प्रेरित 13:29 - Sunuwar Bible

²⁹ मिनु साइ ङा ब्रेक्‍शो लोव़ नेल्‍ल थमा दुम्‍पाइक्‍तेक्‍म। येसु शीम क्‍येप्‍शा कांटी थोक्‍शा क्‍याइश्‍शा साइश्‍शा खपीम फ्रुप्‍शा, आ बेक्‍शो रां थिम्‍तेक्‍म। मत्ती २७:५९-६०

प्रेरित 13:29 ပူးပေါင်းရင်းမြစ်များ

मर्कूस 15:42

येसु बेक्‍ची नाक्‍त चहिं नाइक्‍तीक नाक्‍त आ ङोंइती नाक्‍त बाक्‍माक्‍त। मिनु नां रिक्‍मेनु, मार दुम्‍माक्‍त देंशा हना,

लूका 23:50

यहूदीया रागी अरीमाथीया सहर ङा योसेफ नें पाइश्‍शो ठेयब मुर का बाक्‍माक्‍त। मेको मुर यरूसलेम “येसु कली साइक्‍चा” दे लोव़सी पामेनु, मबिश्‍शो बाक्‍माक्‍त।

लूका 23:53

मिनु पिलातसमी “लो, लतो” देंमेनु, शी रे शोल्‍शा, बुश वाम गिल्‍शा लाइश्‍शा, पुक्‍खी कामी ओंइशा वोदा बाक्‍त। ङोंइती मेको पुक्‍खीमी सुइ मवोइश्‍शो बाक्‍माक्‍त।

लूका 24:44

मिनु येसुमी आ शेंसीब आन कली “गो गे नु बाक्‍ची ना आ देंशो मोसा आ अरेशो लोव़, परमप्रभु यावे आ लोव़ पाइब आन ब्रेक्‍शो नु भजन संग्रह आं पर्बम ब्रेक्‍शो लोव़ नेल्‍ल गाप्‍चा माल्‍ब, दे इन कली लोव़ पाता” देंमाक्‍त। लूका १८:३१-३३; लूका २४:२६-२७; लूका १८:३१

यूहन्‍ना 19:28

मिनु नोले येसुमी “आं गेय पचा नुप्‍त” दे तुइक्‍ताक्‍व। मिनु परमप्रभु यावे आ ब्रेक्‍पाइश्‍शो लोव़ थमा दुम्‍चा कली येसुमी “गो तूतू दाक्‍ती” देंत। भजन संग्रह २२:१५

यूहन्‍ना 19:30

मिनु येसुमी युप्‍शा “मुल थुम्‍ता” देंत। मिनु आ पिया खुक्‍शा बेक्‍त।

प्रेरित 13:27

यरूसलेममी बाक्‍बपुकी नु आन ठेयब मुरपुकीमी येसु पाप रे प्रोंइब बाक्‍ब, दे मरुबेम। नाइक्‍तीक नाक्‍त किंत किंत परमप्रभु यावेमी ब्रेक्‍पाइश्‍शो लोव़ पढेशा नेंशा यो रुप्‍‍ने मचबेम। मोपा मारेइ रुप्‍‍ने मचाप्‍तीके येसु कली दोस गेम्‍तेक्‍म। आन मो पशोमी साइ ङा ब्रेक्‍शो लोव़ नेल्‍ल थमा सेल्‍तेक्‍म। यूहन्‍ना १६:३

प्रेरित 2:23

गेपुकीमी येसु कली अरेशो मटीब आन गुइम गेशा, शीम केप्‍शा कांटी थोक्‍शा क्‍याइश्‍शा साइक्‍पाइक्‍तीनी। ङोंइती रे परमप्रभु यावेमी मोदेंशो दुम्‍चा माल्‍ब, दे मिम्‍शा, इन कली मो पचा गेशो बाक्‍माक्‍त, दे रुपीन। प्रेरित ४:२८

प्रेरित 26:22

खेदा पा शुश श्‍येत गेयीमीनु, परमप्रभु यावेमी श्‍येत फाल्‍तीक सक्ति गेती। मोपतीके गो ठेयब थुं पा इन ङोंइती राप्‍शा, ठेयब मुर आइक्‍च मुर नेल्‍ल इन कली आं लोव़ मोसा नु परमप्रभु यावे आ लोव़ पाइब आन लोव़ नु गारब, दे रुपीन। लूका २४:४४-४७

प्रेरित 4:28

मेकोपुकीमी इन देंशो ङा लाक्‍शा मारेइ पने मचबेम। इन देंशो ला पने चाप्‍तेक्‍म। प्रेरित २:२३

प्रेरित 5:30

इं किकी पिपी आन परमप्रभु यावेमी गेपुकीमी शीम केप्‍शा, कांटी थोक्‍शा क्‍याइश्‍शा साइक्‍पाइश्‍शो येसु कली बेक्‍शो रे सेंताक्‍व। प्रेरित ३:१५

१ कोरिन्‍थी 15:4

मेको थिम्‍चा पुंइसाक्‍व। मिनु परमप्रभु यावे आ लोव़म ब्रेक्‍शो खोदेंशो पा आ नित्‍थ नाक्‍ती सेंचा पुंइसाक्‍व। होसे ६:२; लूका २४::२७,४४,४६