प्रेरित 15:10 - Sunuwar Bible

¹⁰ परमप्रभु यावेमी मेको आन कली रिम्‍शो सेल्‍तु, दे तुइश्‍शा, इं किकी पिपीमी लाइ यो कुरने मचाप्‍चा ङा भारी मेको आन कली कुरपाइक्‍चा दुम्‍बा ङा? परमप्रभु क्‍येङा लाक्‍शा जोक्‍ब तुइक्‍ब दुम्‍चा शिरबा ङा? मत्ती २३:४; गलाती ५:१

प्रेरित 15:10 ပူးပေါင်းရင်းမြစ်များ

प्रस्‍थान 17:2

मोपतीके “मोसामी आंइ कली मरिम्‍शो लां कोंइब” दे गाइश्‍शा, मोसा कली “आंइ कली तूचा ब्‍वाक्‍कु गेकी” दे जिचा पोक्‍तेक्‍म। मिनु मोसामी मेको आन कली “गे आं कली मारदे जिचा तोइनीनी? मारदे परमप्रभु यावे सक्ति पाइश्‍शो बाक्‍ब, दे थमा मसुइक्‍नीनी?” देंत। ब्‍यवस्‍था ६:१६

यसैया 7:12

तन्‍न आहाजमी “गो मपुंइनुङ। परमप्रभु यावे आ थुं मथाम्‍नुङ” दें‍त।

मत्ती 23:4

हेल्‍शो भारी सेल्‍शा, मुर आन कली कुरपाइक्‍नीम। मेकोपुकीम चहिं ब्रेप्‍चो कामी यो नेप्‍शा मगेनीम। मत्ती ११:२८-३०; प्रेरित १५:१०,२८

मत्ती 4:7

मिनु येसुमी “परमप्रभु यावेमी ब्रेक्‍पाइश्‍शो लोव़मी ‘परमप्रभु यावे कली थुं मथाम्‍चा’ दे यो ब्रेक्‍शो” देंमाक्‍त। ब्‍‍यवस्‍था ६:१६

प्रेरित 5:9

मिनु पत्रुसमी “गे निक्‍शी गारशा, मोदेंशो पा परमप्रभु यावे आ सोक्‍त कली जोल पचा दुम्‍बा? इ वोंइश कली थिम्‍थ लाइबपुकी लेश्‍शा जाक्‍चाम्‍तेक्‍म। इच्‍ची ना इ कली यो लाइश्‍शा थिम्‍नीम” देंमेनु, मीश मुर यो दिङ गोल्‍शा बेक्‍माक्‍त।

गलाती 4:9

मुल चहिं परमप्रभु यावे कली तुइक्‍ताक्‍नी। मिनु परमप्रभु यावेमी यो इन कली तुइक्‍ताक्‍व। मिनु मुल लेंशा ङोंइती पशो खोदेंशो पचा दाक्‍नीनी?

गलाती 5:1

ख्रीस्‍तमी रिती थिती पतीके लां खोइक्‍चा प्रोंइपा, थमा सुइक्‍तीके लां कोंइशा, इं थुं हिरताक्‍व। मोपतीके जवा लाप्‍शो खोदेंशो पा लेंशा रिती थिती पा वाइलीम वाइल मदुमीने। गलाती ४:५; प्रेरित १५:१०

हिब्रू 3:9

इन किकी पिपीम ४० बर्स सम्‍म आं ठेयब गेय तशा यो, आं थुं थाम्‍ना थाम्‍न बाक्‍तेक्‍म।

हिब्रू 9:9

मेको मुल कली कोंइतीक का बाक्‍ब। मेकोमी मार कोंइब देंशा हना, भेटी नु चोशा चढ़ेशोमी मुर आन कली पाको सेल्‍ने मचाप्‍ब। हिब्रू ७:१९; हिब्रू १०:१-२