प्रेरित 13:4 - Sunuwar Bible

⁴ मिनु मेको निक्‍शी परमप्रभु यावे आ सोक्‍तीमी योव़शा सोइक्‍तीके एन्‍टीओक सहर रे ब्रुप्‍शा, सिलुसीया सहरमी जाक्‍दीस्‍सा बाक्‍त। मेकेर जहाज ङोइश्‍शा समुन्‍द्र शोक्‍शा, साइप्रस टापु जाक्‍दीस्‍सा बाक्‍त।

प्रेरित 13:4 ပူးပေါင်းရင်းမြစ်များ

प्रेरित 11:19

स्‍तीफानस साइक्‍चा पुंइसे नोले खेदा पचा पुंइसीशा, प्रोक्‍शा गाक्‍शो थमा सुइक्‍ब का निक्‍शी फोनीसीया, का निक्‍शी साइप्रस, का निक्‍शी एन्‍टीओक जाक्‍दीश्‍शो बाक्‍मा बाक्‍त। मिनु मेकोपुकीमी येसु आ लोव़ यहूदी आन कली ला शेंदमे बाक्‍त। प्रेरित ८:१-४

प्रेरित 13:2

मिनु काबु थमा सुइक्‍बपुकी खुम्‍सीशा माइजा बाक्‍शा, प्रार्थना पना पन प्रभु कली ठेयब सेल्‍ना सेल्‍न बाक्‍मानु, परमप्रभु यावे आ सोक्‍तीमी “बारनाबास नु सावल आस कली आं गेय पथ योव़तासी। मोपतीके मेको आस कली आं गेय पचा कली सोइक्‍तीने” दे तुइक्‍पाइक्‍मी बाक्‍त। प्रेरित ९:१५

प्रेरित 13:3

मिनु माइजा बाक्‍शा, प्रार्थना पा आसीक गेशा, प्रभु आ गेय पथ सोइक्‍तमे बाक्‍त। प्रेरित ६:६

प्रेरित 15:36

मिनु काबु पावलमी बारनाबास कली “ङोंइती ते ते प्रभु आ लोव़ शेंथ हिरससा, मेक मेक ङा थमा सुइक्‍बपुकी दो पामे, मार पामे, कोव़थ लस” देंमाक्‍त।

प्रेरित 20:23

लोव़ का ला तुइक्‍नुङ। मारदे हना सहर गाउं तेइ तेइ हिरशा गाक्‍ङानु, परमप्रभु यावे आ सोक्‍त रे पा लोव़ पाइबमी ‘यरूसलेम जाक्‍दीश्‍शा, शुश श्‍येत जाइनेवे। जेल्‍खानमी चोक्‍चा पुंइसीनेवे’ दे नेंपाइक्‍तीमी। प्रेरित ९:१६; प्रेरित २१:४,११

प्रेरित 27:4

मिनु लेश्‍शा जाक्‍शा, जहाज ङोइश्‍शा, लाइतक। मिनु साइप्रस आ नेक्‍नेक्‍था जाक्‍दीत्‍तक। मारदे हना फश गिवारमी आइदी लां लचा मगेव।

प्रेरित 4:36

मोदेंशो गेब का चहिं योसेफ माइश्‍शो मुर का बाक्‍माक्‍त। मेको योसेफ साइप्रस रागीमी जरमेशो लेवी आ थर ङा बाक्‍माक्‍त। सोइश्‍शोपुकीमी योसेफ आ याइनी नें बारनाबास वोइश्‍शो बाक्‍मा बाक्‍त। बारनाबास देंशो “आन थुं ग्‍येत्‍थ लुक्‍च दुम्‍शो मुर आन कली आन थुं नाइक्‍पाइक्‍ब” दे रुम्‍सीब। प्रेरित ११:२२-२६; प्रेरित १२:२५; प्रेरित १५:२; गलाती २:१कलस्‍सी ४:१०