प्रेरित 13:11 - Sunuwar Bible

¹¹ गे मिक्‍च मताइब दुम्‍शा, शुश नाक्‍त सम्‍म छेङछेङ मताइनेवे” दे हुइक्‍ता बाक्‍त। मो देंम चोटीन मेको चटक कोंइब मिक्‍च मताइब दुम्‍शा, आ गुइ कीशा लां कोंइब मुर माल्‍दा बाक्‍त।

प्रेरित 13:11 ပူးပေါင်းရင်းမြစ်များ

उत्पत्ती 19:11

मिनु मेको निक्‍शीमी लाङगाम बाक्‍शो मुर आन कली मिक्‍च मताइब सेल्‍से बाक्‍त। मिनु मेकोपुकीमी लाप्‍चो मथित्‍थु, माल्‍चा प्रोन्‍मे बाक्‍त। २राजा ६:१८

२ राजा 6:8

काले अराम ङा पिप इस्राएल नु लडाइ पना पन बाक्‍माक्‍त। मिनु मेकोम आ गेय पाइब लडाइ पाइब आन ठेयब मुरपुकी नु सल्‍ला पा “गो आं बाक्‍तीक मेकेर सेल्‍नुङ” देंमाक्‍त।

अय्‍युब 19:21

आं वारचपुकी, आं कली शिशी पाइय्‍यीनी, शिशी पाइय्‍यीनी। मारदे हना परमप्रभुम आं कली दिप्‍शा, श्‍येत गेशो बाक्‍ब।

भजन संग्रह 32:4

मारदे हना नाक्‍दो नाक्‍ती इन गुइमी चिप्‍ताक्‍यीनी। गो नाप्‍शो नांम किक्‍शो खोदेंशो दुम्‍ती। ठेयब सेंदा पा। भजन संग्रह ३८:१९; हितोपदेस २८:१३; याकूब ५:१६; यसैया ३८:१७

भजन संग्रह 38:2

मारदे हना इन ब्राम आं कली देश्‍शो बाक्‍नीम। मिनु इन गुइमी आं कली चिप्‍शो बाक्‍ब। अय्‍युब ६:४

प्रस्‍थान 9:3

परमप्रभु यावेमी इन गोठम बाक्‍शो बस्‍तु भाव आन कली ठेयब रोइ पपाइक्‍ब। इन शारा, गधा, दलओंठ, बी ब्‍यफ नु क्‍यारश भेडा नेल्‍ल आन कली बेक्‍तीक रोइ पपाइक्‍ब। प्रस्‍थान ३:२०

यसैया 29:10

मारदे हना परमप्रभु यावेमी इन तार शुश निन्‍द्रा पपाइक्‍ब सोक्‍ती मोइश्‍शो बाक्‍ब। मेकोमी गे परमप्रभु यावे आ लोव़ पाइब इन कली मिक्‍च मताइब सेल्‍तु। मिनु इन पिया सुम्‍तु।

यूहन्‍ना 9:39

येसुमी “गो निसाफ पचा कली रागीमी जाक्‍ती। मिक्‍च मताइबपुकीमी तामेक्‍ल। मिक्‍च ताइब चहिं मताइब दुम्‍मल” देंत। मत्ती १३:११-१५

प्रेरित 9:17

मिनु हनानीया लशा, यहूदा आ खिं जाक्‍दीश्‍शा ओव़शा, सावल तारी आ गुइ चाक्‍शा “आं लोक्‍ब सावल, गे यरूसलेम रे पिवेनु, लांमी इ तशो प्रभु येसुम सोइक्‍ताक्‍यी। मिनु मिक्‍च ताइब दुमो, परमप्रभु यावे आ सोक्‍तीम ब्रीशो दुमो” देंमेनु,

रोमी 11:25

आं लोक्‍बपुकी, आं शेंशो ख्रुइश्‍शो लोव़ रिम्‍शो पा रुप्‍तीनी हना, गे ठेयब मलेत्‍नीनी। योव़सीचा पुंइसीशो अर्को रागी ङा मुर आन कली आ मुर सेल्‍ने मथुमा सम्‍म परमप्रभु यावेमी इस्राएली आन कली येसु ख्रीस्‍त आ पर्बम मरुप्‍ब सेल्‍तीमी। यूहन्‍ना १०:१६

हिब्रू 10:31

मोपतीके ब्रोंइशा बाक्‍ब परमप्रभु यावे आ गुइ रे पा सजाइ गेचा पुंइसीचा चहिं नेल्‍ल क्‍येङा हिंचा ङा बाक्‍ब, दे तुइक्‍नय। हिब्रू १२:२९

२ पत्रुस 2:17

मेको दूली शेंबपुकी ब्‍वाक्‍कु मयीब धारा नु फशेम बेरपाइश्‍शो गोस्‍स खोदेंशो बाक्‍नीम। मेको नेल्‍ल क्‍येङा छिङछिङ ङा बाक्‍तीकेमी वोइक्‍चा पुंइसीनीम।

१ सामुएल 5:11

मोपतीके मेकोपुकीम पलिस्‍ती आन ठेयब मुर नेल्‍ल आन कली ग्रुम्‍शा लोव़ पचा कली ब्रेत्‍थ सोइक्‍तमे बाक्‍त। मिनु मेको आन कली “इस्राएली आन परमप्रभु आ कबल पशो सन्‍दोस आ बाक्‍तीकेम लेश्‍शा सोइक्‍तीन। मेको कली आ बाक्‍तीकेम चाक्‍दीतीन। मो मपाइतीनी हना, गो नेल्‍ल बेक्‍नय” देंमा बाक्‍त। सहर ङा मुर नेल्‍ल शुश हिंशो बाक्‍मा बाक्‍त। मारदे हना परमप्रभु शुश गाइश्‍शो बाक्‍माक्‍त।

१ सामुएल 5:9

मिनु गाथम लदमे नोले परमप्रभु यावेम मेको सहर ङा मुर आन कली शुश हिंचा ङा श्‍येत गेमी बाक्‍त। मेकेर ङा ठेयब रे आइक्‍च मुर नेल्‍ल आन कली गार मुतीक रोइ पपाइक्‍मी बाक्‍त।