प्रेरित 14:9 - Sunuwar Bible

⁹ काबु मेको खोइल मदुक्‍ब मुरुमी पावल आ शेंशो लोव़ थाम्‍पा नोफा दाइश्‍शा नेंना बाक्‍त। मिनु पावलमी मोपा नोफा दाइश्‍शा नेंशो तशा, मेकोमी साबाक्‍ती, दे थमा सुदा बाक्‍त, दे तुइश्‍शा, मत्ती ९:२८

प्रेरित 14:9 ပူးပေါင်းရင်းမြစ်များ

मत्ती 13:58

मेकेर छक लाक्‍चा ङा गेय का निक्‍शी ला पाप्‍तु। मारदे हना मेकोपुकीमी थमा मसुदेम।

मत्ती 15:28

मिनु येसुमी “ओहो, मेकोमी थमा पा थमा सुइय्‍यी बाक्‍त। मोपतीके इ पुंइशो जाक्‍दील” दे माइक्‍तु। मो देंमेनु, आ तमी ब्रा सामाक्‍त। मत्ती ८:११-१३

मत्ती 8:10

येसुमी मोदेंशो नेंशा, आ नोले खोइक्‍ब आन कली “ओहो, नोफा दाइश्‍शा नेनीने, एको कप्‍तान खोदेंशो थमा सुइक्‍ब इं इस्राएल जात ङा मुर सुइ मतङमी। मर्कूस ६:६; लूका १८:३

मत्ती 9:22

मिनु येसुमी फिर लेश्‍शा कोव़शा, मेको मीश मुर कली तशा “आं तमी, इ थुं बारपतो। इ थमा सुइश्‍शोमी साते” दे माइक्‍तु। मो देंमेनु, आ रोइ ब्रा सामाक्‍त।

मर्कूस 10:52

मिनु येसुमी “साशा लावो। इ थमा सुइश्‍शोमी साते” दे मदानु, ब्रा साशा मिक्‍च ताइब दुम्‍शा, येसु आ नोले खोदा बाक्‍त।

मर्कूस 2:5

मिनु येसुमी मेको आन कली मो पशो तशा, थमा सुइय्‍‍यीमी बाक्‍त, दे तुइक्‍ता बाक्‍त। मिनु गुइ खोइली मदुक्‍ब कली “आं तौ, इ पाप क्‍याम्‍साक्‍व” देंमाक्‍त।

मर्कूस 8:25

मिनु लेंशा आ गुइ आ मिक्‍च तारी वोदा बाक्‍त। मिनु मेकोमी कोव़स ङा कोव़स पा तवा बाक्‍त।

प्रेरित 10:4

कोरनेलीयसमी हिंशा, कोव़स ङा कोव़स पा “मार देंनी, प्रभु” देंमेनु “इ प्रार्थना पशो, प्रभु कली मान पा टिशो, इ शिशी पा वारच पशो नेल्‍ल परमप्रभु यावेमी तुइश्‍शो बाक्‍ब।

प्रेरित 3:4

मिनु पत्रुस नु यूहन्‍नामी पुंइब कली कोव़शा, पत्रुसमी “ओंथ कोव़स्‍की” देंमाक्‍त।