प्रेरित 12:17 - Sunuwar Bible

¹⁷ मिनु पत्रुस ओव़शा आ गुइ हिक्‍शा, आ शोव़ थीप थीप पा सिक्‍सी पा नेनीन देंशा, दोपा प्रभुमी जेल्‍खान रे प्रोंइशा सोइक्‍ता, मेको नेल्‍ल तुइक्‍पाइक्‍मी बाक्‍त। मिनु “याकूब नु इं थमा सुइक्‍ब लोक्‍ब नेल्‍ल आन कली एको लोव़ नेंपतीन, है” देंशा, मेकेर रे गाक्‍माक्‍त।

प्रेरित 12:17 ပူးပေါင်းရင်းမြစ်များ

भजन संग्रह 146:7

मेकोमी दिप्‍चा पुंइसीब आन कली ठीक निसाफ पाइब। शोव़लु बेक्‍शो आन कली जचा गेब। परमप्रभु यावेमी चोक्‍चा पुंइसीशो आन कली प्रोंइब।

भजन संग्रह 66:16

परमप्रभु कली मान पा हिंबपुकी, नेल्‍ल जाक्‍शा नेनीन। मेकोमी आं पर्बम मार पवा, मेको गो इन कली शेंनुङ।

मत्ती 10:23

सहर कामी खेदा पाम्‍तेक्‍म हना, प्रोक्‍शा अर्को सहरमी जाक्‍दीश्‍शा बाक्‍कीन। नोफा दाइश्‍शा नेनीने, रागीम जरमेशो मजाक्‍म सम्‍म इस्राएल ङा सहर नेल्‍ल हिरशा मग्रुम्‍नीनी। प्रेरित ८:१; मत्ती १६:२८

मर्कूस 6:3

शी मुइब ममाइ ङा? मरीयम आ तौ ममाइ ङा? याकूब, योसेस, यहूदा नु सिमोन आन लोक्‍ब ममाइ ङा? आ लोक्‍बपुकी गोपुकी नु मबाक्‍नीमी ङा?” दे आन थुं मनुशो लोव़ पमुमा बाक्‍त। यूहन्‍ना ६:४२

लूका 1:22

मिनु नोले जकरिया ग्रूशा “लोव़ पङ” देंमेनु, काइ लोव़ पने मचबा बाक्‍त। मिनु गुइ चाल पवा बाक्‍‍त। मिनु लाङगाम बाक्‍बपुकीमी “मेकोम परमप्रभु यावे कली ग्रुमा बाक्‍त” दे तुइक्‍तमे बाक्‍त।

यूहन्‍ना 10:40

येसु लेंशा यर्दन खोला आइक्‍ची हांबु लशा बाक्‍माक्‍त। ङोंइती मेकेर यूहन्‍नामी ब्‍वाक्‍कुमी ख्रुम्‍शा ग्रुंइतीक गेय पशो बाक्‍माक्‍त। यूहन्‍ना १:२८

यूहन्‍ना 11:54

मोपतीके येसु यहूदीपुकी नु मबाक्‍थु, गोरशो रागी आ नेक्‍थान एफ्राइम सहर लत। मिनु मेकेर आ शेंसीबपुकी नु बाक्‍त। २सामुएल १३:२३

यूहन्‍ना 13:24

मिनु सिमोन पत्रुसमी मेको कली “सु आ पर्बम लोव़ पवा, हिल्‍लो पावो। मिनु आंइ कली देनो” देंत।

यूहन्‍ना 7:1

मिनु नोले येसु गालील रागीमी हिरना हिरन बाक्‍त। मारदे हना यहूदीपुकीमी येसु कली साइक्‍चा माल्‍‍तीके यहूदीया रागीमी लचा मदाक्‍शो बाक्‍माक्‍त। यूहन्‍ना ४:४३

यूहन्‍ना 8:59

मिनु यहूदीपुकीमी “फुल्‍लु आप्‍शा साइक्‍चा” दे फुल्‍लु गुप्‍तेक्‍म। तन्‍न येसु ख्रुंइसाक्‍व। मिनु परमप्रभु यावे आ खिं रे ग्रूशा गाक्‍त। यूहन्‍ना १०:३१

प्रेरित 1:15

मिनु काबु नाक्‍त पत्रुस थमा सुइक्‍ब सहे का २० जना मुर आन दातेमी बाक्‍मा बाक्‍त। यूहन्‍ना २१:१५-१९

प्रेरित 12:16

मोपा लोव़ पना पन बाक्‍मानु, पत्रुसमी लाप्‍चो ख्रोकोल पाइक्‍स ङा पाइक्‍स बाक्‍माक्‍त। मिनु नोले लाप्‍चो रोक्‍शा कोव़ङमेनु, पत्रुस कली तशा “आल्‍लेइ” दे छक लाक्‍मा बाक्‍त।

प्रेरित 12:18

जेल्‍खानमी चहिं मार दुम्‍माक्‍त देंशा हना, सुनी कना सिपाही नु खाल पाइबपुकीमी पत्रुस कली मतामे बाक्‍त। मिनु शुश हिंशा, मार दुम्‍मे, ते लाक्‍गा, दे वाइ की ब्रेम्‍मा बाक्‍त। प्रेरित ५:२१-२२

प्रेरित 13:16

मिनु पावल राप्‍शा “इस्राएली नु परमप्रभु यावे कली मान पा हिंबपुकी, इन नोफा दाइश्‍शा, नेनीन।

प्रेरित 15:13

मेको लोव़ पने थुम्‍से नोले याकूबमी “आं लोक्‍बपुकी, इन नोफा दाइश्‍शा, आं लोव़ नेनीने। प्रेरित २१:१८; गलाती २:९

प्रेरित 16:40

मिनु जेल्‍खान रे ग्रूशा, लिडीया आ खिं जाक्‍ताक्‍स। मिनु पावल नु आ वारचपुकीमी थमा सुइक्‍ब आन कली ग्रुम्‍शा, आन थुं बारपाइश्‍शा वोइश्‍शा गाक्‍तेक्‍म।

प्रेरित 19:33

मिनु यहूदीपुकीमी पोक्‍शो अलेकजन्‍डर कली हुल आन ङोंइती राप्‍पाइश्‍शा “लो, लोव़ पावो” दे मदमेनु, मेकोमी आ गुइ हिम्‍शा “सिक्‍सी पा आं लोव़ नेनीने, नेल्‍ल रुप्‍पाइक्‍नन्‍नी” देंमाक्‍त।

प्रेरित 21:18

जाक्‍दीश्‍शो आ दीसा पावलमी आंइ कली याकूब आ खिं लाइश्‍शा, थमा सुइक्‍ब आन कली शेंब खाल्‍पा नु ग्रुम्‍पाइक्‍तु। प्रेरित १५:१३

प्रेरित 21:40

मिनु लडाइ पाइब आन ठेयब मुरुमी “लो, लोव़ पचा गेनन” देंमाक्‍त। मिनु पावल ग्रूशा तला तारी ङा लाङगाम राप्‍शा “लो, सिक्‍सी पा आं लोव़ नेनीने” दे गुइ हिक्‍ता बाक्‍त। मिनु पावलमी हिब्रू लोव़ पा, मुर नेल्‍ल सिक्‍सी पामे बाक्‍त।

प्रेरित 28:15

रोम सहरमी बाक्‍ब थमा सुइक्‍ब लोक्‍ब ते गुम्‍थ जाक्‍चाम्‍तेक्‍म देंशो नेंशा, सां-पाटी नु अप्‍पीयस बजारमी ग्रुम्‍थ जाक्‍तेक्‍म। पावलमी मेको थमा सुइक्‍ब आन कली तशा, आ थुं बारशा, परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍तु।

१ कोरिन्‍थी 15:7

नोले याकूब कली तपांइसाक्‍व। मिनु आ सोइश्‍शो शेंसीब नेल्‍ल आन कली यो तपांइसाक्‍व। लूका २४:५०

गलाती 1:19

मेना ख्रीस्‍त आ सोइश्‍शो सुइ आन कली मग्रुमुमी। प्रभु आ लोक्‍ब याकूब चहिं ग्रुम्‍ता। मत्ती १३:५५

गलाती 2:12

ङोंइती मेकोमी अर्को रागी ङा थमा सुइक्‍ब नु काथा जशा, नोले याकूबमी सोइश्‍शो वारच का निक्‍शी जाक्‍मा रे यहूदीपुकी नु ला जचा गोप्‍तु। मारदे हना यहूदी जात ङा थमा सुइक्‍बपुकीमी आ कली मोदेंशो पा जशो तशा, मरिम्‍शो सुइक्‍नीम, आ लोव़ यो मनेंनीम, दे हिंशा मो पाप्‍तु। प्रेरित ११:२-३

गलाती 2:9

गो थमा पा एको शेंतीक गेय कली योव़शो नङ, दे रुप्‍शा, याकूब, केफास नु यूहन्‍ना सांफामी बारनाबास नु आं कली “गो इं यहूदी आन कली शेंनीकी। गे निक्‍शी चहिं अर्को रागी ङा मुर आन कली शेंथ लसे” देंशा, ग्‍युरा गुइमी ग्‍याइश्‍शा, लोव़सी गारपाइक्‍तेक्‍म। यूहन्‍ना १:४२

याकूब 1:1

गो, याकूब, परमप्रभु यावे नु प्रभु येसु ख्रीस्‍त आस वाइल नङ। गो ब्रशा बाक्‍शो १२ थर ङा यहूदी इन कली नमो पाइनुङ। गे रिम्‍शो बाक्‍कीन।