प्रेरित 11:26 - Sunuwar Bible26 मिनु थिश्शा एन्टीओकम जाक्शा बाक्सा बाक्त। मिनु बर्स का सम्म थमा सुइक्बपुकी नु काथा बाक्शा, शुश मुर आन कली प्रभु आ लोव़ शेंना शेंन बाक्सा बाक्त। एन्टीओक सहरमीन येसु आ लां खोइक्ब नेल्ल क्येङा ङोंइती “ख्रीस्तीयन” दे नें वोइक्चा पुंइसमा बाक्त। मेना रे मेको नें लीमाक्त। गलाती २:११ အခန်းကိုကြည့်ပါ။ |
प्रेरित 11:26
34 ပူးပေါင်းရင်းမြစ်များ
मिनु काबु आपोल्लोसमी “आकाया रागीमी हिरशा, शेंथ लाइनुङ” देंमेनु, थमा सुइक्ब लोक्बपुकीमी “दुम्ब” देंमा बाक्त। मिनु आकाया रागीमी बाक्ब थमा सुइक्ब आन कली चिठी ब्रेक्शा “आपोल्लोस इन बाक्तीके जाक्मेनु, मान पा ब्रने, आ लोव़ नेनीने” दे ब्रेक्शा सोइक्तमे बाक्त। मिनु मेकेर जाक्दीश्शा, थमा सुइक्ब आन कली ग्रुम्शा, आन थुं बारपाइक्मी बाक्त।
सोइश्शो आन लोव़ नेंशा नेल्ल आन थुं नुशा, ७ जना मुर आन कली योव़चा बिस्समा बाक्त। मिनु सु सु आन कली योव़ङमे बाक्त देंशा हना, रिम्शो थमा सुइक्ब परमप्रभु यावे आ सोक्तीम ब्रीशो स्तीफानस, फिलीप, प्रोकोरस, निकानोर, तीमोन, परमीनास नु एन्टीओक ङा निकोलाउस आन कली योव़ङमे बाक्त। निकोलाउस चहिं अर्को रागी ङा मुर बाक्शा यो यहूदी दुम्शो बाक्माक्त। प्रेरित ८:५
येसु ख्रीस्तमी इन कली परमप्रभु यावे आ सोक्त गेप्तु। मिनु मेको गेपुकी नु बाक्ब। मेको परमप्रभु यावे आ सोक्त गेपुकी नु बाक्मेनु, अर्को शेंब ममाल्नीनी। परमप्रभु यावे आ सोक्तीमी इन कली नेल्ल शेंना शेंन बाक्ब। मेको आ शेंशो थमा बाक्तीके जोल मदुम्ब। मेकोमी ङोंइती इन कली शेंशो टिशा, मेको नु थुं का ङा दुम्शा, बाक्कीन। यूहन्ना १६:१३; २कोरिन्थी १:२१-२२; येरमीया ३१:३४
मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्शो दुम्चा कली आं सुन ग्यापीन। मेको सुन याप्पाइश्शो बाक्ब। मेको ग्याप्तीनी हना, गे शोंप पाइश्शो दुम्नीनी। मिनु फेक्चा कली बुश वा ग्यापीन। मेको ग्याप्तीनी हना, मुने मदोक्नीनी। मिनु इन मिक्च, सापाइक्चा कली मिक्चीम ख्रेक्तीके ग्यापीन। ग्याप्शा ख्रेक्साक्नी हना, गे ताइनीनी।
ကြော်ငြာတွေ