प्रेरित 12:12 - Sunuwar Bible

¹² मेको तुइश्‍शा मर्कूस, यूहन्‍ना नें यो वोइश्‍शो, आ ममा मरीयम आ खिं गे लमाक्‍त। मरीयम आ खिंमी थमा सुइक्‍ब शुश खुम्‍सीशा, प्रार्थना पना पन बाक्‍शो बाक्‍मा बाक्‍त। प्रेरित १२:२५; प्रेरित १३:५,१३; प्रेरित १५:३७

प्रेरित 12:12 ပူးပေါင်းရင်းမြစ်များ

यसैया 65:24

मिनु गो मेको आन पुंइचा क्‍येङा ङोंइती, लोव़ लेत्‍नुङमी। आन लोव़ पन पना नेंनुङ। यसैया ३०:१९; यसैया ५८:९

प्रेरित 12:25

बारनाबास नु सावल यरूसलेममी क्‍येट चोव़ने थुम्‍शा, एन्‍टीओक लेस्‍सा बाक्‍त। लेस्‍सानु, मर्कूस कली यो लदसे बाक्‍त। मर्कूस कली यूहन्‍ना नें यो वोइश्‍शो बाक्‍त। प्रेरित ११:२९-३०; प्रेरित १३:५

प्रेरित 12:5

पत्रुस जेल्‍खानमी चोक्‍सीशा बाक्‍मेनु, थमा सुइक्‍ब नेल्‍ल थुं का दुम्‍शा “पत्रुस कली कोव़ङीने, प्रोंइशा सोइक्‍तीने” दे प्रार्थना पा बाक्‍मा बाक्‍त।

प्रेरित 13:13

मिनु पावल नु आ वारचपुकी पाफोस सहरमी जहाज ङोइश्‍शा समुन्‍द्र शोक्‍शा, पाम्‍फीलीया रागी ङा पेरगा सहरमी जाक्‍दीम्‍मा बाक्‍त। यूहन्‍ना मर्कूस चहिं पावल नु बारनाबास आस कली प्रोंइशा, यरूसलेम लेम्‍माक्‍त। प्रेरित १५:३८

प्रेरित 13:5

मिनु सलामीस सहर जाक्‍दीश्‍शा, यहूदी आन ग्रुम्‍तीक खिं लशा, परमप्रभु यावे आ लोव़ शेंदसे बाक्‍त। एन्‍टीओक रे काथा गाक्‍शा, यूहन्‍ना मर्कूसमी मेको आस कली वारच पस ङा पस बाक्‍माक्‍त। प्रेरित १२:१२,२५

प्रेरित 16:40

मिनु जेल्‍खान रे ग्रूशा, लिडीया आ खिं जाक्‍ताक्‍स। मिनु पावल नु आ वारचपुकीमी थमा सुइक्‍ब आन कली ग्रुम्‍शा, आन थुं बारपाइश्‍शा वोइश्‍शा गाक्‍तेक्‍म।

प्रेरित 4:23

मिनु पत्रुस नु यूहन्‍ना प्रोंइचा पुंइसीशा, वारच आन कली ग्रुम्‍थ लसा बाक्‍त। मिनु सु सुमी मार मार पवा, मार मार देंमा, मेको नेल्‍ल शोव़ङसे बाक्‍त।

कलस्‍सी 4:10

गो नु ग्‍याइक्‍चा पुंइसीब वारच अरीस्‍तारकसमी इन कली “रिम्‍शो बाक्‍कीन” दे आं कली ब्रेक्‍पाइक्‍ती। बारनाबास आ लोक्‍ब मर्कूसमी यो इन कली “रिम्‍शो बाक्‍कीन” देंत। मेको जाक्‍मेनु, रिम्‍शो पा बाक्‍चा गेने। मेको आ पर्बम इन कली ङोंइती तुइक्‍पाइक्‍तन्‍नी। प्रेरित १९:२९; प्रेरित २७:२; प्रेरित १२:१२,२५

२ तिमोथी 4:11

लूका ला गो नु बाक्‍ब। मर्कूस कली गे पिश्‍शा पिवो। मारदे हना मेको आं कली वारच पाइब बाक्‍ब। प्रेरित १५:३७; कलस्‍सी ४:१०

फिलेमोन 1:24

गो नु काथा गाक्‍ब येसु आ लोव़ शेंब मर्कूस, अरीस्‍तारकस, डेमास नु लूकामी यो इन कली “रिम्‍शो बाक्‍कीन” देंतेक्‍म।

१ पत्रुस 5:13

इन खोदेंशो बेबीलोनम बाक्‍शो योव़शोपुकीमी यो इन कली “रिम्‍शो बाक्‍कीन” दे आं कली ब्रेक्‍पाइक्‍तीमी। मिनु आं तौ मर्कूसमी यो मो देंत। २तिमोथी ४:११