प्रेरित 12:20 - Sunuwar Bible

²⁰ पिप हेरोद मेकेर बाक्‍मेनु, टायर नु सीदोन सहर ङा मुर आन कली तशा चुरमाक्‍त। मोपतीके मेकोपुकीमी मुर निक्‍शी का योव़शा, ब्‍लास्‍तस नें पाइश्‍शो पिप आ ठेयब गेय पाइब मुर नु गारशा, पिप कली ग्रुम्‍थ जाक्‍मा बाक्‍त। मिनु मेकोपुकीमी “दुशा गारशा बाक्‍य, सरकार” दे सेउ पदमे बाक्‍त। मारदे हना पिप हेरोद आ रागी रे मचाक्‍थु जचा मजाक्‍दीम्‍माक्‍त। इजीकीएल २७:१७

प्रेरित 12:20 ပူးပေါင်းရင်းမြစ်များ

उत्पत्ती 10:15

मिनु कनानमी आ ङोंइती ङा तौ सीदोन नु नोले हेथ थि‍माक्‍त।

उत्पत्ती 10:19

कनान ङा मुर आन रागी सीदोन रे गेरार गे नु गाजा सम्‍म दुम्‍माक्‍त। सोदोम नु गोमोररा गे अदमाह, सेबोयीम नु लाशा सहर सम्‍म दुम्‍माक्‍त।

२ इतिहास 2:10

गो इन गेय पाइब रवा तिम्‍ब आन कली २० हजार कोर हिल्‍शो चेरब, २० हजार कोर क्‍योव़ज, २० हजार बाथ अङगुर शांबु नु २० हजार बाथ तेल गेनुङमी” दे लोव़ कुरब मुर सोइक्‍ता बाक्‍त। कोर का २२० लिटर पुक्‍तीके बाक्‍ब। बाथ का २२ लिटर बाक्‍ब।

२ इतिहास 2:15

इन ब्रेक्‍शो खोदेंशो पाइन गेय पाइब आन कली चेरब, क्‍योव़ज, तेल नु अङगुर शांबु सोइक्‍तीन।

एज्रा 3:7

मिनु मेकोपुकीमी गारो प्रोव़ब नु शी के गेय पाइब आन कली क्‍येट गेम्‍तेक्‍म। मिनु पारसी ङा पिप कोरेसमी देंशो खोदेंशो पा सीदोन नु टायर ङा मुर आन कली लेबानोन ङा लाइश्‍शो रवा आ शी समुन्‍द्र रे पा योप्‍पा सम्‍म चाक्‍चा कली जचा तूचा थोव़क नु तेल गेम्‍तीमी। १राजा ५:१६-२५

हितोपदेस 17:14

दोपा प्रोंइशो ब्‍वाक्‍कु बोल पा शाइक्‍बा, मोपा जिचा पोक्‍तीक बाक्‍ब। मोपतीके जिचा ठेयब दुम्‍चा क्‍येङा ङोंइती मेको कली तेक्‍कीन।

हितोपदेस 20:18

अर्ती नेंब मुर आ मिम्‍शो रिम्‍शो दुम्‍ब। जोक्‍ब तुइक्‍ब आन लोव़ नेंशा ला लडाइ पावो। हितोपदेस २४:६

हितोपदेस 25:8

गे मार मरिम्‍शो ताप्‍तीवी हना यो, रीब पा निसाफ पतीकेमी मलावो। मारदे हना इ नेक्‍था ङा मुरुम इ कली मुने तोक्‍ते हना, मार पाइनेवे। लूका १४:७-११

उपदेसक 10:4

इ ठेयब मुर इ तशा गाइक्‍ताक्‍व हना यो, इ गेय प‍चा मप्रोनो। सिक्‍सी पा बाक्‍शोनु, ठेयब मरिम्‍शो प‍शो यो जाम्‍शा लाइब।

इजीकीएल 27:17

यहूदा नु इस्राएल ङा मुरपुकीम गे नु ग्‍याप्‍तीक लेयतीक गेय पाम्‍तेक्‍म। मेकोपुकीम मिन्‍नीथ ङा चेरब, फोव़शी रवा आन फल, खुदो, तेल नु ख्रेक्‍तीक चाक्‍शा इ मार मार नु फाइक्‍तेक्‍म।

लूका 16:8

मिनु जेर लाइक्‍ब नेल्‍ल आन के नक कागज सेल्‍शा, होव़प कली कोंइदा बाक्‍त। मिनु मेकोमी कोव़शा ‘गे मेको आन कली वारच सेल्‍शा, निप्‍स पाइश्‍शो गेय पा कोंइताक्‍यी’ देंमाक्‍त। रागीमी थमा सुइक्‍ब क्‍येङा थमा मसुइक्‍बपुकीमी निप्‍स पाइश्‍शो गेय पाइनीम। एफिसी ५:८-९

प्रेरित 12:21

मिनु काबु पिप हेरोदमी रकारी वा फेक्‍शा, आ ठेयब नित्‍तीकेमी निश्‍शा, मेको आन कली आ लोव़ नेंपाइक्‍मी बाक्‍त।

प्रेरित 21:3

साइप्रस टापु तांइसीतीक जाक्‍दीश्‍शा, साइप्रस गे मलथु, आइदी रे पा ग्रीशा लशा, सिरीया रागी ङा टायर सहरमी जाक्‍दीश्‍शा तोंइ‍साक्‍क। मारदे हना मेको जहाजमी कुर‍शो भारी शोल्‍चा माल्‍शो बाक्‍त।

प्रेरित 21:7

मिनु टायर रे लशा, तोलेमाइस जाक्‍दीश्‍शा तोंइ‍साक्‍क। मिनु थमा सुइक्‍ब आन कली ग्रुम्‍थ लशा, काबु काथा बाक्‍तक।

यहोसु 19:29

मिनु मेको सांद रामाह नु गारो पाइश्‍शो टायर सहर गे हिरशो बाक्‍त। मेको सांद लशा, होसाह गे समुन्‍द्र आ नेक्‍था ङा अक‍जीब सहरमी नुप्‍शो बाक्‍त। यहोसु १५:४४; न्‍यायाधीस १:३१