प्रेरित 14:4 - Sunuwar Bible

⁴ आस लोव़ नेंशा, चिन्‍ड नु छक लाक्‍चा ङा गेय पशो तशा, सहर ङा मुरपुकी ब्राशा, का निक्‍शी थमा मसुइक्‍ब यहूदीपुकी नु गारमा बाक्‍त, का निक्‍शी ख्रीस्‍त आ सोइश्‍शो नु गारमा बाक्‍त।

प्रेरित 14:4 ပူးပေါင်းရင်းမြစ်များ

मीका 7:6

मारदे हना तौमी आ आफ कली मरिम्‍शो पाइब। तमी आ ममा आ पर्बम दूली पाइब दुम्‍ब। चाइमीम आ शिमी आ पर्बम मरिम्‍शो पाइब। आंम खिं ङा मुर इन जोरी सत्रु दुम्‍नीम। मत्ती १०:३५-३६

लूका 2:34

मिनु सिमियोनम मेको आस कली आसीक गेशा, मरीयम कली “एको आल इस्राएली आन दातेमी लां कोंइशा मुर आन कली फ्राब। का निक्‍शी खतम दुम्‍नीम, का निक्‍शी रिम्‍शो दुम्‍नीम। मिनु शुश मुरुमी एको कली मदाक्‍नीम। लूका २०:१७-१८; प्रेरित २८:२२; १कोरिन्‍थी १:२३

यूहन्‍ना 7:43

मोदुम्‍तीके मुरपुकी येसु आ पर्बम ब्रातेक्‍म। यूहन्‍ना ९:१६

प्रेरित 13:2

मिनु काबु थमा सुइक्‍बपुकी खुम्‍सीशा माइजा बाक्‍शा, प्रार्थना पना पन प्रभु कली ठेयब सेल्‍ना सेल्‍न बाक्‍मानु, परमप्रभु यावे आ सोक्‍तीमी “बारनाबास नु सावल आस कली आं गेय पथ योव़तासी। मोपतीके मेको आस कली आं गेय पचा कली सोइक्‍तीने” दे तुइक्‍पाइक्‍मी बाक्‍त। प्रेरित ९:१५

प्रेरित 13:45

मोपा शुश मुर देल्‍शो तशा, यहूदी आन थुं चोव़मे बाक्‍त। मिनु पावलमी लोव़ शेंदानु, मेकोपुकीमी आ लोव़ ख्रोइश्‍शा, जिचा पोक्‍ग्‍मे बाक्‍त।

प्रेरित 13:50

ख्रीस्‍त कली थमा मसुइक्‍ब यहूदीपुकीमी यहूदी धर्म मानेब ठेयब मीश मुर नु सहर ङा सरकार ङा ठेयब मुर आन कली पोक्‍शा, पावल नु बारनाबास आस कली मेको रागी रे ग्रुंइदमे बाक्‍त।

प्रेरित 14:14

मिनु बारनाबास नु पावलमी मेकोपुकीमी गो इंस कली देवता मानेशा हुश जारशा चढ़ेचशो बाक्‍नीमी, दे तुइश्‍शा, आस वा खाक्‍शा दोरशा लशा, मुर आन दातेमी जाक्‍दीस्‍सा बाक्‍त।

प्रेरित 14:19

मिनु नोले एन्‍टीओक नु आइकोनीयम सहर रे थमा मसुइक्‍ब यहूदीपुकी जाक्‍मा बाक्‍त। मेकोपुकीमी सहर ङा मुर आन कली पोक्‍शा, पावल कली साइक्‍चा कली फुल्‍लु क्रोम्‍पदमे बाक्‍त। मिनु बेक्‍त, दे आ रां लाइश्‍शा, सहर रे ग्रुंइशा ताइक्‍तमे बाक्‍त। २कोरिन्‍थी ११:२५; २तिमोथी ३:११

प्रेरित 14:2

मिनु थमा मसुइक्‍ब यहूदीपुकीमी अर्को रागी ङा मुर आन कली पोक्‍शा “मेको आस शेंशो लोव़ मनेंचा” दे आन थुं हिरपा मरिम्‍शो पचा गोव़मे बाक्‍त।

प्रेरित 14:5

मिनु अर्को रागी ङा मुर, यहूदी नु आन हुकुम पाइब गारशा “शेंब आस कली फुल्‍लु आप्‍शा मसाइक्‍थु मप्रोंइचा नसी” दे साइक्‍चा माल्‍मे बाक्‍त। २तिमोथी ३:११

प्रेरित 19:9

मिनु आ लोव़ नेंबपुकीमी थमा मसुइक्‍थु, नक लां आ पर्बम ग्रुम्‍तीक खिंमी शुक्‍शी लोव़ पतीके मेको मेकेर शेंचा प्रोना बाक्‍त। मिनु शेंसीचा दाक्‍ब आन कली चहिं काथा लाइश्‍शा, टिरान्‍नस आ इस्‍कुलमी नेंचा दाक्‍ब आन कली खुप्‍शा, नाक्‍त किंत किंत शेंना शेंन बाक्‍माक्‍त।

प्रेरित 28:24

आ लोव़ नेंबपुकी का निक्‍शीमी आ देंशो थमा बाक्‍त, दे थमा सुइक्‍तेक्‍म। का निक्‍शीमी चहिं थमा मसुदेम।

१ कोरिन्‍थी 9:5

केफास, प्रभु आ लोक्‍ब नु सोइश्‍शो नेल्‍लेमी शेंना शेंन गाक्‍मानु, आन मीश काथा लाइश्‍शा गाक्‍तेक्‍म। मिनु गोपुकी मेको आन बुद पा आंइ मीश लाइश्‍शा गाक्‍चा मताइनीकी ङा?

१ थिस्‍सलोनिकी 2:14

आंइ लोक्‍बपुकी, गे यहूदीया ङा परमप्रभु यावे आ ग्रुम्‍तीक ङा ख्रीस्‍त येसुमी बाक्‍ब थमा सुइक्‍ब खोदेंशो दुम्‍तीनी। मारदे हना यहूदीया ङा मुरपुकीमी आंम रागी ङा थमा सुइक्‍ब आन कली श्‍येत गेशो खोदेंशो पा, इन रागी ङा मुरपुकीमी यो इन कली श्‍येत गेम्‍तेक्‍म। प्रेरित ८:१; प्रेरित १७:५-६