प्रेरित 13:34 - Sunuwar Bible

³⁴ लेंशा मबेक्‍चा ङा नु मराक्‍चा ङा पा बेक्‍शो रे सेंसीशो आ पर्बम परमप्रभुमी ‘दाऊद कली गेशो खोदेंशो पा गो इ कली आसीक गेनन’ दे ब्रेक्‍पाइश्‍शो बाक्‍ब। यसैया ५५:३

प्रेरित 13:34 ပူးပေါင်းရင်းမြစ်များ

२ सामुएल 23:5

मोपा आं खिं परमप्रभु नु बाक्‍ब। मारदे हना मेकोमी गो नु गेना हना यो लीब कबल का पशो बाक्‍ब। मेको नेल्‍ल रिम्‍शो नु ली‍ब। मिनु मेकोमी आं रिम्‍शो दुम्‍शो नु आं दाक्‍शो बारना बारना लपाइक्‍ब।

यसैया 55:3

इन नोफा दाइश्‍शा, आं गे जाक्‍कीन। नेंशा, ब्रोंइनीनी। गे ब्रोंइशा बाक्‍चा कली आं लोव़ नेनीन। मिनु गो गेपुकी नु गेना हना यो लीब कबल का पाइनुङ। दाऊद कली खोदेंशो पा इन कली यो गेना हना यो दाक्‍नुङ। २सामुएल ७:८-१६; येरमीया ३१:३१-३४; प्रेरित १३:३४

येरमीया 30:9

तन्‍न मेकोपुकीम परमप्रभु यावे, आन परमप्रभु, आं कली नु आं सेल्‍शो पिप दाऊद आ गेय पाइनीम।

येरमीया 33:26

गो याकूब आ आल नु आं गेय पाइब दाऊद आ चच युइ आन कली तिल्‍नुङमी। मोपा मेको अब्राहाम, इसहाक नु याकूब आन मुर आन कली पिप दुम्‍चा कली मयोव़नुङमी। तन्‍न गो मेको ङोंइती खोदेंशो पा, मेको आन थुं नाइक्‍चा गेनुङमी। मिनु मेको आन कली शिशी पाइनुङमी” देंत।

होसे 3:5

मिनु नोले ङा नाक्‍तीमी इस्राएलीपुकी लेश्‍शा, परमप्रभु यावे, आन परमप्रभु कली नु आन पिप दाऊद कली माल्‍नीम। मेकोपुकी ख्रिंख्रि पा आन परमप्रभु यावे गे लेश्‍शा, आसीक ताइनीम। येरमीया ३०:९; इजीकीएल ३४:२३-२४

आमोस 9:11

परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७

जकरिया 12:8

मेको नाक्‍ती परमप्रभु यावेमी यरूसलेममी बाक्‍ब मुर आन कली वारच पाइब। मेकेर बाक्‍ब नेल्‍ल क्‍येङा मचाप्‍ब दाऊद खोदेंशो बाक्‍नीम। मिनु दाऊद आ खिं ङा मुर परमप्रभु खोदेंशो बाक्‍नीम। मिनु परमप्रभु यावे आ स्‍वर्ग ङा गेय पाइब मेको आन ङोंइती गाक्‍ब। यसैया ३३:२४

प्रेरित 13:30

तन्‍न परमप्रभु यावेमी मेको कली बेक्‍शो रे सेंताक्‍व। प्रेरित ३:१५

प्रेरित 13:33

मेको लोव़ साइ परमप्रभु यावेमी ब्रेक्‍पाइश्‍शो लोव़ नु गारब। मारदे हना भजन संग्रह कामी ‘गे आं तौ नवे। मुलाक्‍ती गो इ कली थीतन’ दे ब्रेक्‍शो बाक्‍ब। भजन संग्रह २:७

प्रेरित 13:37

येसु चहिं बेक्‍शा मरा। मारदे हना परमप्रभु यावेमी मेको कली बेक्‍शो रे सेंताक्‍व।

प्रेरित 2:24

गेपुकीमी साइक्‍पाइक्‍तीनी हना यो, परमप्रभुमी येसु कली बेक्‍शो रे सेंताक्‍व। मारदे हना आ गेना हना यो ब्रोंइशा बाक्‍ब परमप्रभु बाक्‍ब।

रोमी 6:9

मारदे हना येसु यो बेक्‍शो रे सेंसीशा, मुल गेनायो मबेक्‍चा ङा पा ब्रोंइत। मुल मेको गेनायो मबेक्‍ब।