प्रेरित 13:14 - Sunuwar Bible

¹⁴ पावल नु बारनाबास पेरगा रे गाक्‍शा, पिसीदीया रागी ङा एन्‍टीओक सहरमी जाक्‍दीस्‍सा बाक्‍त। मिनु नाइक्‍तीक नाक्‍ती ग्रुम्‍तीक खिं लशा, मेकेर देल्‍शो मुरपुकी नु निश्‍शा बाक्‍सा बाक्‍त।

प्रेरित 13:14 ပူးပေါင်းရင်းမြစ်များ

लूका 4:16

मोपा हिरना हिरन गाक्‍मेनु, काबु आ कोल्‍तीक नासरथ सहरम जाक्‍दीम्‍माक्‍त। आल रेन नाइक्‍तीक नाक्‍ती ग्रुम्‍तीक खिं लशो खोदेंशो पा, ग्रुम्‍तीक खिं लशा, परमप्रभु यावे आ लोव़ पढेचा कली राम्‍माक्‍त।

प्रेरित 13:42

मिनु ग्रुम्‍तीक खिं रे ग्रूशा गाक्‍चाम्‍सेनु, आस लोव़ नेंबपुकीमी “मुल जाक्‍शो नाइक्‍तीक नाक्‍ती लेंशा शेंचा नकी” दे पुन्‍मे बाक्‍त।

प्रेरित 13:44

मिनु नाइक्‍तीक नाक्‍त जाक्‍मेनु, सहर ङा मुर नेल्‍ल जाक्‍शा, परमप्रभु यावे आ लोव़ शेंशो नेंथ देल्‍मा बाक्‍त।

प्रेरित 13:46

मिनु पावल नु बारनाबासमी यो महिंथु ठेयब थुं पा “अरु आन क्‍येङा ङोंइती इन कली परमप्रभु यावे आ लोव़ नेंपाइक्‍चा माल्‍शो। गेपुकीमी चहिं मनेंनीनी, नोफा मदाइक्‍नीनी, थमा मसुइक्‍नीनी। इन मोदेंशो पशोमी गेना हना यो ब्रोंइशा बाक्‍चा मताइनीनी। जाम्‍शा लाइनीकी, दे तुइक्‍तीने। मुल ङा मेरे इन कली शेंचा प्रोंइशा, अर्को रागी ङा मुर आन कली शेंथ गाक्‍नस्‍कु। प्रेरित ३:२५-२६; मत्ती १०:५-६

प्रेरित 13:5

मिनु सलामीस सहर जाक्‍दीश्‍शा, यहूदी आन ग्रुम्‍तीक खिं लशा, परमप्रभु यावे आ लोव़ शेंदसे बाक्‍त। एन्‍टीओक रे काथा गाक्‍शा, यूहन्‍ना मर्कूसमी मेको आस कली वारच पस ङा पस बाक्‍माक्‍त। प्रेरित १२:१२,२५

प्रेरित 14:19

मिनु नोले एन्‍टीओक नु आइकोनीयम सहर रे थमा मसुइक्‍ब यहूदीपुकी जाक्‍मा बाक्‍त। मेकोपुकीमी सहर ङा मुर आन कली पोक्‍शा, पावल कली साइक्‍चा कली फुल्‍लु क्रोम्‍पदमे बाक्‍त। मिनु बेक्‍त, दे आ रां लाइश्‍शा, सहर रे ग्रुंइशा ताइक्‍तमे बाक्‍त। २कोरिन्‍थी ११:२५; २तिमोथी ३:११

प्रेरित 16:13

मिनु नाइक्‍तीक नाक्‍त सहर रे ग्रूशा, खोला आ नेक्‍था लाइतक। मारदे हना खोला आ नेक्‍थामी यहूदी आन प्रार्थना पथ बुक्‍तीक बाक्‍म कों, दे मिम्‍शा, मेक जाक्‍दीत्‍तक। मिनु जाक्‍दीक्‍कानु, मीश मुरपुकी खुम्‍सीशा बाक्‍शो थित्‍तक।

प्रेरित 17:2

पावल हिरशा गाक्‍मेनु, सहर सहर ङा यहूदी आन ग्रुम्‍तीक खिं खिं ओव़शा शेंबाक्‍माक्‍त। मोपा थिस्‍सलोनीकी सहरमी यो ग्रुम्‍तीक खिं लशा, शेंचा गोवा बाक्‍त।

प्रेरित 18:4

नाइक्‍तीक नाक्‍ती पावल यहूदी आन ग्रुम्‍तीक खिं लशा, यहूदी नु ग्रीक नेल्‍ल आन कली ख्रीस्‍त आ पर्बम रुप्‍पदुमी, दे शेंबाक्‍माक्‍त।

प्रेरित 19:8

मिनु पावल महिना सां सम्‍म यहूदी ग्रुम्‍तीक खिंमी परमप्रभु यावे आ राज्‍य ङा लोव़ शेंना शेंन बाक्‍माक्‍त। सुइ तशा महिंथु, ठेयब थुं पा “थमा सुइश्‍शा परमप्रभु यावे आ राज्‍य ओव़ङीन” दे शेंना शेंन बाक्‍माक्‍त।

प्रेरित 9:20

मिनु सावल ग्रुम्‍तीक खिं खिं लशा “येसु परमप्रभु यावे आ तौ बाक्‍ब” दे शेंना शेंन यहूदी आन कली येसु आ पर्बम शुश लोव़ तुइक्‍पाइक्‍मी बाक्‍त।

२ तिमोथी 3:11

आं कली खेदा पशो, आं श्‍येत जशो यो ताप्‍तीवी। एन्‍टीओक, आइकोनीयम नु लिस्‍त्रा सहरमी गो दोदेंशो श्‍येत जङा, दोपा खेदा पशो नेल्‍ल फलु, मेको नेल्‍ल ताप्‍तीवी। तन्‍न प्रभुमी मेको नेल्‍ल रे प्रोंइती। प्रेरित १३:१३-१४:२२; भजन संग्रह ३४:२०