प्रेरित 16:14 - Sunuwar Bible

¹⁴ मिनु मेको आन कली लोव़सी पना पन येसु आं लोव़ शेंताक्‍क। आंइ लोव़ नेंब का चहिं थिआटीरा सहर रे जाक्‍शो वा पसल दाइक्‍ब लिडीया नें पाइश्‍शो मीश मुर का बाक्‍त। मेको लिडीया परमप्रभु यावे कली मान पा ठेयब सेल्‍ब बाक्‍बाक्‍माक्‍त। मेकोमी पावल आ लोव़ थम नोफा दाइश्‍शा नेंतु। मिनु प्रभुमी रुप्‍चा थुं गेप्‍तु।

प्रेरित 16:14 ပူးပေါင်းရင်းမြစ်များ

भजन संग्रह 110:3

गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।

ठेयब कुम्सो 5:4

आं दाक्‍शो वोंइश मुरुमी लाप्‍चो रोक्‍चा कली गुइ पिदानु, मेको तशा आं लुङगीर प्रेक्‍त।

यसैया 50:5

परमप्रभु, परमप्रभु यावेमी आं कली आ लोव़ नेंपाइक्‍ती। मिनु गो आ लोव़ टिशा, नोले मशोंइसीङ। भजन संग्रह ४०:७

लूका 24:45

मिनु नोले येसुमी परमप्रभु यावे आ ब्रेक्‍पाइश्‍शो लोव़ रुप्‍चा कली रुप्‍तीक थुं गेमी बाक्‍त। लूका ९:४५; यूहन्‍ना १२:१६

यूहन्‍ना 12:20

मिनु पास्‍सा नाक्‍ती परमप्रभु यावे कली मान पचा कली का निक्‍शी ग्रीस रागी ङा मुर यो जाक्‍शो बाक्‍तेक्‍म।

प्रेरित 10:2

मेको कप्‍तान परमप्रभु यावे कली मान पा हिंब मुर बाक्‍माक्‍त। आ खिं ङा मुर नेल्‍लेमी यो आ खोदेंशो पा प्रभु कली मान पा टीबाक्‍मा बाक्‍त। मेको कप्‍तानमी मारेइ मथीब आन कली शिशी पा शुश वारच पाइबाक्‍माक्‍त। परमप्रभु कली प्रार्थना पना पन बाक्‍बाक्‍माक्‍त।

प्रेरित 11:21

मोदेंशो शेंब आन कली प्रभुमी सक्ति गेवा बाक्‍त। मिनु मेको आन लोव़ नेंशा, शुश मुरुमी थमा सुइश्‍शा, आन थुं प्रभु गे हिरदमे बाक्‍त। प्रेरित २:४७

प्रेरित 13:43

मिनु गाक्‍सानु, यहूदी नु यहूदी धर्म मानेब शुशेमी मेको आस नोले खोदमे बाक्‍त। मेको निक्‍शीमी “परमप्रभु यावेमी इन कली शिशी पा ख्रीस्‍त कली थमा सुइक्‍ब सेल्‍तु। मुल ङा मेरे मेको थमा सुइक्‍तीक मप्रोनीन” दे मदसे बाक्‍त।

प्रेरित 13:50

ख्रीस्‍त कली थमा मसुइक्‍ब यहूदीपुकीमी यहूदी धर्म मानेब ठेयब मीश मुर नु सहर ङा सरकार ङा ठेयब मुर आन कली पोक्‍शा, पावल नु बारनाबास आस कली मेको रागी रे ग्रुंइदमे बाक्‍त।

प्रेरित 16:40

मिनु जेल्‍खान रे ग्रूशा, लिडीया आ खिं जाक्‍ताक्‍स। मिनु पावल नु आ वारचपुकीमी थमा सुइक्‍ब आन कली ग्रुम्‍शा, आन थुं बारपाइश्‍शा वोइश्‍शा गाक्‍तेक्‍म।

प्रेरित 18:7

मिनु परमप्रभु यावे कली मान पाइब तीतीयस-युस्‍तस नें पाइश्‍शो मुर आ खिं लशा, मेकेर शेंचा गोवा बाक्‍त। मेको आ खिं ग्रुम्‍तीक खिं आ नेक्‍थान बाक्‍माक्‍त।

प्रेरित 8:27

परमप्रभु यावे आ स्‍वर्ग ङा गेय पाइब आ लोव़ नेंशा, फिलीप छुल बोक्‍शा, गाजा सहर लतीक लां ल‍माक्‍त। मिनु मेको लां गाक्‍मेनु, एथीयोपीया रागी ङा मुर का यो मेको लां लना लन बाक्‍माक्‍त। मेको एथीयोपीया ङा पिपीम कान्‍दाके रे शुश अधिकार तशो, ठेयब मुर बाक्‍माक्‍त। यरूसलेममी परमप्रभु यावे कली मार मार चढ़ेने थुम्‍शा, आ रागी लेश्‍शो बाक्‍माक्‍त।

रोमी 9:16

मारेइ मारेइ पशोमी परमप्रभु यावे आ शिशी पाइक्‍‍चा मपुंइसीब। परमप्रभु यावेमी शिशी पचा दाक्‍ताक्‍व हना, शिशी पाइ‍ब। एफिसी २:८

फिलिप्‍पी 2:13

मारदे हना परमप्रभु यावेमी इन थुंमी गेय पाइब। मार गेय पाइब देंशा हना, आ दाक्‍शो पचा, दे इन कली दाक्‍ब थुं गेशा, गेय पपाइक्‍ब। फिलिप्‍पी १:६

प्रकाश 1:11

मेको सेंदामी आं कली “मार मार ताइनेवे, मेको नेल्‍ल कागजम ब्रेक्‍तो। मिनु ब्रेक्‍शा ङा मिन, एसीया ङा ७ ओटा सहर ङा येसु ख्रीस्‍त कली थमा सुइक्‍ब आन ग्रुम्‍तीके ङा मुर आन कली सोइक्‍तो। मेको ७ ओटा सहर चहिं एफिसस, स्‍मिरना पेरगामोम, थिआटीरा, सारडीस, फिलाडेल्‍फीया नु लाओडीसीया नम” देंत।

प्रकाश 3:20

नेनीन, गो लाङगाम जाक्‍शा ‘बाक्‍नी?’ दे ब्रेत्‍नुङ। सु सुमी आं सेंदा नेंशा ‘ओव़ङीन’ देंनीमी, गो मेको नु बाक्‍थ ओव़नुङ। मिनु मेको नु काथा बाक्‍शा, खमे जाइनुङ। यूहन्‍ना १४:२३

प्रकाश 3:7

मिनु येसु ख्रीस्‍तमी आं कली फिलाडेल्‍फीया सहर ङा थमा सुइक्‍ब आन शेंब कली ब्रेक्‍पाइक्‍ती। मेको परमप्रभु यावे आ तौ, थमा पा पाप रे प्रोंइब, दाऊद आ राज्‍य ङा सांचो थीबमी लाप्‍चो रोक्‍गा ङा मेरे सुइमी चोक्‍ने मचाप्‍नीम। मिनु चोक्‍गा ङा मेरे सुइमी रोक्‍ने मचाप्‍नीमी। यसैया २२:२२