प्रेरित 12:15 - Sunuwar Bible

¹⁵ मोदेंशो नेंशा “गे मार निप्‍स ग्‍यशो लोव़ पवी?” दे आ देंशो थमा मसुदमे बाक्‍त। रोदामी चहिं लोव़ थोक्‍शा, “थमान पत्रुस जाक्‍त” देंमेनु “मो हना पत्रुस ममाइ। पत्रुस कली कोव़ब परमप्रभु यावे आ स्‍वर्ग ङा गेय पाइब बाक्‍म माइ?” देंमा बाक्‍त।

प्रेरित 12:15 ပူးပေါင်းရင်းမြစ်များ

उत्पत्ती 48:16

आं कली श्‍येत रे प्रोंइब परमप्रभु यावे आ स्‍वर्ग ङा गेय पाइबम एको वोंइश आल आस कली आसीक गेवल। मिनु एको आस पतीके आं नें नु आं किकी पिपी अब्राहाम नु इसहाक आस नें मप्रेंसेक्‍ल। एको निक्‍शी रे पा रागीमी शुश दुम्‍मल” दे आसीक गेम्‍सी बाक्‍त। उत्‍पत्ती ३२:२५-३०; यसैया ४१:१४

अय्‍युब 9:16

गो मेको कली ब्रेत्‍तुनु, लोव़ लेत्‍ताक्‍यी हना यो, मेकोम आं लोव़ नेंतु, दे थमा मसुइक्‍नुङ।

मत्ती 18:10

होस पांइसीने, आल आन कली आइक्‍च मसेलीने। नोफा दाइश्‍शा नेनीने, आल आन कली कोव़ब परमप्रभु यावे आ स्‍वर्ग ङा गेय पाइबपुकी स्‍वर्गम बाक्‍ब आं आफ आ ङोंइती बाक्‍नीम।

मर्कूस 16:11

मेकोपुकीमी मरीयम आ लोव़ थमा मसुदमे बाक्‍त।

मर्कूस 16:14

मिनु नोले आ शेंसीब ११ जनामी खमे जना जन बाक्‍मानु, येसुमी मेको आन कली तपांइसे बाक्‍त। मिनु “मुल सम्‍म रुप्‍चा थुं मपनी? मुल यो थमा मसुइय्‍‍यीनी?” दे हुइक्‍तीमी बाक्‍त। मारदे हना “बेक्‍शो रे सेंसीशा ब्रोंइशो आंइ मिक्‍चीमी ताइतक” देंब आन लोव़ थमा मसुइश्‍शो बाक्‍मा बाक्‍त। १कोरिन्‍थी १५:५

लूका 22:59

मिनु घन्‍टा का नोले अर्कोमी यो “मेरे नु काथा गाक्‍ब का एकोन बाक्‍ब। मारदे हना एको यो गालील ङा बाक्‍ब” देंमाक्‍त।

लूका 24:11

येसु आ शेंसीबपुकीमी मीश मुर आन लोव़ नेंशा “एको मीश मुर आन लोव़ बाक्‍ब” दे थमा मसुदमे बाक्‍त।

प्रेरित 12:16

मोपा लोव़ पना पन बाक्‍मानु, पत्रुसमी लाप्‍चो ख्रोकोल पाइक्‍स ङा पाइक्‍स बाक्‍माक्‍त। मिनु नोले लाप्‍चो रोक्‍शा कोव़ङमेनु, पत्रुस कली तशा “आल्‍लेइ” दे छक लाक्‍मा बाक्‍त।

प्रेरित 26:24

मोपा लोव़ पना पन लदानु, हुकुम पाइब फेस्‍तसमी आ लोव़ ख्रोइश्‍शा “पावल, गे बौला, शुश शेंसीशा जोक्‍ब तुइक्‍ब दुम्‍शा, निप्‍स ग्‍यशो कका दु‍मे बाक्‍त” दे ठेयब सेंदा पा देंमेनु,