प्रेरित 15:29 - Sunuwar Bible

²⁹ मेको लोव़ मार बाक्‍ब देंशा हना ‘मूर्ति कली चढ़ेशो मजचा, हुश मब्‍वचा, हुश मचुइक्‍थु साइश्‍शो श्‍ये मब्‍वचा, तेल्‍लेम मपचा’ एको लोव़ टीतीनी हना, गे रिम्‍शो दुम्‍नीनी। आंइ लोव़ ओशोन बाक्‍ब” दे ब्रेक्‍शो बाक्‍माक्‍त।

प्रेरित 15:29 ပူးပေါင်းရင်းမြစ်များ

उत्पत्ती 9:4

क्‍योरशा हुश मचुइक्‍थु चहिं मब्‍वने। मारदे हना हुशेमी ब्रोंइतीक सोक्‍त बाक्‍ब।

लेवी 17:14

मारदे हना मारेइ मारेइ के ब्रोंइतीक सोक्‍त हुशेमी बाक्‍ब। मोपतीके गो इस्राएली नेल्‍ल आन कली ‘गे तेकोइ जन्‍तु, बस्‍तु भाव आन हुश ब्‍वचा मदुम्‍ब। मारदे हना नेल्‍ल जन्‍तु आन ब्रोंइतीके हुशेम बाक्‍ब। मेको सुमी ब्‍वाइबा, मेको क्‍याम्‍चा पुंइसीब। उत्‍पत्ती ९:४

लूका 9:61

अर्को मुरुमी “प्रभु, गो इन नोले खोइक्‍चा दुम्‍ती, तन्‍न ङोंइती आं खिं ङा मुर आन कली तुइक्‍पाइक्‍थ लचा गेयीनी” देंमेनु, १राजा १९:२०

प्रेरित 15:20

मेको आन कली ‘मूर्ति कली चढ़ेशो मजचा, तेल्‍लेम मपचा, हुश मचुइक्‍थु साइश्‍शो श्‍ये मब्‍वचा, हुश मब्‍वचा’ दे चिठी ब्रेक्‍शो बाक्‍त। लेवी १९:४; लेवी १९:२९; लेवी ३:१७

प्रेरित 18:21

परमप्रभु यावेमी लेश्‍शा सोइक्‍ताक्‍यी हना, लेश्‍शा जाक्‍शा शेंनन्‍नी” दे एफिसस रे लशा जहाज ङोंइसे बाक्‍त। याकूब ४:१५

प्रेरित 21:25

अर्को रागी ङा ख्रीस्‍त कली थमा सुइक्‍ब कली चहिं दोदेंशो शेंचा, दे ङोंइती कना ब्रेक्‍शा सोइक्‍ने थुम्‍तक। मेको आन कली ‘मूर्ति कली चढ़ेशो मजचा, हुश मब्‍वचा, हुश मचुइक्‍थु साइश्‍शो श्‍ये मब्‍वचा, तेल्‍लेम मपचा’ दे नेंपाइक्‍ने थुम्‍तक” दे माइक्‍तेक्‍म। प्रेरित १५:२१,२९

प्रेरित 23:30

मिनु यहूदीपुकीमी ‘मेको कली साइक्‍चा, दे गारशो बाक्‍नीम’ देंशो नेंशा, हजुर, इन बाक्‍तीक सोइक्‍ताक्‍ङ। एको कली दोस गेब आन कली ‘सिजरिया ङा हुकुम पाइब आ बाक्‍तीक लने’ दे माइक्‍नुङमी” दे ब्रेक्‍ता बाक्‍त।

२ कोरिन्‍थी 11:9

गेपुकी नु बाक्‍शा शेंदन्‍नीनु, मासीडोनीया रागी रे जाक्‍शो थमा सुइक्‍ब लोक्‍बपुकीमी आं कली माल्‍शो थोव़क गेशा, वारच पाइक्‍तीमी। मोपा आन पशोमी गेपुकीमी मोशा शेंसीचा ताइतीनी। मुल यो मारेइ ताक्‍चा ममाल्‍ङल, दे मिम्‍ताक्‍ङ।

२ कोरिन्‍थी 13:11

आं लोक्‍बपुकी, मुल रिम्‍शो बाक्‍कीन। रिम्‍शो पने। आं लोव़ नेंशा टीब दुमीने। इन दातेमी गारमुने। थुं नाइश्‍शा बाक्‍कीने। दाक्‍तीक नु थुं नाइक्‍तीक गेब परमप्रभु यावे गेपुकी नु बाक्‍ल। फिलिप्‍पी ४:४; रोमी १५:३३

ब्‍यवस्‍था 12:16

तन्‍न हुश चहिं मब्‍वने। मेको ब्‍वाक्‍कु खोदेंशो पा खपीम ताइक्‍तीन। लेवी ३:१७; लेवी १७:११

१ तिमोथी 5:22

मुर आन कली ब्रो थिशा, आन तार गुइ वोइश्‍शा, प्रार्थना मपावो। मुर आन मरिम्‍शो पतीकेमी मगरो। मरिम्‍शो रे ङोन बाक्‍को। १तिमोथी ४:१४

याकूब 1:27

मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।

१ यूहन्‍ना 5:21

मोपतीके “आं आइक्‍च आलपुकी, मूर्ति रे ङोन बाक्‍कीन” दे इन कली ब्रेक्‍शा अरेतन्‍नी। १कोरिन्‍थी १०:१४

यहूदा 1:24

येसु ख्रीस्‍तमी इन कली पाप मपाइब सेल्‍ने चाप्‍ब। इन कली दोस मताइब सेल्‍शा, ग्‍येरसीशा, परमप्रभु यावे आ छेङछेङ आ ङोंइती राप्‍पाइक्‍ने चाप्‍ब। १थिस्‍सलोनिकी ५:२३

प्रकाश 2:14

तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशो हना, गे का निक्‍शीमी मरिम्‍शो गेय पाइतीनी। इन ग्रुम्‍तीके ङा का निक्‍शीमी बालाम माइश्‍शो मुर आ शेंशो थमा सुइक्‍नीमी। बालाममी मार शेंताक्‍व देंशा हना, ङोंइती बालाक माइश्‍शो पिप कली इस्राएल जात ङा वोंइश मुर आन कली खतम सेल्‍तु। दोपा खतम सेल्‍तु देंशा हना, चढ़ेशो थोव़क ब्‍वपाइक्‍तु। मिनु तेल्‍लेम पपाइक्‍तु। गन्‍ती ३१:१६; २पत्रुस २:१५; यहूदा :११

प्रकाश 2:20

तन्‍न इन कली लोव़ का पचा माल्‍नुङ। मार लोव़ पचा माल्‍नुङ देंशा हना, गे इजेबेल माइश्‍शो मीश मुर कली इन ग्रुम्‍तीकेमी बाक्‍चा गेतीनी। इजेबेलमी ‘गो परमप्रभु यावेमी तुइक्‍पाइश्‍शो लोव़ पाइब नङ’ देंखु पा, आं गेय पाइब आन कली मरिम्‍शो पचा शेंताक्‍मी। मार मरिम्‍शो पचा शेंताक्‍मी देंशा हना, तेल्‍लेम पचा नु मूर्ति कली चढ़ेशो थोव़क जचा ब्‍वचा दुम्‍ब, दे शेंताक्‍मी। २राजा ९:२२