प्रेरित 12:3 - Sunuwar Bible

³ हेरोदमी “आं पशो तशा यहूदीपुकी ग्‍येरसीनीम” दे तुइश्‍शा, मोदेंशो खेदा पना पन ल‍माक्‍त। मिनु पत्रुस कली यो ग्‍याइक्‍पदा बाक्‍त। पत्रुस कली ग्‍याइक्‍पदानु, बोरब ओख्‍ती मसुप्‍शो शोब्‍ले जतीक चाड जाक्‍शो बाक्‍माक्‍त।

प्रेरित 12:3 ပူးပေါင်းရင်းမြစ်များ

भजन संग्रह 76:10

थमा पा, मुर आन गाइक्‍तीकेमी इन कली ठेयब सेल्‍ब। मिनु इच्‍का ली‍शो गाइक्‍तीकेमी इन कली ठेयब सेल्‍ब।

प्रस्‍थान 23:15

गो इन कली देंशो खोदेंशो पा, बोरब ओख्‍ती मसुप्‍शो शोब्‍ले ङा चाड मानेचा माल्‍नीनी। गेपुकी ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी। मेको आबीब महिनामी पचा माल्‍नीनी। मारदे हना गेपुकी आबीब महिनामी इजीप्‍त रागी रे ग्रूतीनी। आं ङोंइती श्‍येत्‍थ गुइ मजाक्‍कीन। प्रस्‍थान १२:१५-२०

मत्ती 26:17

मिनु बोरब ओख्‍ती मसुप्‍शो शोब्‍ले जची नाक्‍त येसु आ शेंसीबपुकीम “पास्‍सा मानेचा कली ते साचा, मार देंनीनी” दे हिल्‍लो पाम्‍तेक्‍म। प्रस्‍थान १२:१८-२०

यूहन्‍ना 12:43

मारदे हना मेकोपुकीमी “आंइ पर्बमी मुरपुकीमी मार देंनीमी” दे परमप्रभु यावे क्‍येङा मुरपुकी तशा हिंतेक्‍म। यूहन्‍ना ५:४४

यूहन्‍ना 19:11

मिनु येसुमी “इन के अधिकार बाक्‍ब। इन कली गेशो अधिकार चहिं इर रे गेशो बाक्‍ब। मोपतीके इन मरिम्‍शो पशो क्‍येङा आं कली साइक्‍चा कली वारच पाइब आ मरिम्‍शो पशो ठेयब बाक्‍ब” देंत।

यूहन्‍ना 21:18

नोफा दाइश्‍शा नेनो, गे ठिटा बाक्‍ङेनु, किप्‍शुर किम्‍सीशा, इ दाक्‍शो लां खोइक्‍तीवी। खाल्‍पा दुमेनु, इ गुइ हाम्‍नेवे। मिनु अर्कोमी इ कली किप्‍शुर किप्‍शा, इ मदाक्‍शो लां लाइक्‍ब” दे माइक्‍तु।

प्रेरित 12:4

मोपतीके पास्‍सा चाड थुम्‍शा, मुर आन ङोंइती राप्‍पाइक्‍चा, दे जेल्‍खानमी चोक्‍शा, ४, ४ जना पालो पालो पा बाक्‍कीन, दे १६ जना सिपाही वोइक्‍पदा बाक्‍त।

प्रेरित 2:14

मिनु पत्रुसमी सोइश्‍शोपुकी नु राप्‍शा, मुर आन कली “इं यहूदी नु यरूसलेममी बाक्‍बपुकी, आं लोव़ रुप्‍चा कली नोफा दाइश्‍शा नेनीने।

प्रेरित 20:6

बोरब ओख्‍ती मसुप्‍शो शोब्‍ले जची नाक्‍त लाक्‍शा, फिलिप्‍पी सहर रे जहाज ङोइश्‍शा, ५ नाक्‍त नोले त्रोआस सहरमी जाक्‍दीत्‍तक। मेकेर आंइ वारच आन कली ग्रुम्‍शा, ७ नाक्‍त मेक उइ बाक्‍तक।

प्रेरित 24:27

मोपा ब्रेत्‍ता ब्रेत्‍ता बर्स निक्‍शी योल्‍माक्‍त। मिनु फेलीक्‍स अर्को रागीमी याक्‍से बाक्‍त। आ पा ङा हुकुम पाइब पोरसीयस फेस्‍तस जाक्‍माक्‍त। फेलीक्‍समी यहूदी आन कली ग्‍येरपाइक्‍चा, दे पावल आ मुददा मख्रोइक्‍थु, चोक्‍स ङा चोक्‍स वोइश्‍शा गाक्‍माक्‍त।

प्रेरित 25:9

फेस्‍तसमी यहूदी आन कली ग्‍येरपाइक्‍चा दाक्‍ता बाक्‍त। मोपतीके पावल कली “गे यरूसलेम लचा दाक्‍नेवे? इ मुददा मेरेन कोव़शा गेनन, दुम्‍बा?” दे हिल्‍लो पवा बाक्‍त।

प्रेरित 4:13

पत्रुस नु यूहन्‍ना शुश मशेंसीशो बाक्‍ताक्‍स हना यो, जोक्‍ब तुइक्‍ब खोदेंशो पा महिंथु, ठेयब थुं पा लोव़ पाम्‍से बाक्‍त। मेको लोव़ नेंशा, कछडी पाइबपुकी छक लाक्‍मा बाक्‍त। मिनु मेको निक्‍शी थमा पा येसु नु काथा गाक्‍ब काथा बाक्‍ब बाक्‍सा बाक्‍त, दे तुइक्‍तमे बाक्‍त।

गलाती 1:10

मार, गो मुर आन थुं नुपाइक्‍चा माल्‍नुङा ङा? गो परमप्रभु यावे आ थुं कका नुपाइक्‍चा माल्‍नुङ। गो मुर आन थुं नुपाइक्‍तीके लोव़ पाता हना, ख्रीस्‍त आ गेय पाइब माइक्‍चा मपुंइसीनुङ। १थिस्‍सलोनिकी २:४-६

१ थिस्‍सलोनिकी 2:4

परमप्रभु यावेमी आंइ कली ग्‍येरपाइक्‍ब लोव़ शेंचा, दे शेंब सेल्‍तीकी। मोपतीके गोपुकी मुर आन दाक्‍शो लोव़ मशेंथु, परमप्रभु यावे आ दाक्‍शो लोव़ शेंशा गाक्‍तक। मेकोमी आंइ थुं कली नाक्‍शा कोव़ब। गलाती १:१०