कोरिन्‍थी 6:10

सुर्ता पशो, तन्‍न गेना हना यो ग्‍येरसीशो बाक्‍नीकी। प्रुङग दुम्‍शो, तन्‍न शुश आन कली शोंप सेल्‍नीकी। मारेइ मथीब दुम्‍शो, तन्‍न मारेइ मारेइमी गाप्‍शो बाक्‍नीकी। फिलिप्‍पी ४:१२-१३

एफिसी 5:19

परमप्रभु यावे आ लोव़ ङा कुम्‍सो, परमप्रभु यावे कली ठेयब सेल्‍ब कुम्‍सो नु परमप्रभु यावे आ सोक्‍तीम इन कली शेंशो कुम्‍सो पने। मोपा इन थुं बार पमुशा, प्रभु कली कुम्‍सो पना पन बाक्‍कीन। भजन संग्रह ३३:२-३; कलस्‍सी ३:१६

फिलिप्‍पी 2:17

गो इन थमा सुइक्‍चा आ पर्बम गेय पा, साइक्‍चा पुंइसाक्‍यी हना यो, ग्‍येरसीनुङ। गे नेल्‍ल नु ग्‍येरशा बाक्‍नुङ। २तिमोथी ४:६

कलस्‍सी 1:24

मुल गो इन पर्बम श्‍येत जाता हना यो, ग्‍येरसाक्‍यी। मारदे हना आं रांमी ख्रीस्‍त आ लीशो श्‍येत थुम्‍पाइक्‍नुङ। ख्रीस्‍त आ लीशो श्‍येत थमा सुइक्‍ब आन पर्बम बाक्‍ब। मेकोपुकी ख्रीस्‍त आ रां बाक्‍नीम। एफिसी ३:१३; २तिमोथी २:१०

हिब्रू 5:7

येसु मुर दुम्‍शा, रागीम बाक्‍मेनु, प्रेक्‍कु तोक्‍शा गोंगों पा ङाक्‍शा आ कली बेक्‍शो रे सेंब कली पुना बाक्‍त। परमप्रभु यावे कली मान पा हिंशा, मुर आन पर्बम पुना बाक्‍त। मिनु आ पुंइशो तवा बाक्‍त। मत्ती २६:३९-४६

याकूब 1:2

आं लोक्‍बपुकी, इन थमा सुइक्‍तीके ठीक बाक्‍म कों, मबाक्‍म, दे थुं थाम्‍चा पुंइसाक्‍नी हना, ग्‍येरसीने। रोमी ५:३-५; १पत्रुस ४:१३

याकूब 5:13

इन दातेमी सु सु श्‍येत जामे, मेकोमी परमप्रभु यावे नु लोव़ पामेक्‍ल। सु सु ग्‍येरशो बाक्‍मा, मेकोपुकीमी “परमप्रभु यावे नेल्‍ल क्‍येङा ठेयब बाक्‍ब” दे कुम्‍सो पामेक्‍ल। भजन संग्रह ५०:१५; कलस्‍सी ३:१६

१ पत्रुस 4:14

ख्रीस्‍त आ नेंमी श्‍येत जाइतीनी हना, आसीक ताइब दुम्‍‍नीनी। मारदे हना छेङछेङ ङा परमप्रभु यावे आ सोक्‍त गे नु बाक्‍ब। मत्ती ५:११; एफिसी १:१३