प्रेरित 13:19 - Sunuwar Bible

¹⁹ कनान रागीमी बाक्‍ब ७ रागी ङा मुर नेल्‍ल आन कली साइश्‍शा, मेको आन रागी आंइ किकी पिपी आन कली गेवा बाक्‍त। ब्‍यवस्‍था ७:१; यहोसु १४:२

प्रेरित 13:19 ပူးပေါင်းရင်းမြစ်များ

उत्पत्ती 12:5

अब्राममी आ मीश साराइ, आ लोक्‍ब आ तौ, लोत, आन मारेइ मारेइ, हारान सहरमी ग्‍याप्‍शो वाइलीम वाइल आन कली यो लदा बाक्‍त। मिनु मेको नेल्‍ल कनान रागी लचा गोव़मे बाक्‍त। मिनु लशा कनान रागी जाक्‍दीम्‍मा बाक्‍त।

उत्पत्ती 17:8

मुल गे इ बाक्‍तीक रागीमी अर्को रागी ङा मुर बाक्‍नेवे। नोले गो एको कनान रागी गेना हना यो इन कली नु इ चच युइ आन कली गेनन्‍नी। गो चहिं मेको आन परमप्रभु दुम्‍नुङ” दे अब्राहाम कली देंमाक्‍त। उत्‍पत्ती ३५:२७; हिब्रू ११:९-१०; प्रेरित ७:५

१ राजा 6:1

इस्राएली इजीप्‍त रे ग्रूशा जाक्‍शो ४ सहे ८० बर्स दुम्‍शो बाक्‍माक्‍त। मिनु सोलोमनम इस्राएली आन कली हुकुम पशो ४ बर्स नु महिना निक्‍शी ङा जिव महिनाम परमप्रभु यावे आ खिं सेल्‍चा गोवा बाक्‍त। मत्ती १:१७

नेहेम्‍याह 9:24

मिनु मेको आन तौ चच युइमी मेको रागी ओव़शा, आंम के सेल्‍साक्‍म। मिनु गे मेको रागीम बाक्‍ब कनानी नु आन पिपपुकी यो मेको आन गुइम गेतीनी। यहोसु १२:-

भजन संग्रह 135:11

मेकोमी एमोरी आन पिप सीहोन, बाशान ङा पिप ओग नु कनान ङा पिप नेल्‍ल आन कली साइक्‍तीमी।

भजन संग्रह 78:55

रागी रागी ङा मुर आन कली मेको आन ङोंइती रे खेरतु। मिनु इस्राएली आन कली मेको रागी योक्‍शा, गेम्‍तीमी। मिनु इस्राएल आ थर थर ङा मुर आन कली आन ताम्‍बुमी बाक्‍चा गेम्‍तीमी।

यसैया 34:17

परमप्रभुमी मेको आन कली मेको रागी पुक्‍शा योक्‍शा, गेशो बाक्‍ब। मेको रागी गेना हना यो मेको आन के दुम्‍शा, पाला पाला सम्‍म मेकेर बाक्‍नीम।

प्रेरित 7:45

मिनु नोले इं किकी पिपी यहोसु मेको आन लां कोंइब दुम्‍शा, मेको ताम्‍बु कुरशा गाक्‍मा बाक्‍त। मिनु कनान रागीमी जाक्‍दीम्‍मानु, मेको ताम्‍बु आन ङोंइती कुरशा गाक्‍शो बाक्‍तेक्‍म। परमप्रभु यावेमी मेकेर बाक्‍ब मुर आन कली ग्राशा खेरशा, मेको रागी आन के सेल्‍शा, मेको ताम्‍बु मेकेन वोदमे बाक्‍त। मिनु पिप दाऊद आ पाला सम्‍म मेको ताम्‍बु मोदेंशोन लीमाक्‍त। यहोसु ३:१४; यहोसु १६:१

ब्‍यवस्‍था 7:1

मिनु मोसामी “परमप्रभु यावे, इन परमप्रभुमी इन कली गेशो रागीम चाक्‍दीत्ची ना, इन ओव़चा क्‍येङा ङोंइती हित्ती, गिरगाशी, एमोरी, कनानी, परि‍जी, हिव्‍वी नु यबुसी आन कली खेरब। मेको नेल्‍ल इन क्‍येङा बोल्‍यो नु शुश मुर पाइश्‍शो ७ रागी ङा मुर बाक्‍नीम। ब्‍यवस्‍था ३१:३

यहोसु 14:1

मिनु इस्राएलीपुकीमी कनान रागी ङा तेको तेको रागी आंम कली ताम्‍तेक्‍म देंशा हना, चढ़ेब एलाजर, नून आ तौ यहोसु नु इस्राएल ङा थर नेल्‍ल आन ठेयब मुरपुकीमी इस्राएली आन थर थर आन कली रागी योक्‍तेक्‍म। गन्‍ती ३४:१७

यहोसु 18:10

मिनु यहोसुमी शिलोमी परमप्रभु यावे आ ङोंइती इस्राएली थर ङा खिं खिं ङा मुर आन कली मेको रागी योक्‍शा गेप्‍तु।

यहोसु 19:51

मिनु चढ़ेब एलाजर, नून आ तौ यहोसु नु इस्राएली आन थर थर ङा ठेयब मुर नेल्‍ल परमप्रभु यावे आ ङोंइती शिलोम ग्रुम्‍तीक ताम्‍बु आ लाप्‍चोमी रागी नेल्‍ल योक्‍ने थुम्‍तेक्‍म। मोपा मेकोपुकीमी रागी योक्‍तीके गेय यो थुम्‍तेक्‍म। यहोसु १४:१; यहोसु १८:१

यहोसु 23:4

गोम योक्‍शा, लीशो रागी इन थर थर ङा मुर आन कली गेता। मिनु गो यर्दन रे पच्‍छिम गे ङा ठेयब समुन्‍द्र सम्‍म रागी नेल्‍ल ग्राती।

यहोसु 24:11

मिनु नोले गेपुकी यर्दन शोक्‍सीशा यरीकोमी जाक्‍तीनी। मिनु यरीको ङा मुरपुकी एमोरी, परिज्‍जी, कनानी, हित्ती, गिरगाशी, हिव्‍वी नु यबुसीपुकीमी गेपुकी नु लडाइ पाम्‍तेक्‍म। तन्‍न गो मेको आन कली इन गुइमी गेता। यहोसु ३:१०; यहोसु ६:१-२१

न्‍यायाधीस 11:26

इस्राएलीपुकी सहे सां बर्स सम्‍म हेश्‍बोन नु आ एर ओंथ ङा गाउंपुकी, आरोएर नु मेको आ एर ओंथ ङा गाउंपुकी नु अरनोन आ नेक्‍था ङा सहर नेल्‍लेम बाक्‍मा बाक्‍त। मारदे मेको क्‍येङा ङोंइती इन के मसेल्‍नी?