प्रेरित 15:36 - Sunuwar Bible

³⁶ मिनु काबु पावलमी बारनाबास कली “ङोंइती ते ते प्रभु आ लोव़ शेंथ हिरससा, मेक मेक ङा थमा सुइक्‍बपुकी दो पामे, मार पामे, कोव़थ लस” देंमाक्‍त।

प्रेरित 15:36 ပူးပေါင်းရင်းမြစ်များ

एस्‍तर 2:11

एस्‍तर कली दोदेंशो बाक्‍मे? मार पवा, दे तुइक्‍चा कली मोरदेकै नाक्‍त किंत किंत मेको मीश आल बाक्‍तीक खिं आ लाङगा रे एर ओंथ गाक्‍तीक पाइबाक्‍त।

प्रस्‍थान 4:18

मिनु मोसा आ शिउ, यित्रो आ खिं लशा, मेको कली “इजीप्‍त रागीम बाक्‍शो आं लोक्‍ब आन कली ग्रुम्‍थ लचा गेयीनी। बेक्‍मा कों, ब्रोंइमा, गो तुइक्‍चा दाक्‍ती” दे पुंइतु। मिनु यित्रोमी “इ थुं नाइश्‍शा, लावो” देंत। प्रस्‍थान ३:१

येरमीया 23:2

मोपतीके परमप्रभु यावे, इस्राएली आन परमप्रभुमी आ मुर आन कली योव़ब गोठला आन पर्बम “गेपुकीम आं बगाल आन कली फ्राइतीनी। मिनु मेको आन कली खेरतीनी। मेको आन कली मकोव़नी। मोपतीके गो इन मरिम्‍शो पशो आ पर्बम कोव़नुङ। इन कली सजाइ गेनुङ” दे परमप्रभु यावेमी देंत।

मत्ती 25:36

फेक्‍चा मतङानु, फेक्‍चा गेतीनी। रोइ पङानु, कोव़तीनी। जेल्‍खानमी चोक्‍शा वोइय्‍यीमीनु, ग्रुम्‍थ जाक्‍तीनी’ देंब।

मत्ती 25:43

इन मतुइश्‍शो मुर इन खिंमी जाक्‍ङानु, बाक्‍चा मगेयीनी। फेक्‍चा मतङानु, फेक्‍चा मगेयीनी। रोइ पङानु, जेल्‍खानमी चोक्‍शा वोइय्‍यीमीनु, ग्रुम्‍थ मजाक्‍नी’ देंब।

प्रेरित 13:12

मिनु हुकुम पाइबमी चटक कोंइब कली मिक्‍च मताइब दुम्‍शो तशा छक लाक्‍माक्‍त। मिनु “मेको आस लोव़ प्रभु आ सक्ति पाइश्‍शो लोव़ बाक्‍माक्‍त” दे रुप्‍शा, प्रभु कली थमा सुइक्‍ब दुम्‍माक्‍त।

प्रेरित 13:4

मिनु मेको निक्‍शी परमप्रभु यावे आ सोक्‍तीमी योव़शा सोइक्‍तीके एन्‍टीओक सहर रे ब्रुप्‍शा, सिलुसीया सहरमी जाक्‍दीस्‍सा बाक्‍त। मेकेर जहाज ङोइश्‍शा समुन्‍द्र शोक्‍शा, साइप्रस टापु जाक्‍दीस्‍सा बाक्‍त।

प्रेरित 13:51

मेको निक्‍शी चहिं आस खोइल ङा फुरकु थुर थुर पा ताइश्‍शा, गाक्‍शा आइकोनीयम सहरमी जाक्‍दीस्‍सा बाक्‍त। प्रेरित १६:८; मत्ती १०:१४

प्रेरित 14:1

पावल नु बारनाबास आइकोनीयम सहरमी जाक्‍दीश्‍शा, यहूदी आन ग्रुम्‍तीक खिं लशा, मेकेर खुम्‍सीशा बाक्‍शो आन कली ख्रीस्‍त आ लोव़ शेंना शेंन बाक्‍सा बाक्‍त। मिनु ख्रीस्‍त आ लोव़ नेंशा, यहूदी नु ग्रीक शुशेमी थमा सुदमे बाक्‍त।

प्रेरित 14:21

मिनु डेरबे सहरमी शुश मुर आन कली येसु आ ग्‍येरपाइक्‍ब लोव़ शेंशा रुप्‍पदसेनु, शुश मुरुमी थमा सुदमे बाक्‍त। मिनु मेकेर रे लशा लेंशा लिस्‍त्रा, आइकोनीयम नु पिसीदीया ङा एन्‍टीओकमी जाक्‍दीस्‍सा बाक्‍त।

प्रेरित 14:6

मिनु पावल नु बारनाबासमी मेको आन मो पशो तुइश्‍शा, सहर रे प्रोक्‍शा, लाइकाओनीया रागी ङा लिस्‍त्रा नु डेरबे सहर लसा बाक्‍त।

प्रेरित 7:23

मिनु मोसा ४० बर्स दुम्‍मेनु, आ लोक्‍ब इस्राएली आन कली ग्रुम्‍चा थुं पवा बाक्‍त।

रोमी 1:11

मारदे हना इन थमा सुइक्‍तीक थुं बारपा बोल्‍यो सेलु, दे इन कली ग्रुम ग्रुम दाक्‍ती। रोमी १५:२९

२ कोरिन्‍थी 11:28

मोदेंशो श्‍येत आं रांमी जशो ला ममाइ। आं थुं यो मनाइक्‍स। मारदे हना थमा सुइक्‍ब आन कली दोपा मार पा रिम्‍शो सेलुमी, दे मिम्‍स ङा मिम्‍स बाक्‍ती। प्रेरित २०:१८-२१,३१

फिलिप्‍पी 1:27

गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।

१ थिस्‍सलोनिकी 3:6

मिनु तिमोथी इन कली ग्रुम्‍थ पिशा, लेश्‍शा जाक्‍त। मेकोमी इन थमा सुइक्‍तीके नु इन दाक्‍तीके रिम्‍शो बाक्‍ब। गेपुकी आंइ कली गेना हना यो शुश मिम्‍नीनी, गोपुकी खोदेंशो पा आंइ कली ग्रुम्‍चा दाक्‍नीनी, दे तिमोथीमी आंस कली देंत। प्रेरित १८:५

२ तिमोथी 1:4

गो इ ङाक्‍शो मिम्‍शा, नाक्‍दो नाक्‍ती इ कली ग्रुम्‍चा दे मिम्‍नुङ। मेकोमी आं कली ग्‍येरपाइक्‍ब। २तिमोथी ४:९