प्रेरित 12:24 - Sunuwar Bible

²⁴ परमप्रभु यावे आ लोव़ तेइ तेइ ब्रशा, शुश मुर थमा सुइक्‍ब दुम्‍मा बाक्‍त। प्रेरित ६:७

प्रेरित 12:24 ပူးပေါင်းရင်းမြစ်များ

हितोपदेस 28:28

परमप्रभु यावे आ अरेशो मटीबपुकी ठेयब मुर दुम्‍तेक्‍म हना, मुरपुकी ख्रुंइसी‍नीम। मिनु मेको बेक्‍तेक्‍म हना, ठीक पाइब मुर सोशा बोशा शुश दुम्‍नीम।

यसैया 55:10

सरीङ रे रेउ नु फुं यिशा, मोशीन मलेप्‍ब। मेकोमी खप जिप्‍पाइश्‍शा बाली नाली ग्रेल्‍पाइक्‍ब। शोक्‍ब कली वांचेर गेशा, मुर आन कली जचा गेब।

दानीएल 2:24

मिनु दानीएल बेबीलोन रागी ङा जोक्‍ब तुइक्‍ब मुर नेल्‍ल आन कली साइक्‍चा, दे योव़चा पुंइसीशो मुर अरयोक आ बाक्‍तीकेमी लशा, मेको कली “बेबीलोन रागी ङा जोक्‍ब तुइक्‍ब मुर आन कली मसतीन। आं कली पिप आ ङोंइती चाक्‍दीय्‍यीनी। मिनु गो पिप कली आ ङोमु शोव़नुङ। मिनु मेको रे मार रुम्‍सीबा नेल्‍ल शेंनुङ” देंत।

दानीएल 2:44

मेको पिप आन पालामी स्‍वर्ग ङा परमप्रभुमी अर्को राज्‍य का सेल्‍ब। मेको राज्‍य गेनायो ब्रोल चिल मदुम्‍ब। मेको राज्‍य ङा मुर खाल का ङा बाक्‍नीम। मेकोमी अरु राज्‍य नेल्‍ल आन कली रोब चिब पा थुम्‍पाइक्‍ब। तन्‍न मेको आ राज्‍य गेना हना यो लीब। दानीएल १४:२७; यसैया ९:६; १कोरिन्‍थी १५:२४; प्रकाश ११:१५

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०

प्रेरित 11:21

मोदेंशो शेंब आन कली प्रभुमी सक्ति गेवा बाक्‍त। मिनु मेको आन लोव़ नेंशा, शुश मुरुमी थमा सुइश्‍शा, आन थुं प्रभु गे हिरदमे बाक्‍त। प्रेरित २:४७

प्रेरित 19:20

मिनु परमप्रभु यावे आ लोव़ तेइ तेइ ब्रशा सक्ति पाइश्‍शो दुम्‍शा बारना बारन लमाक्‍त। प्रेरित १२:२४

प्रेरित 5:39

परमप्रभु यावे आ पशो बाक्‍त हना चहिं, गेपुकीमी तेक्‍शा यो मतेक्‍सीब। मेको ला ममाइ। गेपुकी परमप्रभु यावे कली मरिम्‍शो पाइब दुम्‍नीनी” दे माइक्‍मी बाक्‍त।

प्रेरित 6:7

मिनु परमप्रभु यावे आ लोव़ तेइ तेइ बारना बारन ल‍माक्‍त। यरूसलेममी शुश मुर येसु ख्रीस्‍त कली थमा सुइक्‍ब दुम्‍शा, तेम्‍सीन सीन बारना बारन लमा बाक्‍त। चढ़ेब शुश यो थमा सुइक्‍ब दुम्‍मा बाक्‍त। प्रेरित २:४७; प्रेरित १९:२०

कलस्‍सी 1:6

इन सहर नु नेल्‍ल अरु सहर ङा मुरपुकीमी यो मेको ग्‍येरपाइक्‍ब लोव़ नेंतेक्‍म। इन दातेमी दोदेंशो पा बारशा लमे, मोदेंशो पा रागी नेल्‍लेमी बारना बारन लत। गेपुकीमी मेको लोव़ नेंशा, परमप्रभु यावे आ शिशी थमा पा रुप्‍‍नी नाक्‍त रेन मेको लोव़ बारना बारन लत।

२ थिस्‍सलोनिकी 3:1

मिनु आंइ लोक्‍बपुकी, आंइ कली मिम्‍शा, प्रार्थना पने। आंइ पर्बम परमप्रभु यावे कली मार पुंइचा देंशा हना, इन दातेमी खोदेंशो पा, प्रभु आ लोव़ तेइ तेइ साव सुव ब्रशा लल। एफिसी ६:१८-१९; कलस्‍सी ४:३; १थिस्‍सलोनिकी ५:२५