प्रेरित 14:19 - Sunuwar Bible19 मिनु नोले एन्टीओक नु आइकोनीयम सहर रे थमा मसुइक्ब यहूदीपुकी जाक्मा बाक्त। मेकोपुकीमी सहर ङा मुर आन कली पोक्शा, पावल कली साइक्चा कली फुल्लु क्रोम्पदमे बाक्त। मिनु बेक्त, दे आ रां लाइश्शा, सहर रे ग्रुंइशा ताइक्तमे बाक्त। २कोरिन्थी ११:२५; २तिमोथी ३:११ အခန်းကိုကြည့်ပါ။ |
प्रेरित 14:19
26 ပူးပေါင်းရင်းမြစ်များ
अत्तालीया सहरमी जहाज ङोइश्शा, समुन्द्र शोक्शा, एन्टीओक सहरम जाक्दीस्सा बाक्त। ङोंइती एन्टीओकम बाक्सानु, परमप्रभु यावेमी मेको आस कली ख्रीस्त आ लोव़ शेंथ योव़शो बाक्माक्त। मिनु थमा सुइक्बपुकीमी मेको आस कली प्रभु कली जिम्मा गेशा, शेंथ सोइश्शो बाक्मा बाक्त। मिनु मुल शेंने थुम्शा लेश्शा जाक्सा बाक्त। प्रेरित १३:१-२
मार, मेको ख्रीस्त आ गेय पाइब नमी? गो यो ख्रीस्त आ गेय पाइब नङ। गो मेको आन क्येङा रिम्शो गेय पाइब नङ। गो गशो मुरुम खोदेंशो लोव़ पाइनुङ। गो मेको आन क्येङा शुश गेय पाता। मेको आन क्येङा शुश चोक्चा पुंइसाक्यी। मेको आन क्येङा तुप्चा पुंइसाक्यी। हेर हेरा साइक्चा पुंइसाक्यी। १कोरिन्थी १५:१०; २कोरिन्थी ६:४-५
रागी रागी हिरशा गाक्ङानु, खोला शोक्सीङानु, हेर हेरा योल्ताक्यी। लांम बाप्शा बाक्ब खुइपुकीमी हेर हेरा साइक्तीमी। आंम यहूदीपुकीमी यो शुश श्येत गेतीमी। अर्को रागी ङा मुरपुकीमी यो हेर हेरा साइक्तीमी। सहर, गोरशो रागी, समुन्द्र ते ते हिरशा गाक्ङा, मेक मेक हिंना हिंन गाक्चा माल्ताक्यी। आं लोक्ब दुम्खु पा, थमा सुइक्ब नकी देंब नु गाक्ङानु, मेकोपुकीमी यो शुश श्येत गेतीमी।
ကြော်ငြာတွေ