प्रेरित 11:28 - Sunuwar Bible

²⁸ मेको आन दातेमी अगाबस नें पाइश्‍शो मुर का बाक्‍माक्‍त। मिनु काबु थमा सुइक्‍बपुकी खुम्‍सीशा बाक्‍मानु, अगाबसमी परमप्रभु यावे आ सोक्‍त रे पा “रागी नेल्‍लेमी अन्‍काल दुम्‍शा, जचा मतांइसीब” दे लोव़ पवा बाक्‍त। मेको लोव़ पिप क्‍लौदीयस आ सासनम थमा दुम्‍माक्‍त। प्रेरित २१:१०

प्रेरित 11:28 ပူးပေါင်းရင်းမြစ်များ

उत्पत्ती 41:38

मिनु फाराओम आ गेय पाइब आन कली “गो योसेफ खोदेंशो मुर अर्को सु थिन्‍ने चाप्‍नया ङा? परमप्रभु आ सोक्‍तीम ब्रीशो मुर का थिन्‍ने चाप्‍नया ङा?” दे हिल्‍लो पामी बाक्‍त। प्रस्‍थान ३१:३; हितोपदेस २:६

मत्ती 24:14

परमप्रभु यावे आ राज्‍य आ पर्बम चहिं नेल्‍ल रागी ङा मुर आन कली तुइक्‍पांइसीब। मारदे हना नेल्‍लेमी तुइक्‍चा माल्‍नीम। मिनु नोले रागी नुप्‍ची जाक्‍ब।

मत्ती 24:7

मारदे हना ङोंइती जात जात नु राज्‍य राज्‍यमी लडाइ पाइनीम। रागी रागीमी अन्‍काल दुम्‍ब, एर ओंथ ख्रिनु कुइब।

लूका 2:1

मिनु मेना सिजर अगस्‍टसमी “रागी नेल्‍ल ङा मुर आन नें ब्रेक्‍शा हिक्‍चा नमी” दे हुकुम पवा बाक्‍त।

लूका 3:1

सिजर तिबेरीयुस आ हुकुम पशो १५ बर्स दुम्‍मेनु, इस्राएल रागीम सासन पाइब सु सु बाक्‍मा बाक्‍त देंशा हना, यहूदीया रागीम पन्तीयस पिलातस, गालील रागीम हेरोद, इतुरीया नु त्राकोनीतीस रागीम हेरोद आ लोक्‍ब फिलीप नु अबीलेने रागीम लुसानीयस बाक्‍मा बाक्‍त।

प्रेरित 18:2

मिनु कोरिन्‍थ सहरम बाक्‍मेनु, नक इटाली रे जाक्‍शो अक्‍वीला नें पाइश्‍शो यहूदी नु आ मीश प्रिस्‍कीला आस कली ग्रुम्‍सी बाक्‍त। अक्‍वीला पोन्‍टसमी जरमेशो बाक्‍माक्‍त। मेको निक्‍शी ङोंइती रोम सहरमी बाक्‍शो बाक्‍सा बाक्‍त। तन्‍न क्‍लौदीयस माइश्‍शो रोमी पिपमी यहूदी नेल्‍ल आन कली रोम सहरम बाक्‍चा मगेथु, ग्रुंइशा सोइक्‍तीके गाक्‍शा, कोरिन्‍थ सहरम जाक्‍शो बाक्‍सा बाक्‍त। रोमी १६:३

प्रेरित 21:10

मोपा फिलीप आ खिंमी बाक्‍कानु, काबु अगाबस माइश्‍शो परमप्रभु यावे आ लोव़ पाइब मुर का यहूदीया रागी रे यिशा, आंइ बाक्‍तीकेमी जाक्‍त। प्रेरित ११:२८