प्रेरित 13:1 - Sunuwar Bible

¹ एन्‍टीओक सहर ङा थमा सुइक्‍ब आन दातेमी परमप्रभु यावे आ लोव़ पाइ‍ब नु शेंब का निक्‍शी यो बाक्‍मा बाक्‍त। मोदेंशो मुर सु सु बाक्‍मा बाक्‍त देंशा हना, बारनाबास, क्‍येर माइश्‍शो सिमियोन, साइरेनी ङा लुसीयस, पिप हेरोद आ गेय पाइब मानाएन नु सावल बाक्‍मा बाक्‍त। प्रेरित ११:२७; १कोरिन्‍थी १२:२८

प्रेरित 13:1 ပူးပေါင်းရင်းမြစ်များ

मत्ती 27:32

मिनु लना लन पामेनु, साइरेनी ङा सिमोन नें पाइश्‍शो मुर का ग्रुम्‍मे बाक्‍त। मिनु मेको कली येसु कली क्‍याइक्‍तीक शी “लो, कुर कि कुर” दे कुरपदमे बाक्‍त।

लूका 3:1

सिजर तिबेरीयुस आ हुकुम पशो १५ बर्स दुम्‍मेनु, इस्राएल रागीम सासन पाइब सु सु बाक्‍मा बाक्‍त देंशा हना, यहूदीया रागीम पन्तीयस पिलातस, गालील रागीम हेरोद, इतुरीया नु त्राकोनीतीस रागीम हेरोद आ लोक्‍ब फिलीप नु अबीलेने रागीम लुसानीयस बाक्‍मा बाक्‍त।

प्रेरित 11:30

मिनु नेल्‍लेमी दो दोशो चाप्‍मे, मो मोशो क्‍येट पोक्‍शा, यरूसलेममी बाक्‍ब थमा सुइक्‍ब आन शेंब खाल्‍पा आन कली गेचा नमी, दे बारनाबास नु सावल आस कली चोव़थ सोइक्‍तमे बाक्‍त। प्रेरित १२:२५; १कोरिन्‍थी १६:१-४

प्रेरित 12:25

बारनाबास नु सावल यरूसलेममी क्‍येट चोव़ने थुम्‍शा, एन्‍टीओक लेस्‍सा बाक्‍त। लेस्‍सानु, मर्कूस कली यो लदसे बाक्‍त। मर्कूस कली यूहन्‍ना नें यो वोइश्‍शो बाक्‍त। प्रेरित ११:२९-३०; प्रेरित १३:५

प्रेरित 13:9

सावल कली पावल यो देंनीमी। मिनु पावलमी चटक कोंइबमी हुकुम पाइब आ थुं हिरपाइक्‍चा माल्‍शो तुइश्‍शा, परमप्रभु यावे आ सोक्‍तीम ब्रीशा सक्ति पाइश्‍शो दुम्‍शा, चटक कोंइब कली मिक्‍च मयाक्‍थु कोव़स ङा कोव़स पा

प्रेरित 15:32

यहूदा नु सिलास परमप्रभु यावे आ लोव़ पाइब यो बाक्‍सा बाक्‍त। मिनु मेको निक्‍शीमी शुश लोव़ पा लोक्‍ब आन थुं बारपदसे बाक्‍त। प्रेरित ११:२७; प्रेरित १३:१

प्रेरित 15:35

पावल नु बारनाबास एन्‍टीओकम बाक्‍शा अरु नु गारशा, प्रभु आ लोव़ तुइक्‍पाइक्‍ना पाइक्‍न शेंना शेंन बाक्‍सा बाक्‍त।

प्रेरित 19:6

मिनु पावलमी आ गुइ आन पिया तारी वोदानु, परमप्रभु यावे आ सोक्‍तीम ब्रीमा बाक्‍त। मिनु आन मतुइश्‍शो लोव़ पा प्रभु कली ठेयब सेल्‍मे बाक्‍त। मिनु परमप्रभु यावे आ सोक्‍तीम गेशो लोव़ पामे बाक्‍त। प्रेरित ८:१७; प्रेरित १०:४४,४६

प्रेरित 21:9

फिलीप के ४ जना ग्‍युंबे मपशो तमी बाक्‍तेक्‍म। मेकोपुकी परमप्रभु यावे आ लोव़ पाइब बाक्‍तेक्‍म।

प्रेरित 4:36

मोदेंशो गेब का चहिं योसेफ माइश्‍शो मुर का बाक्‍माक्‍त। मेको योसेफ साइप्रस रागीमी जरमेशो लेवी आ थर ङा बाक्‍माक्‍त। सोइश्‍शोपुकीमी योसेफ आ याइनी नें बारनाबास वोइश्‍शो बाक्‍मा बाक्‍त। बारनाबास देंशो “आन थुं ग्‍येत्‍थ लुक्‍च दुम्‍शो मुर आन कली आन थुं नाइक्‍पाइक्‍ब” दे रुम्‍सीब। प्रेरित ११:२२-२६; प्रेरित १२:२५; प्रेरित १५:२; गलाती २:१कलस्‍सी ४:१०

प्रेरित 9:1

सावल मुल यो थमा सुइक्‍ब आन कली खेदा पा श्‍येत गेशा साइक्‍नुङमी देंना देंन गाक्‍बाक्‍माक्‍त। प्रेरित २२:३-१६; प्रेरित २६:९-१८; प्रेरित ८:३

रोमी 16:21

गो नु गेय पाइब तिमोथीमी इन कली “रिम्‍शो बाक्‍कीन” देंत। यहूदी जात ङा लुसीयस, यासोन, सोसीपाटर सांफामी यो इन कली “रिम्‍शो बाक्‍कीन” देंतेक्‍म। प्रेरित १६:१-३; प्रेरित १९:२२; फिलिप्‍पी २:१९-२२; प्रेरित १७:६; प्रेरित २०:४

१ कोरिन्‍थी 11:4

खुम्‍सीशा, प्रार्थना पनीनु, परमप्रभु यावेमी तुइक्‍पाइश्‍शो लोव़ पनीनु, वोंइश मुरपुकीमी पियामी मारेइ मसुम्‍सीचा। सुम्‍साक्‍नी हना, ख्रीस्‍त कली आइक्‍च सेल्‍शो खोदेंशो दुम्‍ब।

१ कोरिन्‍थी 13:2

गो नु परमप्रभु यावे आ लोव़ पतीक सक्ति, ख्रुइश्‍शो लोव़ नेल्‍ल रुप्‍‍तीक सक्ति, नेल्‍ल जोक्‍तीक तुइक्‍तीक सक्ति नु डांडा याक्‍पाइक्‍तीक थमा सुइक्‍तीके बाक्‍त हना, तन्‍न गो नु दाक्‍तीक मबाक्‍त हना, गो मारेइ मनङ। मत्ती ७:२२; मत्ती १७:२०

१ कोरिन्‍थी 13:8

दाक्‍तीक गेनायो मक्‍याम्‍सीब। परमप्रभु यावे आ लोव़ पतीक जाम्‍शा लाइब। परमप्रभु यावे आ सोक्‍त आ लोव़ यो नुप्‍ब। तुइक्‍तीक सक्ति नुप्‍शा लाइब।

१ कोरिन्‍थी 14:29

परमप्रभु यावे आ लोव़ पामेनु, निक्‍शीमी कि सांमी पामेक्‍ल। मिनु नेंबपुकीमी “मेको लोव़ परमप्रभु यावे आ लोव़ नु गारबा देय मगारबा?” दे नाक्‍चा माल्‍नीमी। प्रेरित १७:११; १थिस्‍सलोनिकी ५:२१

१ कोरिन्‍थी 14:32

परमप्रभु यावे आ लोव़ पाइब आन सोक्‍त मेको आन गुइम बाक्‍ब।

१ कोरिन्‍थी 9:6

शेंबपुकीम शेंशा जाइनीम। बारनाबास नु गो चहिं शेंशा गाक्‍स्‍कुनु, जचा मतथु, गेय पचा माल्‍नस्‍कु ङा? प्रेरित ४:३६; २थिस्‍सलोनिकी ३:७-९

गलाती 2:13

मोदेंशो पाइब आ ला ममाइ। यहूदी थमा सुइक्‍ब नेल्‍लेमी दिल्‍शा, जखु पा कोंइताक्‍म। बारनाबासमी यो आन पशो खोदेंशो पचा गोप्‍तु।

गलाती 2:9

गो थमा पा एको शेंतीक गेय कली योव़शो नङ, दे रुप्‍शा, याकूब, केफास नु यूहन्‍ना सांफामी बारनाबास नु आं कली “गो इं यहूदी आन कली शेंनीकी। गे निक्‍शी चहिं अर्को रागी ङा मुर आन कली शेंथ लसे” देंशा, ग्‍युरा गुइमी ग्‍याइश्‍शा, लोव़सी गारपाइक्‍तेक्‍म। यूहन्‍ना १:४२

एफिसी 4:11

मिनु येसु ख्रीस्‍तम मुर आन कली गेशो गेय मार बाक्‍ब देंशा हना, का निक्‍शी आ सोइश्‍शो दुम्‍नीम, का निक्‍शी परमप्रभु यावे आ लोव़ पाइब दुम्‍नीम, का निक्‍शी ग्‍येरपाइक्‍ब लोव़ नेंपाइक्‍ब दुम्‍नीम, का निक्‍शी थमा सुइक्‍ब आन कली कोव़ब नु शेंब दुम्‍नीम। १कोरिन्‍थी १२:२८; प्रेरित २१:८

फिलिप्‍पी 4:22

सिजर आ खिं ङा नु अरु थमा सुइक्‍ब नेल्‍लेमी यो इन कली “रिम्‍शो बाक्‍कीन” देंतेक्‍म। फिलिप्‍पी १:१३

१ थिस्‍सलोनिकी 5:20

परमप्रभु यावेमी तुइक्‍पाइश्‍शो लोव़ पचा गेन।