प्रेरित 11:21 - Sunuwar Bible

²¹ मोदेंशो शेंब आन कली प्रभुमी सक्ति गेवा बाक्‍त। मिनु मेको आन लोव़ नेंशा, शुश मुरुमी थमा सुइश्‍शा, आन थुं प्रभु गे हिरदमे बाक्‍त। प्रेरित २:४७

प्रेरित 11:21 ပူးပေါင်းရင်းမြစ်များ

२ इतिहास 30:12

परमप्रभु यावेमी यहूदा ङा मुर यो थुं का दुम्‍पदा बाक्‍त। मिनु मेकोपुकीमी पिप नु सरकार ङा ठेयब मुर आन कली देंशो, परमप्रभु यावे आ लोव़ खोदेंशो पा पामे बाक्‍त।

एज्रा 7:9

मिनु ङोंइती ङा महिना ङा ङोंइती ङा नाक्‍तीमी बेबीलोन रागी रे यरूसलेम लचा गोम्‍तेक्‍म। मिनु मेकोपुकी ५ महिना ङा ङोंइती ङा नाक्‍तीमी यरूसलेम जाक्‍तेक्‍म। मारदे हना परमप्रभु यावे, आ परमप्रभु आ शिशी पतीक गुइ मेको आन तारी बाक्‍त।

एज्रा 8:18

आंइ परमप्रभु आ शिशी पतीके गुइ आंइ तारी बाक्‍त। मारदे हना मेकोपुकीमी जोक्‍ब तुइक्‍ब मुर का चाक्‍तेक्‍म। मेको इस्राएल आ तौ लेवी आ तौ माहली आ चच युइ शेरेब्‍याह माइश्‍शो मुर बाक्‍त। मेको आ तौपुकी नु आ लोक्‍ब नेल्‍ल पा १८ जना वोंइश मुर चाक्‍तेक्‍म। एज्रा ७:६

नेहेम्‍याह 2:18

मिनु आं परमप्रभु आ शिशी आं तारी बाक्‍तीके नु पिपमी आं कली देंशो लोव़ यो मेको आन कली शेंताक्‍ङमी। मिनु मेकोपुकीमी “लो, गो एको गेय पय” दे ग्‍येरशा, आन थुं बारपाइक्‍‍तेक्‍म।

नेहेम्‍याह 2:8

मिनु परमप्रभु यावे आ खिं आ नेक्‍था ङा बोल्‍यो खिं कली लाप्‍चो कली, सहर ङा गारो ङा ठेयब लाप्‍चो आन कली, नु आं बाक्‍तीक खिं कली शी माल्‍नुङ। इन ब्‍वाकी कोव़ब आसाफ कली आं माल्‍शो शी गेचा, दे यो ब्रेक्‍स का ब्रेक्‍शा गेयीनी” दे पुंइता। मिनु पिपमी आं पुंइशो नेल्‍ल गेती। मारदे हना आं परमप्रभु आ शिशी आं तारी बाक्‍त। एज्रा ७:६

यसैया 53:1

आंइ नेंशो लोव़ सुम थमा सुदमे ङा? मिनु परमप्रभु यावे आ सक्ति सुम तामे ङा? यूहन्‍ना १२:३८; रोमी १०:१६; यसैया ५२:१०

यसैया 59:1

कोव़ङीन, परमप्रभु यावे आ मुर आन कली पाप रे प्रोंइतीक सक्ति मपाइश्‍शो मदुम्‍शो बाक्‍ब। आ नोफा मथांइशो बाक्‍ब। यसैया ५०:२

लूका 1:66

नेंबपुकीमी मेको लोव़ आन थुंमी वोइश्‍शा “मेको आल नोले दोदेंशो दुम्‍बा?” देंमुमा बाक्‍त। मारदे हना परमप्रभु मेको आल नु बाक्‍माक्‍त।

प्रेरित 11:24

बारनाबास रिम्‍शो मुर बाक्‍माक्‍त। परमप्रभु यावे आ सोक्‍तीमी ब्रीशा, खोइल थेक्‍शो खोदेंशो पा थमा सुइक्‍बाक्‍माक्‍त। आ पशो तशा, आ लोव़ नेंशा, शुश मुरुमी प्रभु कली थमा सुइक्‍ब दुम्‍मा बाक्‍त। प्रेरित ५:१४

प्रेरित 15:19

मोपतीके परमप्रभु यावे आ देंशो तुइश्‍शा, दोदेंशो मिम्‍चा माल्‍नय देंशा हना, अर्को रागी ङा थमा सुइक्‍ब आन कली श्‍येत मगेचा।

प्रेरित 2:47

परमप्रभु यावे कली ठेयब सेल्‍ना सेल्‍न बाक्‍बाक्‍मा बाक्‍त। मुरपुकीमी मेको आन कली मोदेंशो पशो तशा, रिम्‍शो मिम्‍बाक्‍मा बाक्‍त। प्रभुमी नाक्‍त किंत किंत येसु कली थमा सुइक्‍ब तेम्‍ना तेम्‍न बारपाइक्‍मी बाक्‍त। प्रेरित ४:४; प्रेरित ५:१४; प्रेरित ६:७; प्रेरित ११:२१; प्रेरित १४:१

प्रेरित 4:4

पत्रुस नु यूहन्‍ना आस शेंशो लोव़ नेंशा, थमा सुइक्‍ब ५ हजार जना जाक्‍दीश्‍शो बाक्‍मा बाक्‍त। प्रेरित २:४७

प्रेरित 5:14

मिनु वोंइश मुर नु मीश मुर शुशेमी प्रभु कली थमा सुइक्‍ब दुम्‍शा, तेम्‍सीन सीन शुश बारना बारन लमा बाक्‍त। प्रेरित २:४७

प्रेरित 6:7

मिनु परमप्रभु यावे आ लोव़ तेइ तेइ बारना बारन ल‍माक्‍त। यरूसलेममी शुश मुर येसु ख्रीस्‍त कली थमा सुइक्‍ब दुम्‍शा, तेम्‍सीन सीन बारना बारन लमा बाक्‍त। चढ़ेब शुश यो थमा सुइक्‍ब दुम्‍मा बाक्‍त। प्रेरित २:४७; प्रेरित १९:२०

प्रेरित 9:35

मिनु लिडडा सहरम नु शारोन रागीमी बाक्‍ब नेल्‍लेमी एनीयास कली मोपा साशो तशा, आन थुं प्रभु गे लेत्‍मे बाक्‍त।

१ थिस्‍सलोनिकी 1:5

मारदे हना इन कली शेंशो ग्‍येरपाइक्‍ब लोव़ पचा ला मशेंदक, सक्ति यो ताइतीनी। परमप्रभु यावे आ सोक्‍तीमी आंइ कली शुश तुइक्‍तीक थुं गेशा प्रिंताक्‍व। गोपुकी दोदेंशो मुर बाक्‍नीकी, दे गेपुकी नु बाक्‍शा कोंइताक्‍क। मिनु गे तुइक्‍ताक्‍नी। १कोरिन्‍थी २:५