प्रेरित 12:10 - Sunuwar Bible

¹⁰ मिनु कोठा रे ग्रूशा, ङोंइती बाक्‍ब खाल पाइब कली लाक्‍शा, नोले बाक्‍ब कली यो लाक्‍शा, फलाम के सेल्‍शो ठेयब लाप्‍चो जाक्‍दीस्‍सा बाक्‍त। मेकेर जाक्‍दीस्‍सानु, लाप्‍चो रोक्‍से बाक्‍त। मिनु ग्रूशा गाक्‍सा बाक्‍त। मिनु लां का लाग्‍सेनु, परमप्रभु यावे आ स्‍वर्ग ङा गेय पाइबमी पत्रुस कली प्रोंइशा गाक्‍माक्‍त।

प्रेरित 12:10 ပူးပေါင်းရင်းမြစ်များ

उत्पत्ती 40:3

मिनु मेको निम्‍फा आस कली नेल्‍ल क्‍येङा ठेयब गेय पाइब आ जेल्‍खानमी चोक्‍सी बाक्‍त। मेकेर योसेफ यो बाक्‍शो बाक्‍माक्‍त।

उत्पत्ती 42:17

मेको नेल्‍ल आन कली नाक्‍त सां सम्‍म जेल्‍खानम चोक्‍मी बाक्‍त। उत्‍पत्ती ३७:२४

यसैया 21:8

मिनु कोव़ब मुरुमी गुप्‍स खोदेंशो पा, ठेयब सेंदा पा “परमप्रभु, गो नाक्‍दो नाक्‍ती खाल पतीकेमी खाल पा राप्‍शा बाक्‍शो बाक्‍नुङ।

गन्‍ती 15:34

मिनु मेको कली मार पाइक्‍चा माल्‍बा मतुइक्‍तीके चोक्‍शा वोइक्‍तेक्‍म। लेवी २४:१२

यूहन्‍ना 20:19

मेको साता ङा ङोंइती नाक्‍त नां रिक्‍चावानु, येसु आ शेंसीबपुकी यहूदी आन क्‍येङा हिंशा, लाप्‍चो चोक्‍शा, खिं गाम बाक्‍तेक्‍म। मिनु येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।

यूहन्‍ना 20:26

मिनु मेको मो दुम्‍शो साता का नोले येसु आ शेंसीबपुकी लेंशा खिं आगाम बाक्‍तेक्‍म। मेना थोमास यो मेकोपुकी नु काथा बाक्‍शो बाक्‍त। लाप्‍चो चोक्‍शा, आगाम बाक्‍मानु, येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।

प्रेरित 12:4

मोपतीके पास्‍सा चाड थुम्‍शा, मुर आन ङोंइती राप्‍पाइक्‍चा, दे जेल्‍खानमी चोक्‍शा, ४, ४ जना पालो पालो पा बाक्‍कीन, दे १६ जना सिपाही वोइक्‍पदा बाक्‍त।

प्रेरित 16:26

मिनु प्रार्थना नु कुम्‍सो पना पन बाक्‍सानु, ठेयब ख्रिनु कुशा, जेल्‍खान ङा जग यो हिम्‍पदा बाक्‍त। ख्रिनुमी हिम्‍दानु, लाप्‍चो नेल्‍ल रोक्‍समा बाक्‍त। जेल्‍खानमी चोक्‍सीशो आन साङलो, ठेंङरो नेल्‍ल ब्रुइक्‍मा बाक्‍त।

प्रेरित 5:19

मिनु मेको नाक्‍दो परमप्रभु यावे आ स्‍वर्ग ङा गेय पाइब कामी लाप्‍चो रोक्‍शा, मेको आन कली ग्रुंइदीमी बाक्‍त। प्रेरित १२:७

प्रकाश 3:7

मिनु येसु ख्रीस्‍तमी आं कली फिलाडेल्‍फीया सहर ङा थमा सुइक्‍ब आन शेंब कली ब्रेक्‍पाइक्‍ती। मेको परमप्रभु यावे आ तौ, थमा पा पाप रे प्रोंइब, दाऊद आ राज्‍य ङा सांचो थीबमी लाप्‍चो रोक्‍गा ङा मेरे सुइमी चोक्‍ने मचाप्‍नीम। मिनु चोक्‍गा ङा मेरे सुइमी रोक्‍ने मचाप्‍नीमी। यसैया २२:२२