प्रेरित 16:12 - Sunuwar Bible

¹² मेकेर जाक्‍दीश्‍शा जहाज रे तोंइ‍साक्‍क। मिनु गाक्‍शा फिलिप्‍पी सहरमी जाक्‍दीत्‍तक। फिलिप्‍पी मासीडोनीया रागी ङा ठेयब सहर का बाक्‍ब। मेको रागी रोमी आन गुइमी बाक्‍माक्‍त। गोपुकी फिलिप्‍पी सहरमी इच्‍का नाक्‍ती बाक्‍तक।

प्रेरित 16:12 ပူးပေါင်းရင်းမြစ်များ

प्रेरित 16:10

मेको कोंइतीक तशा, पावल छुल बोक्‍शा “मासीडोनीया लय” देंत। मोपतीके गो यो सासाक्‍क। प्रभुमी मासीडोनीया ङा मुर आन कली ग्‍येरपाइक्‍तीक लोव़ शेंथ सोइक्‍ता बाक्‍त, दे नेल्‍लेमी रुप्‍तक।

प्रेरित 16:21

इं रोमी ऐन कानुनम मगारचा ङा दूली शेंशा, आस पतीके पपाइक्‍चा बोल पाम्‍ताक्‍स” दे दोस गेम्‍तेक्‍म।

प्रेरित 16:9

मिनु त्रोआस सहरमी बाक्‍मानु, काबु नाक्‍दो प्रभुमी पावल कली कोंइतीक कोंइदा बाक्‍त। मार कोंइदा बाक्‍त देंशा हना, मासीडोनीया रागी ङा मुर का पावल आ ङोंइती राप्‍शा “आंइ मासीडोनीया रागी पिशा, आंइ कली वारच पाइक्‍चा नकी, हजुर” दे पुंइशो तवा बाक्‍त।

प्रेरित 18:5

मिनु नोले सिलास नु तिमोथी मासीडोनीया रे जाक्‍शा, मेक जाक्‍सा बाक्‍त। मिनु पावलमी “शेंचा गेय ला पाइनुङ” देंशा, यहूदी आन कली “येसु मेको ख्रीस्‍त बाक्‍ब, दे रुपीन” दे शेंना शेंन गाक्‍बाक्‍माक्‍त। प्रेरित १७:१४-१५: २कोरिन्‍थी १:१९

प्रेरित 19:21

मेको नोले पावलमी “गो मासीडोनीया नु आकाया लां पा यरूसलेममी जाक्‍दीत्‍नुङ। मेकेर काबु निक्‍बु बाक्‍शा, रोम सहर मजाक्‍दीत्‍थु मप्रोंइनुङ” दे थुं पवा बाक्‍त। प्रेरित २३:११

प्रेरित 19:29

मिनु मोदेंशो पा सहर नेल्‍ल ठेयब रेय‍के दुम्‍माक्‍त। मुरपुकी दोरशा जाक्‍शा, सहर ङा दिंममी खुम्‍समा बाक्‍त। मासीडोनीया रे जाक्‍शो पावल नु काथा गाक्‍ब गायस नु अरीस्‍तारकस आस कली ग्‍याइश्‍शा, मेको दिंममी चाक्‍ग्‍मे बाक्‍त। प्रेरित २०:४

प्रेरित 20:1

मिनु मेको रेयके नाइक्‍तमे नोले पावलमी थमा सुइक्‍ब आन कली ब्रेश्‍शा खुप्‍शा “थमा सुइक्‍चा मप्रोंइथु, इन थुं बारपा बाक्‍कीन” देंशा आन कली मेक उइ प्रोंइशा मासीडोनीया लमाक्‍त। २कोरिन्‍थी २:१३

प्रेरित 20:3

मिनु ग्रीस रागीमी महिना सां सम्‍म बाक्‍शा “मुल जहाज ङोइश्‍शा, सिरीया गे लाइनुङ” दे लचावानु “यहूदीपुकीमी आं कली ग्‍याइक्‍चा कली लां बाप्‍शो बाक्‍नीम” दे तुइश्‍शा, जहाज ङोइश्‍शा मलथु, गाक्‍शा मासीडोनीया लमाक्‍त।

प्रेरित 20:6

बोरब ओख्‍ती मसुप्‍शो शोब्‍ले जची नाक्‍त लाक्‍शा, फिलिप्‍पी सहर रे जहाज ङोइश्‍शा, ५ नाक्‍त नोले त्रोआस सहरमी जाक्‍दीत्‍तक। मेकेर आंइ वारच आन कली ग्रुम्‍शा, ७ नाक्‍त मेक उइ बाक्‍तक।

प्रेरित 27:2

सिजरिया रे लशा, अद्रामीत्‍तीयम जाक्‍दीश्‍शा, एसीया लाइब जहाज ङोइश्‍शा लाइतक। मासीडोनीया ङा थिस्‍सलोनीकी रे जाक्‍शो अरीस्‍तारकस पावल आ वारच का यो गोपुकी नु लत। प्रेरित २०:४

रोमी 15:26

मासीडोनीया नु आकाया रागीमी बाक्‍ब थमा सुइक्‍बपुकीमी “यरूसलेमम बाक्‍ब थमा सुइक्‍बपुकीमी जचा मतामे” देंशो नेंशा, क्‍येट पोक्‍शा गेतीमी। मोपतीके मेको आन कली क्‍येट चोव़थ लाइनुङ। १कोरिन्‍थी १६:१; २कोरिन्‍थी ८:१-४

फिलिप्‍पी 1:1

पावल नु तिमोथी, गो निक्‍शी ख्रीस्‍त येसु आ वाइल नस्‍कु। फिलिप्‍पी सहरम बाक्‍शो ख्रीस्‍त येसु कली थमा सुइक्‍ब नेल्‍ल इन कली, थमा सुइक्‍ब आन कली कोव़ब नु ग्रुम्‍तीके ङा गेय पाइब इन कली चिठी ब्रेक्‍ताक्‍ङ। प्रेरित १६:३

फिलिप्‍पी 1:5

ङोंइती रे मुल सम्‍म ग्‍येरपाइक्‍ब लोव़ पचा कली आं कली वारच पाइतीनी।

१ थिस्‍सलोनिकी 2:2

गोपुकी ङोंइती फिलिप्‍पी सहरमी श्‍येत जशा, मुरपुकीमी आंइ कली शुक्‍शी पाम्‍तेक्‍म, दे तुइक्‍नीनी। शुश शुक्‍शी पाम्‍तेक्‍म हना यो, परमप्रभु यावेमी आंइ कली वारच पाइब, दे थमा सुइश्‍शा, परमप्रभु यावे आ ग्‍येरपाइक्‍ब लोव़ इन कली शेंताक्‍क। प्रेरित १६:२०-२४; प्रेरित १७:१-५