प्रेरित 13:6 - Sunuwar Bible

⁶ मिनु साइप्रस टापु नेल्‍ल हिरशा, गाक्‍मा गाक्‍मा पाफोस सहरमी जाक्‍दीम्‍मा बाक्‍त। मेकेर जाक्‍दीश्‍शा बाक्‍मानु, बार-येसु माइश्‍शो चटक कोंइब, यहूदी मुर का ग्रुम्‍मे बाक्‍त। मेको “परमप्रभु यावे आ लोव़ पाइब नङ” देंखु पा गाक्‍बाक्‍माक्‍त।

प्रेरित 13:6 ပူးပေါင်းရင်းမြစ်များ

१ राजा 22:22

मिनु परमप्रभु यावेमी मेको कली ‘दोपा?’ दे हिल्‍लो पाप्‍तु। मिनु मेकोमी ‘गो लशा मेको आ नोले दुम्‍ब लोव़ पाइब नेल्‍ल आन शोव़मी जोल पाइब सोक्‍त का दुम्‍नुङ’ दें‍त। मिनु परमप्रभु यावेम मेको कली ‘गे थमा पा मेको कली क्‍युक्‍ने चाप्‍नेवे। गे लावो। मिनु इ देंशो पावो’ दें‍त। १यूहन्‍ना ४:६

१ इतिहास 10:13

मोपा सावल आ परमप्रभु यावे प्रोंइतीके आ पर्बम बेक्‍चा माल्‍दा बाक्‍त। मेकोमी परमप्रभु यावे आ शेंशो मटिथु, बेक्‍शो मुर नु लोव़ पाइब आ लोव़ नेना बाक्‍त। १सामुएल १५:२३; १सामुएल २८:८

प्रस्‍थान 22:18

टुना मुना पाइब कली ब्रोंइचा मगेचा। लेवी २०:६,२७; लेवी १९:३१; ब्‍यवस्‍था १८:१०; १सामुएल २९:९; मलाकी ३:५

लेवी 20:6

सु मुर बेक्‍शो मुर रे लोव़ पाइब नु लिंक्‍यु कोव़ब आन कली “वारच पयी” दे आन बाक्‍तीके लाइबा, गो मेको कली ब्रोंइचा मगेथु, आ मुर आन दाते रे क्‍याम्‍नुङ। लेवी १९:३१

जकरिया 13:3

मिनु लें‍शा सुइमी जोल पा नोले दुम्‍तीक लोव़ पाप्‍तु हना, मेको कली थीब आ आम आफोमी मेको कली ‘गे बेक्‍चा माल्‍नेवे। मारदे हना गे परमप्रभु यावे आ नेंमी जोल लोव़ पाप्‍तीवी’ देंनीस। मिनु मेकोमी जोल पा नोले दुम्‍ब लोव़ पवानु, आ आम आफोमी मेको कली साइक्‍नीस। ब्‍यवस्‍था १३:६

मत्ती 16:17

मिनु येसुमी पत्रुस कली “योना आ तौ सिमोन, ग्‍येरसो। मारदे हना इ देंशो लोव़ मुरुमी शेंशो ममाइ। स्‍वर्गम बाक्‍ब आं आफोमी इ कली रुप्‍पाइक्‍तु। मत्ती ११:२७; गलाती १:१५-१६

मत्ती 24:24

मारदे हना शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम। ब्‍यवस्‍था १३:२-४; २थिस्‍सलोनिकी २:८-९; प्रकाश १३:१३

मत्ती 7:15

होस पांइसीने। मारदे हना परमप्रभु यावे आ लोव़ दूली शेंबपुकी बोक्‍नीम। मेकोपुकी भेडा खोदेंशो तांइसीनीमी। मेको आन थुं चहिं फर के खोदेंशो बाक्‍नीम। मत्ती २४:४,५,२४; २कोरिन्‍थी ११:१३-१५

मर्कूस 10:46

मिनु यरीको सहरमी जाक्‍दीम्‍मा बाक्‍त। मिनु यरीको रे लशा, येसु नु आ शेंसीब आन नोले खोइश्‍शा, शुश मुर गाक्‍मानु, तिमै आ तौ मिक्‍च मताइब पुंइब बारतीमै मेको लां उइ बाक्‍शो बाक्‍माक्‍त।

प्रेरित 13:13

मिनु पावल नु आ वारचपुकी पाफोस सहरमी जहाज ङोइश्‍शा समुन्‍द्र शोक्‍शा, पाम्‍फीलीया रागी ङा पेरगा सहरमी जाक्‍दीम्‍मा बाक्‍त। यूहन्‍ना मर्कूस चहिं पावल नु बारनाबास आस कली प्रोंइशा, यरूसलेम लेम्‍माक्‍त। प्रेरित १५:३८

प्रेरित 13:8

मेको चटक कोंइब बार-येसु कली ग्रीक लोव़मी एलुमास यो देंबाक्‍मा बाक्‍त। मिनु मेकोमी हुकुम पाइब कली बारनाबास नु सावल आस शेंशो लोव़ थमा सुइक्‍चशो तशा “मेको आस शेंशो थमा मसुतीन” दे हुकुम पाइब आ थुं हिरपाइक्‍चा मला बाक्‍त।

२ कोरिन्‍थी 11:13

मेकोपुकी परमप्रभु यावे आ सोइश्‍शो मनम। ख्रुइश्‍शा जोल पा गेय पाइनीम। ख्रीस्‍त आ सोइश्‍शो दुम्‍खु पा शेंथ गाक्‍नीम। २कोरिन्‍थी २:१७

२ तिमोथी 3:8

दोपा यन्‍नस नु याम्‍ब्रेस माइश्‍शो मुर निक्‍शीमी मोसा कली “इ गेय ठीक मबाक्‍ब” देंसा, मोपा मेको मुरपुकीमी यो थमा शेंतीके कली “ठीक मबाक्‍ब” देंनीम। आन थुं मूर्ख गेयम ब्रीशो दुम्‍शा, थमा सुइक्‍तीके प्रोंइशो बाक्‍नीम। प्रस्‍थान ७:११,२२

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५

प्रकाश 19:20

मोपा मेकोपुकी लडाइ पामेनु, मेको ठेयब जन्‍तु नु जोल पा परमप्रभु यावे आ लोव़ पखु पाइब आस कली ग्‍याइक्‍ताक्‍म। परमप्रभु यावे आ लोव़ पखु पाइब चहिं ठेयब जन्‍तु नु बाक्‍शा, छक लाक्‍चा ङा गेय पाइब बाक्‍त। मोपा मेको ठेयब जन्‍तु नु आ मूर्ति कली पूजा पाइब नु आ चिन्‍ड वोइक्‍ब आन कली मरिम्‍शो लां शेंशा खोइक्‍पदा बाक्‍त। मिनु मेको निक्‍शी सेसीन गन्‍धक नु ठेयब मी ब्रतीकेमी हुम्‍चा पुंइसाक्‍स। प्रकाश १३:११-१७; २थिस्‍सलोनिकी २:८