प्रेरित 13:5 - Sunuwar Bible

⁵ मिनु सलामीस सहर जाक्‍दीश्‍शा, यहूदी आन ग्रुम्‍तीक खिं लशा, परमप्रभु यावे आ लोव़ शेंदसे बाक्‍त। एन्‍टीओक रे काथा गाक्‍शा, यूहन्‍ना मर्कूसमी मेको आस कली वारच पस ङा पस बाक्‍माक्‍त। प्रेरित १२:१२,२५

प्रेरित 13:5 ပူးပေါင်းရင်းမြစ်များ

१ राजा 19:21

मिनु एलीशाम एलीया कली प्रोंइशा लमाक्‍त। मिनु मेकोमी आ हाल ब्‍यफ लाइश्‍शा क्‍योरा बाक्‍त। मिनु मेकोम हलो चोशा श्‍ये क्‍येवा बाक्‍त। मिनु मुर आन कली ब्‍वचा गेमी बाक्‍त। मिनु मुरपुकीम ब्‍वामे बाक्‍त। मिनु मेको नोले एलीया आ नोले खोदा बाक्‍त। मिनु मेको आ गेय पाइब दुम्‍माक्‍त।

१ राजा 19:3

मिनु एलीया हिंशा, प्रोक्‍माक्‍त। मिनु मेको प्रोक्‍शा यहूदा ङा बेयर-शेबा जाक्‍माक्‍त। मिनु मेकोमी आ गेय पाइब कली मेक उइ प्रोना बाक्‍त।

२ राजा 3:11

तन्‍न येहो-शाफातमी “मार एकेर परमप्रभु यावे आ लोव़ पाइब सुइ मबाक्‍नीमी? मेको रे पा गो परमप्रभु यावे कली हिल्‍लो पने चाप्‍नीक” देंमाक्‍त। मिनु इस्राएल ङा पिप आ गेय पाइब आन दाते ङा काम “एलीया आ गुइम ब्‍वाक्‍कु लुक्‍ब शाफात आ तौ एलीशा एक बाक्‍ब” देंमाक्‍त। १राजा २२:५,७; १राजा १९:१९-२१

प्रस्‍थान 24:13

मिनु मोसा आ गेय पाइब यहोसु लाइश्‍शा, परमप्रभु आ डांडा ङोंइसाक्‍व। प्रस्‍थान ३३:११

मत्ती 20:26

गेपुकी इन दातेमी मोदेंशो पचा मदुम्‍ब। इन दातेमी ठेयब दुम्‍चा माल्‍बम नेल्‍ल आन गेय पाइब दुम्‍चा माल्‍ब। मत्ती २३:११; १कोरिन्‍थी ९:१९

प्रेरित 12:12

मेको तुइश्‍शा मर्कूस, यूहन्‍ना नें यो वोइश्‍शो, आ ममा मरीयम आ खिं गे लमाक्‍त। मरीयम आ खिंमी थमा सुइक्‍ब शुश खुम्‍सीशा, प्रार्थना पना पन बाक्‍शो बाक्‍मा बाक्‍त। प्रेरित १२:२५; प्रेरित १३:५,१३; प्रेरित १५:३७

प्रेरित 12:25

बारनाबास नु सावल यरूसलेममी क्‍येट चोव़ने थुम्‍शा, एन्‍टीओक लेस्‍सा बाक्‍त। लेस्‍सानु, मर्कूस कली यो लदसे बाक्‍त। मर्कूस कली यूहन्‍ना नें यो वोइश्‍शो बाक्‍त। प्रेरित ११:२९-३०; प्रेरित १३:५

प्रेरित 13:14

पावल नु बारनाबास पेरगा रे गाक्‍शा, पिसीदीया रागी ङा एन्‍टीओक सहरमी जाक्‍दीस्‍सा बाक्‍त। मिनु नाइक्‍तीक नाक्‍ती ग्रुम्‍तीक खिं लशा, मेकेर देल्‍शो मुरपुकी नु निश्‍शा बाक्‍सा बाक्‍त।

प्रेरित 13:46

मिनु पावल नु बारनाबासमी यो महिंथु ठेयब थुं पा “अरु आन क्‍येङा ङोंइती इन कली परमप्रभु यावे आ लोव़ नेंपाइक्‍चा माल्‍शो। गेपुकीमी चहिं मनेंनीनी, नोफा मदाइक्‍नीनी, थमा मसुइक्‍नीनी। इन मोदेंशो पशोमी गेना हना यो ब्रोंइशा बाक्‍चा मताइनीनी। जाम्‍शा लाइनीकी, दे तुइक्‍तीने। मुल ङा मेरे इन कली शेंचा प्रोंइशा, अर्को रागी ङा मुर आन कली शेंथ गाक्‍नस्‍कु। प्रेरित ३:२५-२६; मत्ती १०:५-६

प्रेरित 14:1

पावल नु बारनाबास आइकोनीयम सहरमी जाक्‍दीश्‍शा, यहूदी आन ग्रुम्‍तीक खिं लशा, मेकेर खुम्‍सीशा बाक्‍शो आन कली ख्रीस्‍त आ लोव़ शेंना शेंन बाक्‍सा बाक्‍त। मिनु ख्रीस्‍त आ लोव़ नेंशा, यहूदी नु ग्रीक शुशेमी थमा सुदमे बाक्‍त।

प्रेरित 15:37

मिनु बारनाबासमी “यूहन्‍ना, आ याइनी नें मर्कूस कली यो काथा लाइश्‍शा लस” देंमाक्‍त। प्रेरित १२:१२,२५

प्रेरित 17:17

मिनु यहूदी आन ग्रुम्‍तीक खिं लशा, यहूदी नु परमप्रभु कली मान पाइब अर्को रागी ङा मुर आन कली येसु आ पर्बम लोव़सी पना पन बाक्‍माक्‍त। नाक्‍त किंत किंत सहरमी हिरशा, लांमी सु सु आन कली ग्रुम्‍मी, मेको नेल्‍ल आन कली येसु आ पर्बम शेंना शेंन गाक्‍माक्‍त।

प्रेरित 18:4

नाइक्‍तीक नाक्‍ती पावल यहूदी आन ग्रुम्‍तीक खिं लशा, यहूदी नु ग्रीक नेल्‍ल आन कली ख्रीस्‍त आ पर्बम रुप्‍पदुमी, दे शेंबाक्‍माक्‍त।

प्रेरित 19:22

मोदेंशो थुं पशा, तिमोथी नु इरास्‍तस आस कली मासीडोनीया सोइक्‍तीम्‍सी बाक्‍त। आं चहिं एसीया उइ बाक्‍माक्‍त। २तिमोथी ४:२०

प्रेरित 19:29

मिनु मोदेंशो पा सहर नेल्‍ल ठेयब रेय‍के दुम्‍माक्‍त। मुरपुकी दोरशा जाक्‍शा, सहर ङा दिंममी खुम्‍समा बाक्‍त। मासीडोनीया रे जाक्‍शो पावल नु काथा गाक्‍ब गायस नु अरीस्‍तारकस आस कली ग्‍याइश्‍शा, मेको दिंममी चाक्‍ग्‍मे बाक्‍त। प्रेरित २०:४

प्रेरित 19:8

मिनु पावल महिना सां सम्‍म यहूदी ग्रुम्‍तीक खिंमी परमप्रभु यावे आ राज्‍य ङा लोव़ शेंना शेंन बाक्‍माक्‍त। सुइ तशा महिंथु, ठेयब थुं पा “थमा सुइश्‍शा परमप्रभु यावे आ राज्‍य ओव़ङीन” दे शेंना शेंन बाक्‍माक्‍त।

प्रेरित 9:20

मिनु सावल ग्रुम्‍तीक खिं खिं लशा “येसु परमप्रभु यावे आ तौ बाक्‍ब” दे शेंना शेंन यहूदी आन कली येसु आ पर्बम शुश लोव़ तुइक्‍पाइक्‍मी बाक्‍त।

कलस्‍सी 4:10

गो नु ग्‍याइक्‍चा पुंइसीब वारच अरीस्‍तारकसमी इन कली “रिम्‍शो बाक्‍कीन” दे आं कली ब्रेक्‍पाइक्‍ती। बारनाबास आ लोक्‍ब मर्कूसमी यो इन कली “रिम्‍शो बाक्‍कीन” देंत। मेको जाक्‍मेनु, रिम्‍शो पा बाक्‍चा गेने। मेको आ पर्बम इन कली ङोंइती तुइक्‍पाइक्‍तन्‍नी। प्रेरित १९:२९; प्रेरित २७:२; प्रेरित १२:१२,२५

२ तिमोथी 4:11

लूका ला गो नु बाक्‍ब। मर्कूस कली गे पिश्‍शा पिवो। मारदे हना मेको आं कली वारच पाइब बाक्‍ब। प्रेरित १५:३७; कलस्‍सी ४:१०