प्रेरित 13:48 - Sunuwar Bible48 मिनु अर्को रागी ङा मुरपुकीमी “मुल गो यो पाप रे ब्रोंइचा ताइबाक्तक” दे रुप्शा थाम्पा ग्येरसीशा, परमप्रभु यावे कली ठेयब सेल्मे बाक्त। परमप्रभु यावेमी ङोंइती रे योव़शोपुकीमी ख्रीस्त कली थमा सुइश्शा, गेना हना यो ब्रोंइशा बाक्चा ताइब दुम्मा बाक्त। रोमी ८:२९-३० အခန်းကိုကြည့်ပါ။ |
प्रेरित 13:48
31 ပူးပေါင်းရင်းမြစ်များ
मिनु पावल नु बारनाबासमी मोदें शेंशो नेंशा, मेको आन शेंशो लोव़ मबिस्सा बाक्त। मेकोपुकीमी ख्रोइक्तीक चिनु ख्रोइक्चा माल्ब देंमा बाक्त। पावल नु बारनाबासमी चहिं ख्रोइक्चा ममाल्ब, देंसा बाक्त। मिनु लोव़ निक्शी दुम्तीके थमा सुइक्ब आन थुं ग्याल्माक्त। मिनु पावल, बारनाबास नु का निक्शी आन कली योव़शा, यरूसलेममी बाक्ब सोइश्शोपुकी नु ग्रुम्तीके ङा शेंब खाल्पा आन कली हिल्लो पथ सोइक्तमे बाक्त। गलाती २:१
मिनु ग्रुम्ची नाक्ती पावल आ बाक्तीकेमी शुश मुर खुम्साक्म। मिनु सुनी रे नाक्दो सम्म पावलमी मेको आन कली एको लोव़ नेल्ल रुप्पपाइक्तीमी। मोसा आ अरेशो नु परमप्रभु यावे आ लोव़ पाइब आन ब्रेक्शो लोव़ रे शेंशा, परमप्रभु यावे आ सोइश्शो ख्रीस्त चहिं येसु बाक्ब देंशा, परमप्रभु यावे आ राज्य ङा लोव़ शेंताक्व।
ကြော်ငြာတွေ