प्रेरित 16:1 - Sunuwar Bible

¹ मिनु डेरबे सहरमी जाक्‍दीश्‍शा, मेकेर रे लशा, लिस्‍त्रा सहरमी जाक्‍दीस्‍सा बाक्‍त। मिनु लिस्‍त्रामी तिमोथी नें पाइश्‍शो थमा सुइक्‍ब का ग्रुम्‍से बाक्‍त। तिमोथी आ ममा ख्रीस्‍त कली थमा सुइक्‍ब यहूदी जात ङा बाक्‍माक्‍त। आ आफ चहिं ग्रीक बाक्‍माक्‍त। प्रेरित १७:१४; प्रेरित १९:२२; प्रेरित २०:४; फिलिप्‍पी २:१९-२२; १थिस्‍सलोनिकी ३:२,६; २तिमोथी १:५

प्रेरित 16:1 ပူးပေါင်းရင်းမြစ်များ

एज्रा 9:2

मेकोपुकीमी मेको आन तमी आंम कली नु आन तौ आन कली मीश चाक्‍शो बाक्‍तेक्‍म। मोदेंशो पा परमप्रभु आ आंम मुरपुकी अर्को रागी ङा मुरपुकी नु खाल्‍साक्‍म। मिनु योव़चा पुंइसीशो ठेयब मुर नु सासन पाइब आन परमप्रभु आ देंशो मपथु, शुश दोस ताइब बाक्‍नीम” देंतेक्‍म। ब्‍यवस्‍था ७:३; ब्‍यवस्‍था २३:३; गन्‍ती ११:१७-२५; नेहेम्‍याह १३:२३

प्रेरित 14:1

पावल नु बारनाबास आइकोनीयम सहरमी जाक्‍दीश्‍शा, यहूदी आन ग्रुम्‍तीक खिं लशा, मेकेर खुम्‍सीशा बाक्‍शो आन कली ख्रीस्‍त आ लोव़ शेंना शेंन बाक्‍सा बाक्‍त। मिनु ख्रीस्‍त आ लोव़ नेंशा, यहूदी नु ग्रीक शुशेमी थमा सुदमे बाक्‍त।

प्रेरित 14:21

मिनु डेरबे सहरमी शुश मुर आन कली येसु आ ग्‍येरपाइक्‍ब लोव़ शेंशा रुप्‍पदसेनु, शुश मुरुमी थमा सुदमे बाक्‍त। मिनु मेकेर रे लशा लेंशा लिस्‍त्रा, आइकोनीयम नु पिसीदीया ङा एन्‍टीओकमी जाक्‍दीस्‍सा बाक्‍त।

प्रेरित 14:6

मिनु पावल नु बारनाबासमी मेको आन मो पशो तुइश्‍शा, सहर रे प्रोक्‍शा, लाइकाओनीया रागी ङा लिस्‍त्रा नु डेरबे सहर लसा बाक्‍त।

प्रेरित 17:14

मिनु थमा सुइक्‍बपुकीमी पावल कली समुन्‍द्र आ नेक्‍था गे सोइक्‍तमे बाक्‍त। सिलास नु तिमोथी चहिं मेक उइ बाक्‍सा बाक्‍त। प्रेरित १६:१

प्रेरित 18:5

मिनु नोले सिलास नु तिमोथी मासीडोनीया रे जाक्‍शा, मेक जाक्‍सा बाक्‍त। मिनु पावलमी “शेंचा गेय ला पाइनुङ” देंशा, यहूदी आन कली “येसु मेको ख्रीस्‍त बाक्‍ब, दे रुपीन” दे शेंना शेंन गाक्‍बाक्‍माक्‍त। प्रेरित १७:१४-१५: २कोरिन्‍थी १:१९

प्रेरित 19:22

मोदेंशो थुं पशा, तिमोथी नु इरास्‍तस आस कली मासीडोनीया सोइक्‍तीम्‍सी बाक्‍त। आं चहिं एसीया उइ बाक्‍माक्‍त। २तिमोथी ४:२०

रोमी 16:21

गो नु गेय पाइब तिमोथीमी इन कली “रिम्‍शो बाक्‍कीन” देंत। यहूदी जात ङा लुसीयस, यासोन, सोसीपाटर सांफामी यो इन कली “रिम्‍शो बाक्‍कीन” देंतेक्‍म। प्रेरित १६:१-३; प्रेरित १९:२२; फिलिप्‍पी २:१९-२२; प्रेरित १७:६; प्रेरित २०:४

१ कोरिन्‍थी 16:10

तिमोथीमी एको चिठी कुरशा जाक्‍मेनु, मेको कली रिम्‍शो पतीने। आ लोव़ नेनीने। मारदे हना गो नु बाक्‍शा, आं यो प्रभु आ गेय पना पन बाक्‍ब। १कोरिन्‍थी ४:१७; फिलिप्‍पी २:१९-२२

१ कोरिन्‍थी 4:17

मोपतीके गो प्रभु आ पशोमी, आ रिम्‍शो नु दाक्‍शो तौ तिमोथी इन बाक्‍तीके सोइक्‍ताक्‍ङ। मेकोमी गो ते ते मार मार लोव़ शेंदु, गो दोपा येसु ख्रीस्‍त आ लां खोदु, मेको नेल्‍ल इन कली शेंदल। प्रेरित १६:१-३

१ कोरिन्‍थी 7:14

मारदे हना थमा मसुइक्‍ब वोंइश आ मीश आ थमा सुइक्‍तीकेमी आसीक ताइब। मिनु थमा मसुइक्‍ब मीश मुर आ वोंइश आ थमा सुइक्‍तीकेमी आसीक ताइब। मोदेंशो मदुम्‍त हना, आन आल प्रभु के मदुम्‍नीम। तन्‍न मोदेंशो दुम्‍त हना, मेको आल परमप्रभु यावे के दुम्‍नीम। रोमी ११:१६

२ कोरिन्‍थी 1:1

परमप्रभु यावे आ दाक्‍शो पा ख्रीस्‍त येसु आ सोइश्‍शो गो पावल नङ। इं लोक्‍ब तिमोथी नु गोमी कोरिन्‍थ सहर ङा परमप्रभु यावे कली थमा सुइश्‍शा ग्रुम्‍ब इन कली नु आकाया रागीम बाक्‍ब थमा सुइक्‍ब नेल्‍ल आन कली एको चिठी ब्रेक्‍शा सोइक्‍ताक्‍स्‍कु। १कोरिन्‍थी १:१

२ कोरिन्‍थी 1:19

सिल्‍वानस, तिमोथी नु गो सांफामी इन कली परमप्रभु यावेमी आ तौ येसु ख्रीस्‍त आ लोव़ नेंपाइक्‍तक। मेको लोव़ थमा दुम्‍बा कों मदुम्‍बा, मार तुइक्‍चा देंशो लोव़ ममाइ। येसु ख्रीस्‍त थमा बाक्‍ब। प्रेरित १८:५

फिलिप्‍पी 1:1

पावल नु तिमोथी, गो निक्‍शी ख्रीस्‍त येसु आ वाइल नस्‍कु। फिलिप्‍पी सहरम बाक्‍शो ख्रीस्‍त येसु कली थमा सुइक्‍ब नेल्‍ल इन कली, थमा सुइक्‍ब आन कली कोव़ब नु ग्रुम्‍तीके ङा गेय पाइब इन कली चिठी ब्रेक्‍ताक्‍ङ। प्रेरित १६:३

फिलिप्‍पी 2:19

प्रभु येसुमी तिमोथी कली इन कली ग्रुम्‍थ सोइक्‍चा गेप्‍तु हना, ब्रा सोइक्‍नुङ। इन पर्बम लोव़ नेंशा, गो यो ग्‍येरसीनुङ।

कलस्‍सी 1:1

गो परमप्रभु यावे आ दाक्‍शो पा, ख्रीस्‍त येसु आ सोइश्‍शो पावल नङ। इं लोक्‍ब तिमोथी गो नु बाक्‍ब।

१ थिस्‍सलोनिकी 1:1

गो पावल नङ। सिल्‍वानस नु तिमोथी यो गो नु बाक्‍नीस। गो इं आफ परमप्रभु यावे नु इं प्रभु येसु ख्रीस्‍त कली थमा सुइक्‍ब थिस्‍सलोनिकी सहर ङा इन कली चिठी ब्रेक्‍ताक्‍ङ। येसु ख्रीस्‍तमी इन कली शिशी पा इन थुं नाइक्‍चा गेवल। प्रेरित १५:४०; प्रेरित १६:१-३,१९; प्रेरित १७:१-९; २थिस्‍सलोनिकी १:१

१ थिस्‍सलोनिकी 3:2

गो निक्‍शीमी आंस लोक्‍ब, गो नु परमप्रभु यावे आ गेय पाइब, ख्रीस्‍त आ ग्‍येरपाइक्‍ब लोव़ शेंब, तिमोथी कली इन थमा सुइक्‍तीक बारपाइक्‍चा नु इन कली अरेचा कली सोइक्‍ताक्‍स्‍कु। प्रेरित १६:१-३

१ थिस्‍सलोनिकी 3:6

मिनु तिमोथी इन कली ग्रुम्‍थ पिशा, लेश्‍शा जाक्‍त। मेकोमी इन थमा सुइक्‍तीके नु इन दाक्‍तीके रिम्‍शो बाक्‍ब। गेपुकी आंइ कली गेना हना यो शुश मिम्‍नीनी, गोपुकी खोदेंशो पा आंइ कली ग्रुम्‍चा दाक्‍नीनी, दे तिमोथीमी आंस कली देंत। प्रेरित १८:५

२ थिस्‍सलोनिकी 1:1

गो पावल नङ। सिल्‍वानस नु तिमोथी यो गो नु बाक्‍नीस। गो इं आफ परमप्रभु यावे नु प्रभु येसु ख्रीस्‍त कली थमा सुइक्‍ब थिस्‍सलोनिकी सहर ङा इन कली चिठी ब्रेक्‍ताक्‍ङ। १थिस्‍सलोनिकी १:१

१ तिमोथी 1:18

आं तौ तिमोथी, परमप्रभु यावेमी इ पर्बम पशो लोव़ तुइक्‍पाइक्‍ती। मेको लोव़ इ कली मिम्‍पाइक्‍नुङ। मेको लोव़ मिम्‍शा ग्राने चाप्‍नेवे। १तिमोथी ४:१४; १तिमोथी ६:१२; यहूदा ३

१ तिमोथी 1:2

गे थमा सुइक्‍ब, आं दाक्‍शो तौ खोदेंशो तिमोथी, इ कली चिठी ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍त आस दाक्‍चा गे नु बाक्‍ल। आस शिशीमी इ कली थुं नाइश्‍शा बाक्‍चा गेम्‍सेक्‍ल। प्रेरित १६:१-२; तीतस १:४

२ तिमोथी 1:2

एको चिठी आं दाक्‍शो तौ तिमोथी, इ कली ब्रेक्‍ताक्‍ङ। इं आफ परमप्रभु यावे नु इं प्रभु येसु ख्रीस्‍त आस दाक्‍चा गे नु लील। मेको आस शिशीमी इ कली थुं नाइश्‍शा बाक्‍चा गेम्‍सेक्‍ल।

२ तिमोथी 1:5

इ रिम्‍शो थमा सुइक्‍तीके मिम्‍नुङ। मोदेंशो थमा सुइक्‍तीके ङोंइती इ बगे लोइसमी, नोले इम्‍मा युनीसमी बाक्‍शो बाक्‍त। मुल थमा पा इ आगाम बाक्‍ब। गो मेको तुइक्‍नुङ। प्रेरित १६:१-३

२ तिमोथी 3:11

आं कली खेदा पशो, आं श्‍येत जशो यो ताप्‍तीवी। एन्‍टीओक, आइकोनीयम नु लिस्‍त्रा सहरमी गो दोदेंशो श्‍येत जङा, दोपा खेदा पशो नेल्‍ल फलु, मेको नेल्‍ल ताप्‍तीवी। तन्‍न प्रभुमी मेको नेल्‍ल रे प्रोंइती। प्रेरित १३:१३-१४:२२; भजन संग्रह ३४:२०

फिलेमोन 1:1

ख्रीस्‍त येसु आ नेंमी जेल्‍खानम चोक्‍चा पुंइसीशो पावल नु इं लोक्‍ब तिमोथी गो निक्‍शीमी एको चिठी ब्रेक्‍ताक्‍स्‍कु। एको चिठी सु सु इन कली ब्रेक्‍ताक्‍स्‍कु देंशा हना, गो नु गारशा गेय पाइब इं दाक्‍शो फिलेमोन, एफिसी ३:१

हिब्रू 13:23

नेनीने, इं लोक्‍ब तिमोथी कली जेल्‍खान रे प्रोंइतेक्‍म। आं गाक्‍चा क्‍येङा ङोंइती एक जाक्‍त हना, इन कली ग्रुम्‍थ पीनस्‍कु।