प्रेरित 13:7 - Sunuwar Bible

⁷ मेको चटक कोंइब सेरगीयस-पावल नें पाइश्‍शो हुकुम पाइब आ खिंमी बाक्‍बाक्‍माक्‍त। मेको हुकुम पाइब जोक्‍ब तुइक्‍ब मुर बाक्‍माक्‍त। मिनु काबु बारनाबास नु सावल आस कली ब्रेश्‍शा “परमप्रभु यावे आ लोव़ गो यो नेंनुङ” दे माइक्‍सी बाक्‍त।

प्रेरित 13:7 ပူးပေါင်းရင်းမြစ်များ

हितोपदेस 14:15

मारेइ मजोक्‍ब मुरुमी मारेइ मारेइ लोव़ थमा सुइक्‍ब। तन्‍न निप्‍स पाइश्‍शो मुरुमी आन पशो नेल्‍ल मिम्‍नीम।

हितोपदेस 14:18

मारेइ मजोक्‍ब मूर्खे गेयम ग्‍योम्‍सीशो बाक्‍नीम। तन्‍न निप्‍स पाइश्‍शो मुर जोक्‍तीके सिरपेच गुप्‍शो खोदेंशो बाक्‍‍नीम।

हितोपदेस 14:8

निप्‍स पाइश्‍शो मुर आन तुइक्‍‍तीकेमी तेको लां गाक्‍चा माल्‍नीमी तुइक्‍नीम। तन्‍न मूर्ख आन मूर्ख पतीकेमी हेंथे लां कोंइब।

हितोपदेस 18:15

निप्‍स पाइश्‍शो मुर आ जोक्‍तीके बारना बारन लाइब। जोक्‍ब तुइक्‍ब मुरुमी मेको क्‍येङा जोक्‍चा कली नोफा दाइक्‍ब।

होसे 14:9

सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।

प्रेरित 13:12

मिनु हुकुम पाइबमी चटक कोंइब कली मिक्‍च मताइब दुम्‍शो तशा छक लाक्‍माक्‍त। मिनु “मेको आस लोव़ प्रभु आ सक्ति पाइश्‍शो लोव़ बाक्‍माक्‍त” दे रुप्‍शा, प्रभु कली थमा सुइक्‍ब दुम्‍माक्‍त।

प्रेरित 13:8

मेको चटक कोंइब बार-येसु कली ग्रीक लोव़मी एलुमास यो देंबाक्‍मा बाक्‍त। मिनु मेकोमी हुकुम पाइब कली बारनाबास नु सावल आस शेंशो लोव़ थमा सुइक्‍चशो तशा “मेको आस शेंशो थमा मसुतीन” दे हुकुम पाइब आ थुं हिरपाइक्‍चा मला बाक्‍त।

प्रेरित 18:12

आकाया रागीमी गाल्‍लीयो माइश्‍शो हुकुम पाइब बाक्‍मेनु, यहूदीपुकी खुम्‍सीशा, पावल कली ग्‍याइश्‍शा, हुकुम पाइब आ ङोंइती चाक्‍दीत्‍मे बाक्‍त।

प्रेरित 19:38

देमेत्रीयस नु आ वारचपुकीमी सुइ कली मुददा पचा थुं पाम्‍तेक्‍म हना, निसाफ पाइब आ ङोंइती लशा, उजुर पचा माल्‍शो। निसाफ पाइब आ ङोंइती चाक्‍शा, दोस ग्रुंइचा माल्‍शो।

१ थिस्‍सलोनिकी 5:21

तन्‍न परमप्रभु यावे आ लोव़ नु गारबा देय मगारबा, दे नाक्‍शा कोव़ङीन। गारत हना, मप्रेंदीने।