प्रेरित 14:3 - Sunuwar Bible

³ मो दुम्‍शा यो पावल नु बारनाबास शुश नाक्‍त सम्‍म मेकेर शेंना शेंन बाक्‍सा बाक्‍त। ठेयब थुं पा सुइ आन कली तशा महिंथु, ख्रीस्‍त आ लोव़ शेंदसेनु, प्रभुमी चिन्‍ड नु छक लाक्‍चा ङा गेय पचा कली सक्ति गेशा, आस शेंशो लोव़ थमा सेला बाक्‍त। प्रेरित १९:११; हिब्रू २:४

प्रेरित 14:3 ပူးပေါင်းရင်းမြစ်များ

मर्कूस 16:20

मिनु येसु कली थमा सुइक्‍बपुकी लशा, ग्‍येरपाइक्‍ब लोव़ तेइ तेइ नेंपाइक्‍ना पाइक्‍न गाक्‍‍मा बाक्‍त। प्रभु यो मेकोपुकी नु काथा बाक्‍शा, चिन्‍ड कोंइना कोंइन मेको आन लोव़ थमा बाक्‍ब दें‍बाक्‍माक्‍त। प्रेरित १४:३; हिब्रू २:४

यूहन्‍ना 4:48

मिनु येसुमी “गे चिन्‍ड नु छक लाक्‍चा ङा गेय मताइतीनी हना, आं कली थमा मसुइक्‍नीनी” देंत। यूहन्‍ना २:१८; १कोरिन्‍थी १:२२

प्रेरित 13:46

मिनु पावल नु बारनाबासमी यो महिंथु ठेयब थुं पा “अरु आन क्‍येङा ङोंइती इन कली परमप्रभु यावे आ लोव़ नेंपाइक्‍चा माल्‍शो। गेपुकीमी चहिं मनेंनीनी, नोफा मदाइक्‍नीनी, थमा मसुइक्‍नीनी। इन मोदेंशो पशोमी गेना हना यो ब्रोंइशा बाक्‍चा मताइनीनी। जाम्‍शा लाइनीकी, दे तुइक्‍तीने। मुल ङा मेरे इन कली शेंचा प्रोंइशा, अर्को रागी ङा मुर आन कली शेंथ गाक्‍नस्‍कु। प्रेरित ३:२५-२६; मत्ती १०:५-६

प्रेरित 2:22

मोपतीके इस्राएल ङा लोक्‍बपुकी, आं लोव़ नेनीने। परमप्रभुमी नासरथ ङा येसु कली योव़शा, सक्ति पाइश्‍शो गेय, चिन्‍ड नु छक लाक्‍चा ङा गेय इन दातेमी कोंइपाइक्‍तु। मेको गे यो तशो तुइश्‍शो बाक्‍नीनी।

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

प्रेरित 20:32

मुल गो इन कली परमप्रभु यावे आ गुइमी जिम्‍मा गेनुङ। प्रभुमी इन कली शिशी पा आ लोव़ नेल्‍ल रुप्‍चा गेशा, इन थुं बारना बारन लपाइश्‍शा, आ मुर नेल्‍ल आन कली गेतीक आसीक गेब, दे तुइक्‍नुङ।

प्रेरित 4:31

मोदेंशो प्रार्थना पने थुम्‍मे चोटीन ख्रिनु कुशो खोदेंशो पा आन बुक्‍शा बाक्‍तीके एर ओंथ नेल्‍ल हिम्‍से बाक्‍त। मिनु नेल्‍ले परमप्रभु यावे आ सोक्‍तीम प्रिंचा पुंइसमा बाक्‍त। मिनु महिंथु ठेयब थुं पा परमप्रभु आ लोव़ शेंना शेंन गाक्‍बाक्‍मा बाक्‍त।

प्रेरित 5:32

मेको नेल्‍ल आंइ मिक्‍चीमी ताइतक। आ देंशो टीब आन कली परमप्रभु यावेमी आ सोक्‍त गेब। मिनु परमप्रभु यावे आ सोक्‍तीमी ‘मेको लोव़ नेल्‍ल थमा बाक्‍ब’ दे तुइक्‍पाइक्‍ब, दे तुइक्‍तीने” देंमा बाक्‍त। लूका २४:४८; यूहन्‍ना १५:२६-२७

रोमी 1:16

ग्‍येरपाइक्‍तीक लोव़ शेंना शेंन गाक्‍ङानु, मुने मपथु, शेंनुङ। मारदे हना मेको लोव़मी परमप्रभु यावे पाप रे प्रोंइतीक सक्ति बाक्‍ब। मेको लोव़ ङोंइती यहूदी आन कली तुइक्‍पाइश्‍शो बाक्‍माक्‍त। नोले ग्रीक आन कली यो तुइक्‍पाइश्‍शो बाक्‍माक्‍त। भजन संग्रह ११९:४६; २तिमोथी १:८; १कोरिन्‍थी १:१८,२४

१ थिस्‍सलोनिकी 2:2

गोपुकी ङोंइती फिलिप्‍पी सहरमी श्‍येत जशा, मुरपुकीमी आंइ कली शुक्‍शी पाम्‍तेक्‍म, दे तुइक्‍नीनी। शुश शुक्‍शी पाम्‍तेक्‍म हना यो, परमप्रभु यावेमी आंइ कली वारच पाइब, दे थमा सुइश्‍शा, परमप्रभु यावे आ ग्‍येरपाइक्‍ब लोव़ इन कली शेंताक्‍क। प्रेरित १६:२०-२४; प्रेरित १७:१-५

हिब्रू 2:4

परमप्रभु यावेमी पपाइश्‍शो चिन्‍ड नु छक लाक्‍चा ङा गेय, सक्ति पाइश्‍शो शुश गेय नु परमप्रबु यावेमी आ दाक्‍शो पा योव़शा आ सोक्‍तीमी मुर आन कली पपाइश्‍शो गेय, मेको सांफा सांकछी बाक्‍नीम। मर्कूस १६:२०; २कोरिन्‍थी १२:१२; १कोरिन्‍थी १२:४-११; प्रेरित २:१-१३; प्रेरित १०:४४-४५