प्रेरित 13:41 - Sunuwar Bible

⁴¹ ‘ए, गे शुक्‍शी पाइबपुकी, छक लाक्‍चा ङा पा पुलु दुम्‍शा लने। मारदे हना गो इन पालामीन गेय का पाइनुङ। तन्‍न गे थमा मसुइक्‍नीनी। मिनु सुइमी इन कली शेंताक्‍म हना यो गे थमा मसुइक्‍नीनी’ ” दे पावलमी शेंदीमी बाक्‍त। हबकुक १:५

प्रेरित 13:41 ပူးပေါင်းရင်းမြစ်များ

हितोपदेस 5:12

मिनु गे “गो मारदे परमप्रभु आ शेंशो मपङा, माइ? मारदे आ हुइश्‍शो मटिङा माइ?

यसैया 5:24

मोपतीके दोपा मीम ठुटा नु सोव़शो घांस नेक्‍बा, मोपा मेको आन शाक्‍श राक्‍ब। मिनु आन फू फुरक खोदेंशो पा बेरशा लाइब। मारदे हना मेकोपुकीमी मुर नेल्‍ल आन परमप्रभु यावे आ लोव़ मटीम। मिनु इस्राएली आन का ला बाक्‍शो परमप्रभु आ लोव़ आ पर्बम शुक्‍शी पाम्‍तेक्‍म।

यसैया 65:15

आं योव़शोपुकीमी सराप पची ना इन नें थीनीम। मिनु नोले गो परमप्रभु, परमप्रभु यावेमी इन कली साइक्‍नन्‍नी। तन्‍न आं गेय पाइब आन कली नक नें वोइक्‍नुङमी। यसैया ६२:२

इजीकीएल 33:9

तन्‍न गे मेको परमप्रभु यावे आं अरेशो लोव़ मटीब आन कली इन मटितीके प्रोनीन, दे हिंच कोंइताक्‍वी हना, मिनु मेकोपुकीम आं अरेशो लोव़ मटिम्‍तेक्‍म हना, मेको आन मटिशो आ पर्बम बेक्‍नीम। मिनु गे आंम कली प्रोंइ‍नेवे” देंत।

हबकुक 1:5

मिनु परमप्रभुमी आं कली “रागी रागी ङा मुर आन कली कोव़ङो। मेको आन कली कोव़शा, गे छक लाक्‍नेवे। मारदे हना इन ब्रोंइतीक नाक्‍तीमी गेय का पशो बाक्‍ब। मेको इ कली देंतेक्‍म हना यो, गे मेको थमा मसुइक्‍नेवे। प्रेरित १३:४१

लूका 16:14

फरिसीपुकीमी क्‍येट नु शोंप दाक्‍बाक्‍मा बाक्‍त। मिनु येसु आ लोव़ नेंशा गाइश्‍शा, शुक्‍शी पामे बाक्‍त।

लूका 23:35

मुर शुश मेकेर कोव़ना कोव़न बाक्‍शो बाक्‍मा बाक्‍त। ठेयब मुरपुकीमी “एकोमी शुश मुर आन कली श्‍येत रे प्रोंइना प्रोंइन गाक्‍बाक्‍माक्‍त। परमप्रभु यावे आ योव़शो ख्रीस्‍त बाक्‍त हना, मुल आंमा प्रोंइसेक्‍ल” दे शुक्‍शी पामे बाक्‍त।

प्रेरित 13:47

आंमा शेंब दुम्‍शा, गाक्‍शो मनस्‍कु। परमप्रभु यावेमी आंस कली आ लोव़ शेंब सेल्‍तु। मिनु मेकोमी ‘गो इ कली नेल्‍ल रागी ङा, नेल्‍ल जात ङा मुर आन कली लां कोंइशा, छेङछेङ दुम्‍शा रुप्‍पाइक्‍चा कली सोइक्‍ताक्‍ङ’ दे ब्रेक्‍शो बाक्‍ब” देंसा बाक्‍त। यसैया ४९:६

प्रेरित 22:21

प्रभुमी ‘मेकेर रे लावो। मारदे हना ङोन ङोन बाक्‍ब अर्को रागी ङा मुर आन कली आं पर्बम शेंथ सोइक्‍नन’ देंत” दे पावलमी देंमाक्‍त। प्रेरित १३:२

प्रेरित 3:23

सु सुमी आ लोव़ मटीमे, मेकोपुकी जाम्‍शा लाइनीम’ दे देंशो बाक्‍त।

प्रेरित 6:14

मेको नासरथ ङा येसुमी परमप्रभु यावे आ खिं प्रेप्‍ब। मोसामी गेशो पतीके लोव़ प्रोंइशा, नक पतीक वोइक्‍ब, देंशो आंइ नोफामी नेंतक” दे ब्‍वाक्‍पदमे बाक्‍त। यूहन्‍ना २:१९

१ थिस्‍सलोनिकी 2:16

दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३

१ पत्रुस 4:17

निसाफ पची ना दुम्‍चशो बाक्‍त। परमप्रभु यावे आ खिं ङा मुर ङोंइती निसाफ पचा पुंइसीनीम। मिनु गो ङोंइती ङा बाक्‍तय हना, ग्‍येरपाइक्‍ब लोव़ थमा मसुइक्‍ब आन कली दोदेंब दुम्‍बा? येरमीया २५:२९; इजीकीएल ९:६