प्रेरित 11:24 - Sunuwar Bible

²⁴ बारनाबास रिम्‍शो मुर बाक्‍माक्‍त। परमप्रभु यावे आ सोक्‍तीमी ब्रीशा, खोइल थेक्‍शो खोदेंशो पा थमा सुइक्‍बाक्‍माक्‍त। आ पशो तशा, आ लोव़ नेंशा, शुश मुरुमी प्रभु कली थमा सुइक्‍ब दुम्‍मा बाक्‍त। प्रेरित ५:१४

प्रेरित 11:24 ပူးပေါင်းရင်းမြစ်များ

२ सामुएल 18:27

मिनु मेको खाल पाइबमी “मेरे ङोंइती दोरब सादोक आ तौ अहीमाज खोदेंशो पा दोरत” देंमाक्‍त। मिनु पिपमी “मेको रिम्‍शो मुर बाक्‍ब, मेकोम रिम्‍शो लोव़ चाक्गा माइ” देंमाक्‍त।

भजन संग्रह 112:5

हाइश्‍शो दुम्‍शा, गेब मुर आन कली रिम्‍शो दुम्‍ब। मेकोपुकीमी आन गेय ठीक पतीकेमी पाइनीम।

भजन संग्रह 37:23

परमप्रभु यावेमी आ मुर आन थेक्‍तीक बोल्‍यो सेल्‍ब। मेको आन कली तशा ग्‍येरब।

हितोपदेस 12:2

परमप्रभु यावेमी रिम्‍शो पाइब मुर आन कली दाक्‍ब। दूली मिम्‍शा हेंथे पाइब आन कली चहिं दोस गेब।

हितोपदेस 13:22

रिम्‍शो मुरुमी आ चच युइ आन कली शोंप हेंशा वोइक्‍ब। तन्‍न मरिम्‍शो पाइब आन शोंप ठीक पाइबपुकीम ताइनीम।

हितोपदेस 14:14

दूली पाइब आन दूली पशो ङा ताइनीम। मिनु रिम्‍शो पाइबमी आन रिम्‍शो पशो ङा ताइनीम।

मत्ती 12:35

रिम्‍शो थुं पाइश्‍शो मुरुमी रिम्‍शो लोव़ पाइब। मरिम्‍शो थुं पाइश्‍शो मुरुमी मरिम्‍शो लोव़ पाइब।

मत्ती 19:17

येसुमी “रिम्‍शो पचा आ पर्बम मारदे हिल्‍लो पवी? रिम्‍शो पाइब का ला बाक्‍ब। गेना हना यो मेको नु ब्रोंइशा बाक्‍चा थुं पाप्‍तीवी हना, मेको रिम्‍शो पाइब आ देंशो लोव़ टिचा माल्‍नेवे” देंमेनु

लूका 23:50

यहूदीया रागी अरीमाथीया सहर ङा योसेफ नें पाइश्‍शो ठेयब मुर का बाक्‍माक्‍त। मेको मुर यरूसलेम “येसु कली साइक्‍चा” दे लोव़सी पामेनु, मबिश्‍शो बाक्‍माक्‍त।

यूहन्‍ना 7:12

मिनु मुरपुकीमी येसु आ पर्बम शुश ख्रुइश्‍शा लोव़ पमुम्‍तेक्‍म। का निक्‍शीमी “रिम्‍शो मुर बाक्‍ब” देंतेक्‍म। का निक्‍शीमी चहिं “ममाइ, मुर आन कली हेंथे गाक्‍पाइक्‍ब बाक्‍ब” देंतेक्‍म।

प्रेरित 11:21

मोदेंशो शेंब आन कली प्रभुमी सक्ति गेवा बाक्‍त। मिनु मेको आन लोव़ नेंशा, शुश मुरुमी थमा सुइश्‍शा, आन थुं प्रभु गे हिरदमे बाक्‍त। प्रेरित २:४७

प्रेरित 2:4

मिनु परमप्रभु यावे आ सोक्‍तीमी सोइश्‍शो आन कली प्रिंशा, मेको आन कली आन मतुइश्‍शो लोव़ पपाइक्‍मी बाक्‍त। प्रेरित ४:३१; प्रेरित १०:४४-४६

प्रेरित 2:47

परमप्रभु यावे कली ठेयब सेल्‍ना सेल्‍न बाक्‍बाक्‍मा बाक्‍त। मुरपुकीमी मेको आन कली मोदेंशो पशो तशा, रिम्‍शो मिम्‍बाक्‍मा बाक्‍त। प्रभुमी नाक्‍त किंत किंत येसु कली थमा सुइक्‍ब तेम्‍ना तेम्‍न बारपाइक्‍मी बाक्‍त। प्रेरित ४:४; प्रेरित ५:१४; प्रेरित ६:७; प्रेरित ११:२१; प्रेरित १४:१

प्रेरित 24:16

मोपतीके गो परमप्रभु यावे नु मुर आन ङोंइती रिम्‍शो पाइनुङ, दे आं थुं फ्रेंशा बाक्‍नुङ। प्रेरित २३:१

प्रेरित 5:14

मिनु वोंइश मुर नु मीश मुर शुशेमी प्रभु कली थमा सुइक्‍ब दुम्‍शा, तेम्‍सीन सीन शुश बारना बारन लमा बाक्‍त। प्रेरित २:४७

प्रेरित 6:3

मोपतीके मेको योक्‍चा कली मुरपुकी वोइक्‍चा माल्‍नय। दोदेंशो मुर माल्‍नय देंशा हना, मुरपुकीमी हिक्‍शो, परमप्रभु यावे आ सोक्‍तीमी ब्रीशो नु जोक्‍ब तुइक्‍ब ७ जना गेय पाइब मुर योव़चा माल्‍नय। १तिमोथी ३:८-१०

प्रेरित 6:5

सोइश्‍शो आन लोव़ नेंशा नेल्‍ल आन थुं नुशा, ७ जना मुर आन कली योव़चा बिस्‍समा बाक्‍त। मिनु सु सु आन कली योव़ङमे बाक्‍त देंशा हना, रिम्‍शो थमा सुइक्‍ब परमप्रभु यावे आ सोक्‍तीम ब्रीशो स्‍तीफानस, फिलीप, प्रोकोरस, निकानोर, तीमोन, परमीनास नु एन्‍टीओक ङा निकोलाउस आन कली योव़ङमे बाक्‍त। निकोलाउस चहिं अर्को रागी ङा मुर बाक्‍शा यो यहूदी दुम्‍शो बाक्‍माक्‍त। प्रेरित ८:५

प्रेरित 6:8

मिनु स्‍तीफानस चहिं परमप्रभुमी शुश शिशी नु सक्ति गेचा पुंइसीशो बाक्‍माक्‍त। मोपतीके मुर आन कली शुश चिन्‍ड नु छक लाक्‍चा ङा गेय नु चिनु कोंइशा बाक्‍बाक्‍माक्‍त।

प्रेरित 9:31

मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।

रोमी 15:15

परमप्रभु यावेमी आं कली शिशी पा शेंब सेल्‍ती। मोपतीके गो एको चिठीमी इच्‍का ठेयब लोव़ पा ब्रेक्‍ताक्‍ङ। रोमी १:५; रोमी १२:३

रोमी 5:7

ठीक पाइब आन बेक्‍चा आ पा ङा सुइ बेक्‍बा कों? रिम्‍शो पाइब आ पा ङा सुइ बेक्‍ने चाप्‍बा कों?